-
സാന്‍ഡിയാഗൊ: അമ്മയുടെ കാര്‍ മോഷ്ടിച്ച് രാത്രി 11 നു ശേഷം കൂട്ടുകാരിയെയും കൂട്ടി ഉല്ലാസയാത്ര നടത്തിയ പതിമൂന്നുകാരിയുടെ കാറിടിച്ച് 2 പേര്‍ കൊല്ലപ്പെട്ടു. വെള്ളിയാഴ്ച രാത്രിയായിരുന്നു സംഭവം.
ട്രാഫിക് വയലേഷനെത്തുടര്‍ന്ന് പോലീസ് വാഹനം തടഞ്ഞു. കാറില്‍ ഉണ്ടായിരുന്നവര്‍ രണ്ടുപേരും കൗമാര പ്രായക്കാരായിരുന്നുവന്ന് പോലീസ് അറിഞ്ഞിരുന്നില്ല. പോലീസിനെ കണ്ടതും രണ്ടു പെണ്‍കുട്ടികളും കാറില്‍ നിന്നിറങ്ങി ഓടി രക്ഷപ്പെട്ടു. തുടര്‍ന്ന് ചുറ്റുപാടും നടത്തിയ അന്വേഷണത്തിലാണ് കിടന്നുറങ്ങുകയായിരുന്ന ഭവനരഹിതരായ രണ്ടുപേരെ രക്തത്തില്‍ കുളിച്ച് സമീപത്തുള്ള കുറ്രിക്കാട്ടില്‍ കണ്ടെത്തിയത്. ഒരാള്‍ സംഭവസ്ഥലത്തുവെച്ചു തന്നെ മരിച്ചിരുന്നു. മറ്റൊരാളെ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനാായില്ല.
കാറില്‍ നിന്നിറങ്ങി ഓടിയ രണ്ടുകുട്ടികളെയും അറസ്റ്റ് ചെയ്ത് മാതാപിതാക്കളുടെ കസ്റ്റഡിയില്‍ വിട്ടയച്ചതായി എസ് കോണ്ടിഡ് പോലീസ് ലഫ്റ്റ് കെവിന്‍ പറഞ്ഞു. കൊല്ലപ്പെട്ട രണ്ടുപേരുടെ വിവരങ്ങള്‍ ഇതുവരെ പുറത്തുവിട്ടിട്ടില്ല. പ്രായപൂര്‍ത്തിയാകാത്ത കുട്ടികളെക്കുറിച്ചും പോലീസ് വിശദീകരണം നല്‍കിയില്ല.
വാര്‍ത്തയും ഫോട്ടോയും : പി.പി.ചെറിയാന്‍
Also Watch
IN CASE YOU MISSED IT
.jpg?$p=246738b&q=0.8&f=16x11&w=104)
.jpg?$p=aa62323&q=0.8&f=16x11&w=104)
.jpg?$p=79c0b37&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..