-
അറ്റ്‌ലാന്റാ: മാര്‍ത്തോമ്മ സഭയുടെ നോര്‍ത്ത് അമേരിക്ക - യൂറോപ്പ് ഭദ്രാസനത്തിന്റെ നേതൃത്വത്തില്‍ അറ്റ്‌ലാന്റാ കാര്‍മല്‍ മാര്‍ത്തോമ്മ സെന്ററില്‍ ഒക്ടോബര്‍ 29 മുതല്‍ 31 വരെ നടക്കുന്ന ഭദ്രസന കുടുംബ സംഗമമായ 33-ാമത് മാര്‍ത്തോമ്മ ഫാമിലി കോണ്‍ഫറന്‍സിനു വെള്ളിയാഴ്ച വൈകീട്ട് തുടക്കം കുറിച്ചു.
നോര്‍ത്ത് അമേരിക്ക - യൂറോപ്പ് ഭദ്രാസനാധിപന്‍ ബിഷപ് ഡോ.ഐസക് മാര്‍ ഫിലക്‌സിനോസ് എപ്പിസ്‌കോപ്പ ആമുഖ പ്രസംഗം നടത്തി. വൈകിട്ട് 6.30 ന് പ്രകാശത്തിന്റെ കൈത്തിരി തെളിയിച്ചു കോണ്‍ഫ്രറന്‍സിന്റെ ഔപചാരിക ഉദ്ഘാടനം എപ്പിസ്‌കോപ്പ നിര്‍വഹിക്കുകയും ചെയ്തു.
മോസ്റ്റ്. ഡോ.തിയോഡോഷിയസ് മാര്‍ത്തോമ്മ മെത്രാപോലിത്ത കേരളത്തില്‍ നിന്നും വീഡിയോ സന്ദേശത്തില്‍ കൂടിയാണ് ഉദ്ഘാടന പ്രസംഗം നടത്തിയത്. കോണ്‍ഫറന്‍സിനു എല്ലാവിധ ഭാവുകങ്ങള്‍ നേരുകയും സംഘാടകരെ അഭിനന്ദിക്കുകയും ചെയ്തു.
കോണ്‍ഫറന്‍സിനു വിവിധ സെഷനുകള്‍ക്ക് നേതൃത്വം നല്‍കുന്ന ഈപ്പന്‍ വര്‍ഗീസ് (ഹ്യുസ്റ്റണ്‍), പ്രിന്‍സ് വര്‍ഗീസ് (പ്രിന്‍സ്ടണ്‍ തീയോളജിക്കല്‍ സെമിനാരി), ഡോ.അന്നാ തോമസ് (യുണൈറ്റഡ് മെതഡിസ്റ്റ് ചര്‍ച്ച്), ഡോ.ജോര്‍ജ് എബ്രഹാം (ബോസ്റ്റണ്‍) എന്നിവര്‍ ഉദ്ഘാടന ചടങ്ങില്‍ പങ്കെടുത്തു.
ക്രിസ്തുവില്‍ ജീവിക്കുക, വിശ്വാസത്തില്‍ ചലനാത്മകരാകുക എന്നതാണ് 33-ാമത് മാര്‍ത്തോമ്മ കുടുംബസംഗമത്തിന്റെ മുഖ്യ ചിന്താവിഷയം. കോണ്‍ഫറന്‍സില്‍ ഭദ്രാസനത്തിന്റെ വിവിധ ഭാഗങ്ങളില്‍ നിന്നായി ഏകദേശം അഞ്ഞൂറോളം പേര്‍ ഫാമിലി കോണ്‍ഫറന്‍സില്‍ പങ്കെടുക്കുന്നുണ്ട്.
കോണ്‍ഫറന്‍സിന്റെ ജനറല്‍ കണ്‍വീനര്‍ ഡോ.ജോഷി ജേക്കബിന്റെ നേതൃത്വത്തില്‍ റോയ് ഇല്ലിക്കുളത്ത് (സുവനീര്‍), എബ്രഹാം ജോണ്‍ (രജിസ്‌ട്രേഷന്‍), ബ്ലെസി ഫിലിപ്പ്, വിനോദ് മാമ്മന്‍ (ഫിനാന്‍സ്), ലളിത് ജേക്കബ് (ട്രാന്‍സ്‌പോര്‍ട്ടേഷന്‍), ഷൈനോ തോമസ്, മറിയാമ്മ മാത്യു (ഫുഡ്) ഫിലിപ്പ് മാത്യു (കോണ്‍ഫറന്‍സ് കോര്‍ഡിനേറ്റര്‍) എന്നിവര്‍ അടങ്ങുന്ന വിപുലമായ കമ്മിറ്റി കോണ്‍ഫറന്‍സിന്റെ വിജയത്തിനായി പ്രവര്‍ത്തിച്ചു വരുന്നു.
ശനിയാഴ്ചയും ഞായറാഴ്ചയും നടക്കുന്ന വിവിധ സെഷനുകള്‍ക്ക് ഭദ്രാസന സെക്രട്ടറി അജു എബ്രഹാം, ട്രഷറാര്‍ ജോര്‍ജ് പി.ബാബു, സ്‌കറിയ വര്‍ഗീസ്, സിബു പള്ളിച്ചിറ, സജു സി.ശാമുവേല്‍, ക്രിസ്റ്റഫര്‍ ഫില്‍ ഡാനിയേല്‍, തോമസ് മാത്യു പി, ഡോ.മാത്യു ടി.തോമസ് എന്നിവര്‍ നേതൃത്വം നല്‍കും.
ഭദ്രാസന ട്രഷറര്‍ ജോര്‍ജ് പി ബാബു നന്ദി പറഞ്ഞു. സമാപന പ്രാര്‍ത്ഥനക്കും ആശീര്‍വാദത്തിനും ശേഷം പ്രാരംഭ ദിവസത്തെ പരിപാടികള്‍ സമാപിച്ചു.
വാര്‍ത്തയും ഫോട്ടോയും : പി.പി.ചെറിയാന്‍
Also Watch
RELATED STORIES
.jpg?$p=8a7b7b1&f=1x1&w=100&q=0.8)
IN CASE YOU MISSED IT
Premium
.jpg?$p=aa62323&f=1x1&w=100&q=0.8)
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..