-
ഓസ്റ്റിന്‍: ടെക്സാസ് മുന്‍ സുപ്രീം കോടതി ജഡ്ജി ഇവ ഗുസ്മാന്‍ റിപ്പബ്ലിക്കന്‍ പാര്‍ട്ടി പ്രൈമറിയില്‍ നിലവിലുള്ള ടെക്സാസ് അറ്റോര്‍ണി ജനറല്‍ കെന്‍ പാക്സ്റ്റനെതിരെ മത്സരിക്കുന്നു.
ടെക്സാസ് എത്തിക്സ് കമ്മീഷന് ഗുസ്മാന്‍ ആവശ്യമായ രേഖകള്‍ സമര്‍പ്പിച്ചു. ഗുസ്മാന്റെ തിരഞ്ഞെടുപ്പ് ക്യാമ്പയിന്‍ ട്രഷററായി ഒര്‍ലാന്റൊ സലാസറിനെയും നിയമിച്ചിട്ടുണ്ട്. റിപ്പബ്ലിക്കന്‍ നാഷണല്‍ ഹിസ്പാനിക് അസംബ്ലി വൈസ് ചെയര്‍ കൂടിയാണ് ഒര്‍ലാന്റൊ.
ടെക്സാസ് സംസ്ഥാന സുപ്രീം കോര്‍ട്ടില്‍ 2009 മുതല്‍ ജഡ്ജിയായി പ്രവര്‍ത്തിച്ചുവരികയായിരുന്നു. അന്നത്തെ ഗവര്‍ണറായിരുന്ന റിക് പെറിയാണ് ടെക്സാസ് സുപ്രീം കോടതിയില്‍ ആദ്യ ഹിസ്പാനിക് വനിത ജഡ്ജിയായി ഗുസ്മാനെ നിയമിച്ചത്.
അറ്റോര്‍ണി ജനറല്‍ മത്സരത്തിന് വേണ്ടി ഒരാഴ്ച മുമ്പാണ് ഈവ ഗുസ്മാന്‍ സുപ്രീം കോടതി ജഡ്ജി സ്ഥാനം രാജിവെച്ചത്. അടുത്തവര്‍ഷം വരെ ജഡ്ജിയായി തുടരുന്നതിനുള്ള അവസരം ഉപേക്ഷിച്ചാണ് റിപ്പബ്ലിക്കന്‍ സ്ഥാനാര്‍ത്ഥിയാകാന്‍ ഇവര്‍ തീരുമാനിച്ചത്.
ലാന്റ് കമ്മീഷണറായ ജോര്‍ജ്ജ് പി ബുഷും മത്സരരംഗത്തുണ്ട്. രംഗത്തുണ്ട്. കെന്‍ പാക്സ്റ്റണും ജോര്‍ജ് ബുഷും തനിക്ക് ഇഷ്ടപ്പെട്ട വ്യക്തികളാണെന്ന് ട്രംപ് നേരത്തെ പറഞ്ഞിരുന്നു. ഗുസ്മാന്‍ കൂടി രംഗത്തെത്തിയതോടെ ഡൊണാള്‍ഡ് ട്രംപിന്റെ പിന്തുണ ആര്‍ക്ക് ലഭിക്കുമെന്ന് ഇതുവരെ വ്യക്തമാക്കിയിട്ടില്ല.
ഡെമോക്രാറ്റിക് പ്രൈമറിയില്‍ സിവില്‍ റൈറ്റ്സ് അറ്റോര്‍ണി ലി മെറിറ്റ് നാമനിര്‍ദേശപത്രിക നല്‍കിക്കഴിഞ്ഞു.
വാര്‍ത്തയും ഫോട്ടോയും : പി.പി.ചെറിയാന്‍
.jpg?$p=2922c1a&f=1x1&w=100&q=0.8)
.jpg?$p=c521eaf&q=0.8&f=16x11&w=104)
.jpg?$p=7e4c243&q=0.8&f=16x11&w=104)
.jpg?$p=c0d0d29&q=0.8&f=16x11&w=104)
.jpg?$p=09e9aed&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..