.jpg?$p=afe3202&f=16x10&w=856&q=0.8)
റസാഖ്, എം.കെ.ഷമീം, സജിത്ത് മങ്ങാട്ട്
ദോഹ: ഖത്തറിലെ മിസൈദിലുണ്ടായ വാഹനാപകടത്തില്‍ മൂന്നു മലയാളികള്‍ മരിച്ചു. ആലപ്പുഴ ബുധനൂര്‍ എണ്ണയ്ക്കാട് ഉളുന്തി മങ്ങാട്ട് വീട്ടില്‍ സജിത്ത് (39), പൊന്നാനി മാറഞ്ചേരി പുറങ്ങ് കുണ്ടുകടവ് കളത്തില്‍പടി അറക്കല്‍ അണ്ടിപ്പാട്ടില്‍ റസാഖ് (31), മലപ്പുറം കീഴുപറമ്പ് സ്വദേശി എം.കെ.ഷമീം (35) എന്നിവരാണ് മരിച്ചത്.
മൂവരും സംഭവസ്ഥലത്തുവെച്ചുതന്നെ മരിച്ചു. പെരുന്നാള്‍ അവധി ആഘോഷിക്കാന്‍പോയ സംഘത്തില്‍പ്പെട്ടവരാണ് ഇവര്‍. ഒന്നരവയസ്സുള്ള കുഞ്ഞുള്‍പ്പെടെ മൂന്നുപേര്‍ രക്ഷപ്പെട്ടു. കണ്ണൂര്‍ ഇരിട്ടി ഉളിക്കല്‍ സ്വദേശി ശരണ്‍ജിത്താണ് വാഹനം ഓടിച്ചിരുന്നത്.
സാരമായി പരിക്കേറ്റ ശരണ്‍ജിത്തിനെയും നിസ്സാരപരിക്കേറ്റ സജിത്ത് മങ്ങാട്ടിന്റെ ഭാര്യ രേവതിയെയും മക്കളായ അമേയ, അനേയ എന്നിവരെയും ഹമദ് മെഡിക്കല്‍ കോര്‍പ്പറേഷന്റെ അല്‍ വക്ര ആശുപത്രിയില്‍ പ്രവേശിപ്പിച്ചു. എയര്‍ ആംബുലന്‍സിലാണ് ഇവരെ ആശുപത്രിയിലേക്കു മാറ്റിയത്.രണ്ടു വാഹനങ്ങളിലായി ചൊവ്വാഴ്ച വൈകീട്ടാണ് മൈതറില്‍നിന്ന് മിസൈദിലെ സീലൈനിലേക്ക് സംഘം യാത്രപുറപ്പെട്ടത്. ഇവര്‍ സഞ്ചരിച്ച വാഹനം പാറയിലിടിച്ച് നിയന്ത്രണംവിടുകയായിരുന്നുവെന്ന് ദൃക്സാക്ഷികള്‍ അറിയിച്ചു. മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം നിയമനടപടികള്‍ക്കുശേഷം നാട്ടിലെത്തിക്കും.
പരേതനായ സുരേന്ദ്രന്റെയും വത്സലയുടെയും മകനാണ് സജിത്ത്. സഹോദരന്‍: സുജിത്ത്.
ഫസീലയാണ് മരിച്ച റസാഖിന്റെ ഭാര്യ. മകന്‍: റിസ്വാന്‍. പിതാവ്: മുഹമ്മദാലി. മാതാവ്: ജമീല. സഹോദരന്‍: സാദിഖ്.
ഷമീം മൂന്നുമാസം മുന്‍പാണ് നാട്ടില്‍നിന്ന് ഖത്തറിലേക്കു മടങ്ങിയത്. പിതാവ്: മഹ്‌മൂദ് മൗലവി. മാതാവ്: ഹലീമ. ഭാര്യ: മുര്‍ശിദ ബാനു. മക്കള്‍: അബാന്‍ മഹ്‌മൂദ് (വിദ്യാര്‍ഥി), ഐബിന്‍ മഹ്‌മൂദ്. സഹോദരങ്ങള്‍: ലൈല, താഹിറ, റസീന, നസ്‌റീന.
Content Highlights: Qatar, Accident, Death, Malayalees
Also Watch
RELATED STORIES
IN CASE YOU MISSED IT
.jpg?$p=8a7b7b1&f=1x1&w=100&q=0.8)
.jpg?$p=1990e2a&f=1x1&w=100&q=0.8)
.jpg?$p=74dd70a&f=1x1&w=100&q=0.8)
.jpg?$p=430c1f1&q=0.8&f=16x11&w=104)
.jpg?$p=a80322e&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..