.jpg?$p=2922c1a&f=16x10&w=856&q=0.8)
.
ഷിക്കാഗോ: മുന്‍ ഭര്‍ത്താവുമായുള്ള വിവാഹമോചനത്തെക്കുറിച്ച് സോഷ്യല്‍ മീഡിയയില്‍ പരസ്യപ്പെടുത്തിയ ഷിക്കാഗോയിലുള്ള പ്രമുഖ ഫോട്ടോഗ്രാഫര്‍ സാനിയാഖാനെ (29) വെടിവെച്ച് കൊലപ്പെടുത്തി. ജോര്‍ജിയയില്‍ നിന്നും യാത്ര ചെയ്താണ് സാനിയഖാനെ വധിക്കാന്‍ മുന്‍ഭര്‍ത്താവ് റഹീല്‍ അഹമ്മദ് (36) അപ്പാര്‍ട്ട്‌മെന്റില്‍ എത്തിയത്.
തിങ്കളാഴ്ച വൈകീട്ട് അപ്പാര്‍ട്ട്‌മെന്റില്‍ എത്തിയ അഹമ്മദ് സാനിയയുമായി തര്‍ക്കിക്കുകയും ഇവര്‍ക്ക് നേരെ വെടിയുതിര്‍ക്കുകയുമായിരുന്നു.
സമീപത്തുള്ളവര്‍ ശബ്ദം കോട്ട് വിവരം പോലീസിനെ അറിയിച്ചു. പോലീസ് സ്ഥലത്തെത്തിയപ്പോള്‍ അപ്പാര്‍ട്ട്‌മെന്റില്‍ നിന്നും വീണ്ടും വെടിയൊച്ച കേട്ടു. തുറന്നു നോക്കിയപ്പോള്‍ അഹമ്മദ് വാതിലിനു സമീപവും സാനിയ തലക്കും കഴുത്തിനും വെടിയേറ്റ് കിടപ്പുമുറിയിലുമായിരുന്നു. സംഭവസ്ഥലത്തുവെച്ചു തന്നെ സാനിയ മരിച്ചിരുന്നു. അഹമ്മദിനെ നോര്‍ത്ത് വെസ്‌റ്റേണ്‍ ആശുപത്രിയില്‍ എത്തിച്ചുവെങ്കിലും ജീവന്‍ രക്ഷിക്കാനായില്ല.
2021 ജൂണില്‍ ചാറ്റനൂഗയില്‍ നിന്നാണ് പ്രൊഫഷണല്‍ ഫോട്ടോഗ്രാഫറായ സാനിയ ഷിക്കാഗോയിലേക്ക് താമസം മാറിയത്. വിവാഹ ജീവിതത്തില്‍ തനിക്കനുഭവിക്കേണ്ടി വന്ന ദുരിതങ്ങള്‍ ടിക് ടോക്കിലൂടെ സാനിയ വെളിപ്പെടുത്തിയിരുന്നു. ഇതാണ് അഹമ്മദിനെ പ്രകോപിപ്പിച്ചത്. സാനിയയുടെ സംസ്‌കാരചടങ്ങുകള്‍ക്കുള്ള ചിലവിലേക്ക് ഗോ ഫണ്ട് മി പേജ് തുറന്നിട്ടുണ്ട്.
വാര്‍ത്തയും ഫോട്ടോയും : പി.പി.ചെറിയാന്‍
.jpg?$p=5a7353c&f=1x1&w=100&q=0.8)
.jpg?$p=8a7b7b1&f=1x1&w=100&q=0.8)
.jpg?$p=48405e6&q=0.8&f=16x11&w=104)
.jpg?$p=cc29bd4&q=0.8&f=16x11&w=104)
.jpg?$p=6a12f4a&q=0.8&f=16x11&w=104)
.jpg?$p=48405e6&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..