പ്രതീകാത്മക ചിത്രം | ഫോട്ടോ: മനീഷ്‌ ചേമഞ്ചേരി , മാതൃഭൂമി
ന്യൂയോര്‍ക്ക്: കൊറോണ വൈറസിന്റെ ഏറ്റവും പുതിയ വകഭേദമായ ഒമിക്രോണ്‍ വേരിയന്റുകളുടെ എണ്ണത്തില്‍ കുതിച്ചുചാട്ടം ഉണ്ടായ സാഹചര്യത്തില്‍, പുതുതായി റിപ്പോര്‍ട്ട് ചെയ്ത വേരിയന്റിന്റെ ആക്രമണം തടയുന്നതിനും വിമാനയാത്രക്കാരുടെ സുരക്ഷ ഉറപ്പാക്കുന്നതിനും എയര്‍പോര്‍ട്ട് അധികൃതര്‍ കര്‍ശന നടപടികളും പ്രോട്ടോക്കോളുകളും പാലിക്കുന്നില്ലെന്ന് പിഎംഎഫ് ഗ്ലോബല്‍ കമ്മിറ്റി അഭിപ്രായപ്പെട്ടു. എയര്‍ടെര്‍മിനലുകളില്‍ 2490 രൂപ ഈടാക്കിയിട്ടും ശരിയായ റിസള്‍ട്ട് പലയാത്രക്കാര്‍ക്കും ലഭിക്കുന്നില്ലെന്ന് പിഎംഎഫ് ഗ്ലോബല്‍ പ്രസിഡന്റ് എം.പി.സലീം പറഞ്ഞു.
ഗള്‍ഫ് രാജ്യത്ത് പ്രവാസികളുടെ മൃതദേഹം ഇന്ത്യയിലേക്ക് കൊണ്ടുപോകുന്നതില്‍ നിര്‍ണായക പങ്കുവഹിക്കുന്ന യുഎഇ ആസ്ഥാനമായുള്ള സാമൂഹികപ്രവര്‍ത്തകനും കമ്മ്യൂണിറ്റി പ്രതിനിധിയുമായ പ്രവാസി ഷാര്‍ജയിലേക്കുള്ള യാത്രാമധ്യേ തിരുവനന്തപുരം വിമാനത്താവളത്തില്‍ നിന്ന് എടുത്ത ആര്‍ടിപിസിആര്‍ പരിശോധനാ ഫലം പോസിറ്റീവ് എന്ന് രേഖപ്പെടുത്തിയത് ഷാര്‍ജയിലേക്കുള്ള അദ്ദേഹത്തിന്റെ യാത്രനിരസിക്കാന്‍ അധികാരികളെ പ്രേരിപ്പിച്ചു, അതേ സമയം അദ്ദേഹം കൊച്ചിയില്‍ നിന്ന് ഷാര്‍ജയിലേക്ക് ഓണ്‍ലൈനില്‍ മറ്റൊരു പുതിയ ടിക്കറ്റ് വാങ്ങി, വെറും 7 മണിക്കൂര്‍ സമയത്തിനുള്ളില്‍ എടുത്തത് നെഗറ്റീവ് ആയി റിസള്‍ട്ട് വന്നു. പിസിആര്‍ ടെസ്റ്റ് ഫലങ്ങളുടെ വിശ്വാസ്യതയില്ലായ്മയുടെ കാര്യത്തില്‍ ഇത്തരം ആശങ്കകള്‍ പ്രവഹിക്കാന്‍ തുടങ്ങിയിരിക്കുന്നു. ഇത് നിലവിലുള്ള കോവിഡ് അനിശ്ചിതത്വങ്ങളാല്‍ ശാരീരികമായും സാമ്പത്തികമായും ഇതിനകം തന്നെ ബുദ്ധിമുട്ടിലായ പ്രവാസി യാത്രക്കാരെ അമ്പരപ്പിക്കുന്നു. പുതിയമാര്‍ഗ്ഗനിര്‍ദ്ദേശങ്ങളോടെയുള്ള വിമാനയാത്ര ശ്രമകരവും ചെലവേറിയതുമാകുമെന്നതിന് പുറമെ, കേരളടെര്‍മിനലില്‍ ഇന്‍ബൗണ്ട് യാത്രക്കാര്‍ക്ക് ആര്‍ടി പിസിആര്‍ എടുക്കുന്നതിനുള്ള 6 ഉം 7 ഉം മണിക്കൂര്‍ കാത്തിരിപ്പ് ദൈര്‍ഘ്യവും യൂറോപ്യന്‍, അന്തര്‍ദേശീയ കണക്ഷന്‍ ഫ്‌ളൈറ്റ് യാത്രക്കാര്‍ക്ക് ഏറെ ബുദ്ധിമുട്ടുണ്ടാകുന്നതാണ്.
അറിയിപ്പെടുന്ന ഒരു സാമൂഹിക പ്രവര്‍ത്തകനു അനുഭവപ്പെട്ട ഒരു സംഭവത്തിന്റെ മുകളില്‍ പരാമര്‍ശിച്ച സാഹചര്യം പരിശോധിക്കുമ്പോള്‍, സാധാരണ യാത്രക്കാരുടെ ദുരവസ്ഥ സങ്കല്‍പ്പിക്കാന്‍ കഴിയില്ല. മാത്രമല്ല, സമീപകാലത്ത് റിപ്പോര്‍ട്ട് ചെയ്യപ്പെട്ട നിരവധി സംഭവങ്ങളില്‍ ഒന്നാണിത്. അതിനാല്‍, കേസുകള്‍ കണ്ടെത്തുന്നതില്‍ പിശകുകളില്ലാത്ത മെഡിക്കല്‍ ഉപകരണങ്ങള്‍ എയര്‍ടെര്‍മിനലുകളില്‍ സജ്ജീകരിക്കാനും ഇന്‍സ്റ്റാള്‍ ചെയ്ത ഉപകരണങ്ങള്‍ പ്രവര്‍ത്തിപ്പിക്കാന്‍ മതിയായ യോഗ്യതയുള്ള ഉദ്യോഗസ്ഥരെ വിന്യസിക്കാനും ബന്ധപ്പെട്ട അധികാരികളോട് അഭ്യര്‍ത്ഥിച്ചു കൊണ്ട് പിഎംഎഫ് (പ്രവാസി മലയാളി ഫെഡറേഷന്‍) ഗ്ലോബല്‍ ഓര്‍ഗനൈസേഷന്‍ കേന്ദ്രവ്യോമയാന മന്ത്രി, ആരോഗ്യ മന്ത്രി, വിദേശകാര്യ മന്ത്രി, കേരള മുഖ്യമന്ത്രി, കേരള ആരോഗ്യമന്ത്രി എന്നിവര്‍ക്ക് നിവേദനം സമര്‍പ്പിച്ചു.
വിമാനയാത്രയുടെ കാര്യത്തില്‍ വളരെ പ്രോത്സാഹജനകമായ സാഹചര്യങ്ങളില്ലാതെ വരാനിരിക്കുന്ന ദിവസങ്ങള്‍ പ്രവചിക്കപ്പെടുന്നതിനാല്‍, യാത്രക്കാരെ ടെസ്റ്റ് ചെയ്യുന്നതിനുള്ള ഫലപ്രദമായ രീതികള്‍ അവലംബിക്കുവാനും യാത്രക്കാരുടെ പരാതികള്‍ ലഘൂകരിക്കാനുള്ള വഴികള്‍ അധികാരികള്‍ ശ്രദ്ധിക്കണമെന്ന് ഗ്ലോബല്‍ പ്രസിഡന്റ് എം.പി.സലീം, ഗ്ലോബല്‍ ചെയര്‍മാന്‍ ഡോ.ജോസ് കാനാട്ട് ഗ്ലോബല്‍ കോഓര്‍ഡിനേറ്റര്‍ ജോസ് മാത്യു പനച്ചിക്കല്‍, ഗ്ലോബല്‍ ജനറല്‍ സെക്രട്ടറി വര്‍ഗീസ് ജോണ്‍ ഗ്ലോബല്‍ ട്രഷറര്‍ സ്റ്റീഫന്‍ കോട്ടയം, ഗ്ലോബല്‍ മീഡിയ കോഓര്‍ഡിനേറ്റര്‍ പി.പി.ചെറിയാന്‍ എന്നിവര്‍ സംയുക്ത പത്ര പ്രസ്താവനയില്‍ അറിയിച്ചു.
വാര്‍ത്തയും ഫോട്ടോയും : പി.പി.ചെറിയാന്‍
Also Watch
RELATED STORIES
IN CASE YOU MISSED IT
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..