-
ഹ്യൂസ്റ്റണ്‍: അമേരിക്കന്‍ മലയാളികളുടെ സംഘടനയായ ഫൊക്കാനയുടെ (ഫെഡറേഷന്‍ ഓഫ് കേരള അസോസിയേഷന്‍സ് ഇന്‍ നോര്‍ത്ത് അമേരിക്ക) റീജിയണല്‍ കണ്‍വെന്‍ഷന്‍ ഡിസംബര്‍ 5 ഞായറാഴ്ച ഹൂസ്റ്റണില്‍ നടത്തപ്പെടുമെന്ന് ഫൊക്കാന ടെക്സസ് റീജിയണല്‍ വൈസ് പ്രസിഡന്റ് ഷൈജു എബ്രഹാം, ഫൊക്കാന വിമന്‍സ് ഫോറം പ്രസിഡന്റ് ഷീല ചെറു എന്നിവര്‍ അറിയിച്ചു. റീജിയണല്‍ കണ്‍വെന്‍ഷനു മുന്നോടിയായി ടെക്‌സാസ് റീജിയണല്‍ പ്രവര്‍ത്തന ഉദ്ഘാടനം ശനിയാഴ്ച ഡാലസില്‍ നടക്കും.
ഡിസംബര്‍ അഞ്ചാം തീയതി ഞായറാഴ്ച ഹൂസ്റ്റണിലെ മിസോറി സിറ്റിയിലുള്ള സെന്റ് ജോസഫ്സ് ചര്‍ച്ച് ഹാളില്‍ ഉച്ചയ്ക്ക് ഒരുമണിക്ക് കള്‍ച്ചറല്‍ ഫെസ്റ്റ് തുടങ്ങും. വര്‍ണാഭമായ കലാപരിപാടികളാണ് ഒരുക്കിയിരിക്കുന്നത്. സാഹിത്യ സല്ലാപവും ചിരിയരങ്ങും സാംസ്‌കാരികോത്സവത്തിന് മാറ്റുകൂട്ടും. അമേരിക്കന്‍ മലയാളി സമൂഹത്തിലെ ഉന്നത തലങ്ങളിലുള്ളവര്‍, ഫൊക്കാന കുടുംബാംഗങ്ങള്‍ക്ക് പുറമെ സമ്മേളനത്തില്‍ സാന്നിധ്യമറിയിക്കും. ഹ്യൂസ്റ്റണ്‍ മലയാളി അസോസിയേഷന്‍ പ്രസ്തുത ചടങ്ങില്‍ വച്ച് ഉദ്ഘാടനം ചെയ്യപ്പെടുമെന്ന് നിയുക്ത പ്രസിഡന്റ്റ് ഷീല ചെറു അറിയിച്ചു.
ഫൊക്കാന പ്രസിഡന്റ് ജേക്കബ് (രാജന്‍) പടവത്തില്‍ (ഫ്ളോറിഡ), ജനറല്‍ സെക്രട്ടറി വര്‍ഗീസ് പാലമലയില്‍ (ഷിക്കാഗോ), ട്രഷറര്‍ എബ്രഹാം കളത്തില്‍ (ഫ്ളോറിഡ), വിമന്‍സ് ഫോറം പ്രസിഡന്റ് ഷീല ചെറു (ഹൂസ്റ്റണ്‍/ന്യൂയോര്‍ക്ക്), വൈസ് പ്രസിഡന്റ് ഷിബു വെണ്‍മണി (ഷിക്കാഗോ), ബോര്‍ഡ് ഓഫ് ട്രസ്റ്റീസ് ചെയര്‍പേഴ്സണ്‍ വിനോദ് കെ.ആര്‍.കെ (ന്യൂയോര്‍ക്ക്), അഡൈ്വസറി ബോര്‍ഡ് ചെയര്‍പേഴ്സണ്‍ ജോസഫ് കുരിയാപ്പുറം (ന്യൂയോര്‍ക്ക്), ടെക്സസ് റീജിയണല്‍ വൈസ് പ്രസിഡന്റ് ഷൈജു എബ്രഹാം (ഡാലസ്), നാഷണല്‍ കമ്മിറ്റി മെംബര്‍ ജോണ്‍ ഇളമത (കാനഡ) തുടങ്ങിയവര്‍ മീറ്റിംഗിന് നേതൃത്വം നല്‍കുന്നു.
പ്രോഗ്രാമിലേക്കു ഫൊക്കാനയുടെ എല്ലാ അഭ്യുദയ കാംഷികളേയും സ്വാഗതം ചെയ്യുന്നതായി ടെക്‌സാസ് റീജിയണല്‍ കമ്മിറ്റി ഭാരവാഹികള്‍ സംയുക്ത പ്രസ്താവനയില്‍ അറിയിച്ചു.
വാര്‍ത്തയും ഫോട്ടോയും : സുമോദ് നെല്ലിക്കാല
Also Watch
IN CASE YOU MISSED IT
.jpg?$p=cf32acb&f=1x1&w=100&q=0.8)
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..