-
വാഷിങ്ടണ്‍ ഡിസി: അമ്പതിനായിരം ഡോളര്‍ വരെയുള്ള സ്റ്റുഡന്റ് ലോണ്‍ എഴുതിത്തള്ളല്‍ സമീപഭാവിയിലൊന്നും സംഭവിക്കുകയില്ലെന്ന് പ്രസിഡന്റ് ജൊ ബൈഡന്. ഫെബ്രുവരി 16 ന് സി.എന്‍.എന്‍.ടൗണ്‍ ഹാളില്‍ നടന്ന യോഗത്തിലാണ് ബൈഡന് തന്റെ അഭിപ്രായം വെളിപ്പെടുത്തിയത്.
ബെര്‍ണി സാന്റേഴ്‌സ് ഉള്‍പ്പെടെയുള്ള ഡെമോക്രാറ്റിക് സെനറ്റര്‍മാര്‍ തിരഞ്ഞെടുപ്പ് വാഗ്ദാനമായി ഉയര്‍ത്തിക്കാട്ടിയ വിദ്യാര്‍ത്ഥികളുടെ ഈ ആവശ്യം അംഗീകരിക്കുമെന്ന വിശ്വാസത്തില്‍ പതിനായിരക്കണക്കിന് വിദ്യാര്‍ത്ഥികളാണ് ബൈഡന് അനുകൂലമായി വോട്ട് ചെയ്തത്. ബര്‍ണി സാന്റേഴ്‌സ് പ്രസിഡന്റ് സ്ഥാനാര്‍ത്ഥിത്വത്തില്‍ നിന്നും പിന്‍മാറുമ്പോള്‍ വിദ്യാര്‍ത്ഥികളുടെ ഈ ആവശ്യം ബൈഡന് പരിഗണിക്കാമെന്ന് ഉറപ്പ് നല്‍കിയിരുന്നതാണ്.
ബൈഡന് അധികാരമേറ്റ ഉടനെ നടത്തിയ പ്രസ്താവനയിലും സ്റ്റുഡന്റ് ലോണ്‍ ഒഴിമാക്കുമെന്ന സൂചന നല്‍കിയിരുന്നു.
43 മില്യണ്‍ വിദ്യാര്‍ത്ഥികള്‍ക്ക് ഫെഡറല്‍ സഹായമായി നല്‍കിയിരുന്ന വിദ്യാഭ്യാസധനം 50000 ഡോളര്‍ വീതം എഴുതിത്തള്ളണമെങ്കില്‍ ഖജനാവില്‍ നിന്നും 1 ട്രില്യണ്‍ ഡോളറെങ്കിലും ചെലവാക്കേണ്ടി വരുമെന്നാണ് ബൈഡന് പറയുന്നത്. ഹാര്‍ഡ് വാര്‍ഡ്, യെന്‍, പെന്‍ യൂണിവേഴ്‌സിറ്റികളില്‍ പഠനം നടത്തുന്നതിന് സ്റ്റുഡന്റ് ലോണ്‍ ലഭിച്ചവര്‍ക്ക് ഇളവ് നല്‍കുന്ന ഇത്രയും സംഖ്യ ഉപയോഗിച്ച് കുട്ടികള്‍ക്ക് പ്രാഥമിക വിദ്യാഭ്യാസം നല്‍കുന്നതിനും കമ്മ്യൂണി കോളേജുകളില്‍ സൗജന്യപഠനത്തിനും ഉപയോഗിക്കുന്നതാണ് കൂടുതല്‍ നല്ലതെന്നാണ് തന്റെ വ്യക്തിപരമായ അഭിപ്രായമെന്നും ബൈഡന് കൂട്ടിച്ചേര്‍ത്തു.
സ്റ്റുഡന്റ് ലോണ്‍, സ്റ്റിമുലസ് ചെക്ക്, 15 ഡോളര്‍ മിനിമം വേതനം തുടങ്ങിയ നിരവധി വിഷയങ്ങളില്‍ വ്യക്തമായ തീരുമാനമെടുക്കാത്തതില്‍ പ്രതിഷേധിച്ച് സെനറ്റ് മെജോറിട്ടി ലീഡര്‍ ചക്ക് ഷുമ്മര്‍, സെനറ്റര്‍ എലിസബത്ത് വാറന്‍, അലക്‌സാണ്ടര്‍ റുക്കേഷ എന്നിവര്‍ ഇതിനകം തന്നെ അവരുടെ അസംതൃപ്തി പ്രകടിപ്പിച്ചു.
വാര്‍ത്തയും ഫോട്ടോയും : പി.പി.ചെറിയാന്‍
Also Watch
IN CASE YOU MISSED IT
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..