-
വാഷിങ്ടണ്‍ ഡിസി: ജനുവരി 6 ന് യു.എസ്. കാപ്പിറ്റോളില്‍ ഉണ്ടായ അക്രമസംഭവങ്ങളില്‍ ഗൂഢാലോചന കുറ്റം ചാര്‍ത്തിയിട്ടുള്ള പ്രസിഡന്റ് ട്രംപ്, ട്രംപിന്റെ പേഴ്‌സണല്‍ ലോയര്‍ റൂഡി ഗുലിയാനി എന്നിവരുടെ പേരിലുള്ള കേസുകള്‍ ഡിസ്മിസ് ചെയ്യണമെന്ന് ഫെഡറല്‍ ജഡ്ജിയോട് ഇരുവരും ആവശ്യപ്പെട്ടു. വ്യാഴാഴ്ചയാണ് ഇതുസംബന്ധിച്ച അപേക്ഷ ജഡ്ജിയുടെ മുമ്പില്‍ ഇരുവരും സമര്‍പ്പിച്ചത്.
ജോ ബൈഡന്റെ ഇലക്ടറല്‍ വിക്ടറി അട്ടിമറിക്കുന്നതിനാണ് കാപ്പിറ്റോള്‍ അക്രമങ്ങള്‍ സംഘടിപ്പിച്ചതെന്നായിരുന്നു ട്രംപിനെതിരെയുള്ള ലോ സ്യൂട്ടില്‍ ആരോപിച്ചിരുന്നത്. മിസ്സിസ്സിപ്പിയില്‍ നിന്നുള്ള ഡെമോക്രാറ്റിക് സെനറ്റര്‍ ബെന്നി തോംപ്‌സണ്‍ ഉള്‍പ്പെടെ 10 ഡെമോക്രാറ്റിക് സെനറ്റര്‍മാരാണ് ഫെഡറല്‍ ലൊ ലംഘിച്ചുവെന്ന് ആരോപിച്ച് ഇരുവര്‍ക്കുമെതിരെ ലോ സ്യൂട്ട് ഫയല്‍ ചെയതിരുന്നത്.
ഫസ്റ്റ് അമന്റ്‌മെന്റിന്റെ പരിരക്ഷ ജനുവരി 6-ന് മുമ്പു നടത്തിയ റാലിക്ക് ഉണ്ടെന്നും ഇരുവരും വാദിച്ചു. സമാധാനപരമായും ദേശഭക്തിയോടും കൂടിയാകണം റാലിയും പ്രകടനവുമെന്ന് ട്രംപ് റാലിയെ അഭിസംബോധന ചെയ്തുസംസാരിച്ചിരുന്നുവെന്ന് ട്രംപിനുവേണ്ടി ലോയര്‍ ജെസ്സി ബിന്നല്‍ കോടതിയില്‍ സമര്‍പ്പിച്ച സത്യവാങ്മൂലത്തില്‍ പറയുന്നു.
യു.എസ്.സെനറ്റില്‍ കാപ്പിറ്റോള്‍ അക്രമണം അന്വേഷിക്കുന്നതിന് കമ്മീഷനെ നിയമിക്കണമെന്ന ഡെമോക്രാറ്റ് ആവശ്യത്തെ റിപ്പബ്ലിക്കന്‍ അംഗങ്ങള്‍ ശക്തമായി എതിര്‍ക്കുന്നു.
വാര്‍ത്തയും ഫോട്ടോയും : പി.പി.ചെറിയാന്‍
.jpg?$p=19511ff&f=1x1&w=100&q=0.8)
.jpg?$p=4f96ebc&f=1x1&w=100&q=0.8)
.jpg?$p=bec7056&q=0.8&f=16x11&w=104)
.jpg?$p=fad68fb&q=0.8&f=16x11&w=104)
.jpg?$p=d83648f&q=0.8&f=16x11&w=104)
.jpg?$p=48405e6&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..