23 June 2021, 10:14 AM IST

1 min read

Read later

ഒറ്റക്കല്ല, ഒപ്പമുണ്ട് ഫോമാ സന്ദേശവുമായി ഫോമാ നടപ്പിലാക്കുന്ന ജീവന്‍ രക്ഷാ ഉപകരണങ്ങള്‍ കേരളത്തില്‍ എത്തിക്കാനുള്ള ശ്രമങ്ങളുടെ ഭാഗമായി ഫോമാ കൊല്ലം ജില്ലക്ക് നല്‍കിയ വെന്റിലേറ്ററും പള്‍സ് ഓക്‌സിമീറ്ററുകളും കൊല്ലം ജില്ലാ ആശുപത്രിക്ക് എം മുകേഷ് എം എല്‍ എ കൈമാറി. എം.നൗഷാദ് എം എല്‍ എ , ജില്ലാ കളക്ടര്‍ അബ്ദുള്‍ നാസര്‍ , ഡി എം ഒ ഡോ.ശ്രീലത, ഡോ.വസന്തദാസ്, ഡോ.ഹരികുമാര്‍, കെ എം എസ് സി എല്‍ വെയര്‍ ഹൗസ് മാനേജര്‍ ലീന, കൊല്ലം പ്രസ്സ് ക്ലബ് സെക്രട്ടറി ബിജു എന്നിവര്‍ പങ്കെടുത്തു.

കേരളാ അസോസിയേഷന്‍ ഓഫ് വാഷിങ്ടണ്‍ ആണ് വെന്റിലേറ്ററുകള്‍ സ്‌പോണ്‍സര്‍ ചെയ്തിരുന്നത്. തിരുവനന്തപുരം ജില്ലയിലേക്കുള്ള വെന്റിലേറ്ററുകളും കേരളാ അസോസിയേഷന്‍ ഓഫ് വാഷിങ്ടണ്‍ ആണ് സ്‌പോണ്‍സര്‍ ചെയ്യുന്നത്. ഫ്‌ളവേഴ്‌സ് ടി വി അമേരിക്കയുടെ ക്രിയേറ്റീവ് ഹെഡും കൊല്ലം സ്വദേശിയുമായ ബിജു സഖറിയയാണ് കൊല്ലത്തെ പരിപാടി നടത്തുവാന്‍ ഫോമായെ സഹായിച്ചത്.

രണ്ടാം ഘട്ടമായി കൂടുതല്‍ ജീവന്‍ രക്ഷാ സാമഗ്രികള്‍ ആഡ്രയുമായി കൈകോര്‍ത്ത് കേരളത്തിലേക്ക് അയച്ചിട്ടുണ്ട് മൂന്നാം ഘട്ടമായി കൂടുതല്‍ ജീവന്‍ രക്ഷാ ഉപകരണങ്ങള്‍ എത്തിക്കാനുള്ള ശ്രമങ്ങള്‍ പുരോഗമിക്കുകയാണ്. അതോടൊപ്പം തന്നെ വിദ്യാര്‍ത്ഥികളുടെ പഠനാവശ്യങ്ങള്‍ക്കായി മൊബൈല്‍ ഫോണുകളും, ടാബ്ലറ്റുകളും എത്തിക്കാനുള്ള ശ്രമങ്ങളും നടന്നു വരുന്നു.

ഫോമയുടെ ജീവന്‍ കാരുണ്യ പ്രവര്‍ത്തികളില്‍ ഫോമയോടൊപ്പം സഹകരിക്കുന്ന എല്ലാവര്‍ക്കും ഫോമാ പ്രസിഡന്റ് അനിയന്‍ ജോര്‍ജ്ജ്, ജനറല്‍ സെക്രട്ടറി ടി.ഉണ്ണികൃഷ്ണന്‍ ,ട്രഷറര്‍ തോമസ് ടി ഉമ്മന്‍, വൈസ് പ്രസിഡന്റ് പ്രദീപ് നായര്‍, ജോയിന്റ് സെക്രട്ടറി ജോസ് മണക്കാട്ട്, ജോയിന്റ് ട്രഷറര്‍ ബിജു തോണിക്കടവില്‍ എന്നിവര്‍ നന്ദി രേഖപ്പെടുത്തി.