-
വാഷിങ്ടണ്‍ ഡിസി: കോവിഡ് വാക്‌സിന്‍ നല്‍കുന്നതിനെക്കുറിച്ച് ബൈഡന്‍ ഭരണകൂടം സ്വീകരിച്ച നിലപാടുകള്‍ക്കെതിരെ പ്രതിഷേധം ഉയരുന്നു. ബൈഡന്‍ പ്രഖ്യാപിച്ച വാക്‌സിന്‍ വിതരണ നയത്തില്‍ മുന്‍ഗണന ലഭിക്കുന്നത് അമേരിക്കന്‍ പൗരന്മാരേക്കാള്‍ ഗ്വാണ്ടനാമോ ബെ തടവുകാര്‍ക്കാണെന്നാണ് ആരോപണം.
സെപ്റ്റംബര്‍ 11 ഭീകരാക്രമണത്തിന്റെ ബുദ്ധികേന്ദ്രമായ ഖാലിദ് ഷെയ്ഖ് അഹമ്മദ് തുടങ്ങിയ കൊടും ഭീകരന്മാരാണ് ക്യൂബയിലുള്ള ഗ്വാട്ടനാമോ ജയിലില്‍ കഴിയുന്നത്. 2021 മുതല്‍ ഭീകരര്‍ക്കാണ് ബൈഡന്‍ വാക്‌സിന്‍ നല്‍കുന്നതെന്ന് സെനറ്റര്‍ ടെഡ് ക്രൂസിന്റെ കമ്യൂണിക്കേഷന്‍ അെൈഡ്വെസര്‍ സ്റ്റീവ് ഗസ്റ്റ് ആരോപിച്ചു.
ജനുവരി 27 ന് ഹെല്‍ത്ത് അഫയേഴ്‌സ് ഡെപ്യൂട്ടി ആന്റ് സെക്രട്ടറി ടെറി അഢിറിമാണ് ഇത് സംബന്ധിച്ച ഉത്തരവിറക്കിയത്. ഗവണ്‍മെന്റിന്റെ ഈ ഉത്തരവ് തികച്ചും വിവേകശൂന്യമാണെന്നും ഇതൊരിക്കലും അംഗീകരിക്കാനാവില്ലെന്നും ഇതിനെതിരെ പ്രതിഷേധവുമായി രംഗത്തെത്തിയ ന്യൂയോര്‍ക്ക് നിവാസികള്‍ പറയുന്നു.
ഡീറ്റെയ്ന്‍ ചെയ്തവര്‍ക്കും തടവുകാര്‍ക്കും വാക്‌സിന്‍ ലഭിക്കുന്ന ഉത്തരവാണിതെന്ന് ഡിപ്പാര്‍ട്ട്‌മെന്റ് ഓഫ് ഡിഫന്‍സ് വക്താവ് വ്യക്തമാക്കി. ക്യൂബയിലെ അമേരിക്കന്‍ ജയിലറിയില്‍ 40 ഡീറ്റെയ്‌നികള്‍ മാത്രമാണുള്ളത്. ഇവരിലാണ് 9/11 മാസ്റ്റര്‍ മൈന്‍ഡ് പ്രതികൂടെ ഉള്‍പ്പെടുന്നത്. പ്രതിഷേധം ശക്തിപ്പെട്ടതോടെ 27 ലെ ഉത്തരവ് തത്കാലം നിര്‍ത്തിവെക്കുന്നതായി പെന്റ് ഗണ്‍ അറിയിച്ചു.
വാര്‍ത്തയും ഫോട്ടോയും : പി.പി.ചെറിയാന്‍
Also Watch
IN CASE YOU MISSED IT
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..