.jpg?$p=09e9aed&f=16x10&w=856&q=0.8)
.
വാഷിങ്ടണ്‍ ഡിസി: സമീപകാലത്ത് അമേരിക്കയില്‍ നടന്ന മാസ് ഷൂട്ടിംഗിനും ഗണ്‍വയലന്‍സിനുമെതിരെ ജൂണ്‍ 11 ന് രാജ്യവ്യാപകമായി വിദ്യാര്‍ത്ഥികള്‍ പ്രതിഷേധ പ്രകടനങ്ങള്‍ സംഘടിപ്പിച്ചു. മാര്‍ച്ച് ഫോര്‍ അവര്‍ ലൈവ്‌സ് ആണ് റാലി സംഘടിപ്പിച്ചത്.
ആയിരക്കണക്കിന് പ്രതിഷേധങ്ങള്‍ അമേരിക്കന്‍ തെരുവുവീഥികളെ പ്രകമ്പനം കൊള്ളിച്ചു. ഉവാള്‍ഡ, ടെക്‌സാസ്, ബഫല്ലൊ, ന്യൂയോര്‍ക്ക് ഉള്‍പ്പെടെ ഈയിടെ നടന്ന മാസ് ഷൂട്ടിംഗുകളില്‍ വിദ്യാര്‍ത്ഥികളും അധ്യാപകരും ഉള്‍പ്പെടെ നിരവധിപേര്‍ കൊല്ലപ്പെടുകയും നിരവധി പേര്‍ക്ക് പരിക്കേല്‍ക്കുകയും ചെയ്തിരുന്നു.
അതിശക്തവും സുതാര്യവുമായ ഗണ്‍ കണ്‍ട്രോള്‍ നിയമങ്ങള്‍ വേണമെന്ന ആവശ്യം ലൊമേക്കേഴ്‌സ് ഉള്‍പ്പെടെയുള്ള ഭരണാധികാരികളുടെ ശ്രദ്ധയില്‍കൊണ്ടുവരുന്നതിനും അടിയന്തിര നടപടികള്‍ സ്വീകരിക്കുന്നതിനും വേണ്ടിയാണ് വിദ്യാര്‍ത്ഥികള്‍ രാജ്യത്തിന്റെ വിവിധ സംസ്ഥാനങ്ങളില്‍ തിരഞ്ഞെടുക്കപ്പെട്ട 450 കേന്ദ്രങ്ങളില്‍ നൂറുകണക്കിനാളുകളെ ഉള്‍പ്പെടുത്തി റാലികള്‍ സംഘടിപ്പിച്ചത്.
വാഷിങ്ടണ്‍ ഡിസിയില്‍ ഉച്ചക്ക് 12 മണിക്ക് ആരംഭിച്ച റാലി 2 മണിയോടെ സമാപിച്ചു. മൊണ്ടാനയില്‍ നിന്നുള്ള ഡെമോക്രാറ്റിക് പ്രതിനിധി കോറി ബുഷ് റാലിയെ അഭിസംബോധന ചെയ്ത് തനിക്ക് നേരിടേണ്ടി വന്ന ഭയാനകമായ അനുഭവങ്ങള്‍ വിവരിച്ചു. യുവതിയായിരിക്കുമ്പോള്‍ തന്റെ പാര്‍ട്ണര്‍ തനിക്കെതിരെ നിരവധി തവണയാണ് നിറയൊഴിച്ചത്. ഭാഗ്യം കൊണ്ടാണ് രക്ഷപ്പെട്ടത്. അന്നു മുതല്‍ ഗണ്‍വയലന്‍സ് അവസാനിപ്പിക്കണമെന്ന് ഞാന്‍ ആഗ്രഹിക്കുകയും അതിനായി പ്രവര്‍ത്തിക്കുകയും ചെയ്തിരുന്നു. എന്നാല്‍ അത് യാഥാര്‍ത്ഥ്യമായിത്തീരുന്നത് എന്നാണെന്ന് അറിയില്ല, കോറി പറഞ്ഞു. റാലികള്‍ സമാധാനപരമായിരുന്നു.
വാര്‍ത്തയും ഫോട്ടോയും : പി.പി.ചെറിയാന്‍
.jpg?$p=8a7b7b1&f=1x1&w=100&q=0.8)
.jpg?$p=f71056e&f=1x1&w=100&q=0.8)
.jpg?$p=9c2ba89&q=0.8&f=16x11&w=104)
.jpg?$p=8312ca4&q=0.8&f=16x11&w=104)
.jpg?$p=74dd70a&q=0.8&f=16x11&w=104)
.jpg?$p=8384990&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..