-
ഹൂസ്റ്റണ്‍: അമേരിക്കയിലെ പ്രമുഖ മലയാളി കൂട്ടായ്മകളിലൊന്നായ പാസഡീന മലയാളി അസോസിയേഷന്റെ ഈ വര്‍ഷത്തെ പിക്നിക് വൈവിധ്യമാര്‍ന്ന പരിപാടികള്‍ കൊണ്ട് ശ്രദ്ധേയമായി. പ്രകൃതി സുന്ദരമായ ബേ ഏരിയ പാര്‍ക്കില്‍ വച്ച് ജൂണ്‍ 19 ന് രാവിലെ 10 മണി മുതല്‍ 2 മണിവരെയാണ് പിക്നിക് നടത്തപ്പെട്ടത്.
അസോസിയേഷന്‍ പ്രസിഡന്റ് ജോണ്‍ ജോസഫ് (ബാബു കൂടത്തിനാല്‍) പിക്നിക് ഉദ്ഘാടനം ചെയ്തു. സ്‌പോര്‍ട്‌സ് കോര്‍ഡിനേറ്റര്‍ റിച്ചാര്‍ഡ് സ്‌കറിയ, സെക്രട്ടറി ബിജു ഇട്ടന്‍ എന്നിവരോടൊപ്പം ഈശോ എബ്രഹാം, ജോമോന്‍ ജേക്കബ് തുടങ്ങിയവര്‍ കായിക മത്സരങ്ങള്‍ക്ക് നേതൃത്വം നല്‍കി.
സീനിയര്‍, ജൂനിയര്‍, കിഡ്‌സ് തുടങ്ങി വിവിധ പ്രായത്തിലുള്ളവര്‍ക്കായി പ്രത്യക മത്സരങ്ങളാണ് നടത്തിയത്. കൊറോണ മഹാമാരിക്ക് ശേഷമുള്ള ആദ്യത്തെ ഈ ഒത്തുചേരല്‍ അസോസിയേഷന്‍ കുടുംബങ്ങള്‍ക്ക് കൂടുതല്‍ ഉണര്‍വ് നല്‍കി. അംഗങ്ങള്‍ വളരെ ഉത്സാഹ പൂര്‍വമാണ് ഓരോ മത്സരങ്ങളിലും പങ്കെടുത്തത്. സ്ത്രീകള്‍ക്ക് വേണ്ടിയുള്ള ലെമണ്‍ സ്പൂണ്‍, കസേരകളി എന്നിവ എടുത്തു പറയേണ്ട ഇനങ്ങളാണ്.
വിജയികള്‍ക്ക് വാര്‍ഷികാഘോഷദിനത്തില്‍ ട്രോഫികള്‍ നല്‍കും. തോമസ് ഉമ്മന്‍, രാജന്‍ ജോണ്‍, ജോയിക്കുട്ടി, ബിനു കോശി, വില്‍സണ്‍ ജോണ്‍, ജോഷി വര്‍ഗീസ്, പോള്‍ യോഹന്നാന്‍ തുടങ്ങിയവര്‍ പിക്നിക് വിജയകരമാക്കുവാന്‍ പ്രവര്‍ത്തിച്ചു. തുടര്‍ന്ന് 2022-ലേക്കുള്ള സംഘടന ഭാരവാഹികളായി പ്രസിഡന്റ് ജോമോന്‍ ജേക്കബ്, സെക്രട്ടറി സലീം അറക്കല്‍; മറ്റു കമ്മിറ്റി അംഗങ്ങളെയും ഐക്യകണ്‌ഠേന തിരഞ്ഞെടുത്തു. രുചികരമായ ബാര്‍ബിക്യൂ പാര്‍ട്ടിയോടെ പിക്നിക് സമാപിച്ചു.
വാര്‍ത്തയും ഫോട്ടോയും : ജീമോന്‍ റാന്നി
RELATED STORIES
.jpg?$p=a80322e&f=1x1&w=100&q=0.8)
IN CASE YOU MISSED IT
.jpg?$p=246738b&f=1x1&w=100&q=0.8)
.jpg?$p=ff836c2&f=1x1&w=100&q=0.8)
.jpg?$p=0bdc8b7&f=1x1&w=100&q=0.8)
.jpg?$p=daee72f&q=0.8&f=16x11&w=104)
.jpg?$p=fc07f96&q=0.8&f=16x11&w=104)
.jpg?$p=818dc93&q=0.8&f=16x11&w=104)
.jpg?$p=71e446e&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..