.jpg?$p=aa62323&f=16x10&w=852&q=0.8)
.
ഡാലസ്: അഖില ലോക വനിതാ പ്രാര്‍ത്ഥനാ ദിനം മാര്‍ച്ച് 5 ന് ഡാലസില്‍ വിവിധ പരിപാടികളോടെ ഗാര്‍ലാന്‍ഡ് സിഎസ് ഐ കോണ്‍ഗ്രിഗേഷന്‍ ഓഫ് ഡാലസ് ചര്‍ച്ചില്‍ വെച്ച് സംഘടിപ്പിച്ചു.
കേരള എക്യൂമെനിക്കല്‍ ക്രിസ്ത്യന്‍ ഫെലോഷിപ്പിന്റെ ആഭിമുഖ്യത്തില്‍ നടത്തപ്പെട്ട ഇരുപത്തിയൊന്നാമത് പ്രാര്‍ത്ഥനാദിന പരിപാടികള്‍ രാവിലെ 10 ന് എം.എസ്.ചെറിയാന്‍ കോര്‍എപ്പിസ്‌കോപ്പയുടെ പ്രാരംഭ പ്രാര്‍ത്ഥനയോടെ ആരംഭിച്ചു. ഘോഷയാത്രക്കും ആരാധനക്കും ശേഷം സിഎസ്‌ഐ കോണ്‍ഗ്രിഗേഷന്‍ ഓഫ് ഡാലസ് അവതരിപ്പിച്ച സ്‌കിറ്റ് അതിമനോഹരമായിരുന്നു. ജിജോ അബ്രഹാം സ്വാഗത പ്രസംഗം നടത്തി. ഡെല്‍ഫി തോമസ് (കോര്‍ഡിനേറ്റര്‍) ആമുഖപ്രസംഗം ചെയ്തു.
പ്രസിഡന്റ് രാജു ദാനിയേല്‍ കോറെപ്പിസ്‌കോപ്പ ഉദ്ഘാടനം നിര്‍വഹിച്ചു. സമൂഹത്തിലെ അശരണരും ആലംബഹീനരുമായ ജനസമൂഹത്തിന്റെ ഉന്നമനത്തിനായിട്ടുള്ള നിരവധി പദ്ധതികള്‍ ആസൂത്രണം ചെയ്ത് പ്രവര്‍ത്തിച്ചു വരുന്ന എക്യൂമെനിക്കല്‍ ഫോലോഷിപ്പിന്റെ വഴിത്താരയിലെ നാഴിക കല്ലുകളിലൊന്നാന്നാണ് അഖില ലോകപ്രാര്‍ത്ഥനാ ദിനമെന്ന് കോര്‍ എപ്പിസ്‌കോപ്പ ഓര്‍മപ്പെടുത്തി.
വേദപുസ്തക വചനങ്ങളെ അടിസ്ഥാനമാക്കി ഈസിലി സോണിയ ജിജോ എബ്രഹാം മുഖ്യപ്രഭാഷണം ചെയ്തു. ലോകത്തെമ്പാടുമുള്ള സ്ത്രീകളുടെ പ്രശ്നങ്ങള്‍ പരസ്പരം മനസിലാക്കി അവയെ ദൈവസന്നിധിയില്‍ സമര്‍പ്പിച്ച് പ്രാര്‍ത്ഥിക്കുന്നതിനായുള്ള ദിനമാണ് വേള്‍ഡ് ഡെ പ്രയറെന്ന് സോണിയ ജിജോ എബ്രഹാം പറഞ്ഞു.
തുടര്‍ന്നു കഴിഞ്ഞ വര്‍ഷത്തെ പ്രവര്‍ത്തന റിപ്പോര്‍ട്ട് സുജാത അവതരിപ്പിച്ചു. 2023ലെ കണ്‍വീനറായി സാറാമ്മ രാജുവിനെ തിരഞ്ഞെടുത്തു. റെയ്‌നി തോമസ് നന്ദി പ്രകടിപ്പിച്ചു. ഫാ.ജോണ്‍ കുന്നത്ത്‌ശ്ശേരിയില്‍, ജിജോ എബ്രഹാം (വൈസ്പ്രസിഡന്റ്), ഫാ.വര്‍ഗീസ്, ഫാ.ജോണ്‍, ഫാ.ജോണ്‍ മാത്യു, അലക്‌സ് അലക്‌സാണ്ടര്‍ (സെക്രട്ടറി) തുടങ്ങിയവര്‍ പങ്കെടുത്തു. ഫാ.തമ്പാന്‍ വര്‍ഗീസ് അച്ചന്റെ സമാപന പ്രാര്‍ത്ഥനക്കും രാജു ഡാനിയല്‍ കോര്‍ എപ്പിസ്‌കോപ്പയുടെ ആശീര്‍വാദത്തിനും ശേഷം അഖിലലോക പ്രാര്‍ത്ഥനാദിന പരിപാടികള്‍ സമാപിച്ചു. പ്രാര്‍ത്ഥനയില്‍ ഡാലസ് ഫോര്‍ട്ട് വത്തിലെ എല്ലാ ക്രൈസ്തവ ദേവാലയങ്ങളില്‍ നിന്നും നിരവധി സ്ത്രീകള്‍ പങ്കെടുത്തിരുന്നു. വിജി ജയിംസ് എം.സി. ആയി പ്രവര്‍ത്തിച്ചു.
വാര്‍ത്തയും ഫോട്ടോയും : പി.പി.ചെറിയാന്‍
Content Highlights: prayer day, Dalas
Also Watch
RELATED STORIES
.jpg?$p=79c0b37&f=1x1&w=100&q=0.8)
.jpg?$p=1990e2a&f=1x1&w=100&q=0.8)
IN CASE YOU MISSED IT
.jpg?$p=afe3202&f=1x1&w=100&q=0.8)
.jpg?$p=5d7e19c&f=1x1&w=100&q=0.8)
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..