
-
ഡാലസ്: ടെക്സാസ് സംസ്ഥാനത്തെ ആദ്യ കോവിഡ് വാക്സിന് മെത്തഡിസ്റ്റ് ഡാലസ് മെഡിക്കല് സെന്ററിലെ എമര്ജന്സി റൂം ക്ലീന് ചെയ്യുന്ന 51 വയസുള്ള തെരേസ മാറ്റക്ക് നല്കിയതായി മെത്തഡിസ്റ്റ് ഹെല്ത്ത് സിസ്റ്റം സി.ഇ.ഒ. ജിം സ്കോജിന് അറിയിച്ചു. നാലു മക്കളുടെ അമ്മയാണ് തെരേസ.
ഡിസംബര് 14 കോവിഡ് വാക്സിന്. യു.പി.എസ്.ട്രക്ക് വഴി രാവിലെ ആശുപത്രിയില് എത്തിച്ചേര്ന്നത്.
പത്തുമണിയോടെ വാക്സിന് സ്വീകരിച്ച തെരേസയെ സഹപ്രവര്ത്തകര് മുന്വശത്തെ ഓഡിറ്റോറിയത്തില് ഒത്തുചേര്ന്ന് അഭിനന്ദിച്ചു.
5850 വാക്സിനാണ് ഇവിടെ എത്തിച്ചേര്ന്നത്. നൂറോളം ജീവനക്കാര് ആദ്യദിവസം തന്നെ വാക്സിന് സ്വീകരിച്ചു. അടുത്ത ദിവസം ഇരുന്നൂറിനം മൂന്നൂറിനം ഇടയില് ജീവനക്കാര്ക്ക് വാക്സിന് നല്കും.
ആദ്യ ആഴ്ച ടെക്സാസിലേക്ക് 224250 ഡോസാണ് അനുവദിച്ചിരിക്കുന്നത്.
ചൊവ്വാഴ്ച ഡാലസിലെ പാര്ലമെന്റ് ആശുപത്രി, യു.റ്റി.സൗത്ത് വെസ്റ്റേണ് മെഡിക്കല് സെന്റര് ഡാലസ് എന്നീ ആശുപത്രികള് ഉള്പ്പെടെ 19 സൈറ്റുകളിലേക്ക് 75075 ഡോസ് അനുവദിച്ചിട്ടുണ്ട്.
കോവിഡ്19 രോഗത്തില് നിന്നും എനിക്ക് എല്ലാവരെയും സംരക്ഷിക്കേണ്ടതുണ്ട്. പ്രത്യേകിച്ച് എന്റെ കുടുംബാംഗങ്ങളെയും എന്നെയും തന്നെ. ആദ്യവാക്സിന് സ്വീകരിച്ചതിനെക്കുറിച്ചുള്ള ചോദ്യങ്ങള്ക്ക് പ്രതികരിക്കുകയായിരുന്നു തെരേസ.
വാര്ത്തയും ഫോട്ടോയും : പി.പി.ചെറിയാന്
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..