-
ന്യൂയോര്‍ക്ക്: കോവിഡ്19 മഹാമാരി ന്യൂയോര്‍ക്കില്‍ ആദ്യമായി റിപ്പോര്‍ട്ട് ചെയ്ത മാര്‍ച്ച് 2020 നുശേഷം ഏറ്റവും കൂടുതല്‍ കോവിഡ്19 രോഗികള്‍ റിപ്പോര്‍ട്ട് ചെയ്യപ്പെട്ടത് 2021 ഡിസംബര്‍ 17 വെള്ളിയാഴ്ചയാണെന്ന് ന്യൂയോര്‍ക്ക് ഗവര്‍ണര്‍ ഹോച്ചുല്‍സിന്റെ ഓഫീസില്‍ നിന്നും പുറത്തിറക്കിയ ഔദ്യോഗിക റിപ്പോര്‍ട്ടില്‍ ചൂണ്ടിക്കാണിക്കുന്നു.
ഇന്നേ ദിവസം 21027 കോവിഡ് കേസുകളാണ് ന്യൂയോര്‍ക്കില്‍ റിപ്പോര്‍ട്ട് ചെയ്യപ്പെട്ടത്. പോസിറ്റിവിറ്റി റേറ്റ് 8 ശതമാനത്തിലേക്ക് വീണ്ടും കുതിച്ചുയര്‍ന്നു. ഇതുവരെ ഡെയ്‌ലി പോസിറ്റിവിറ്റി റേറ്റ് 4.3 ശതമാനത്തിന് താഴെയായിരുന്നു.
ന്യൂയോര്‍ക്കില്‍ 21 മാസത്തിനുള്ളില്‍ ഏകദിനറെക്കോര്‍ഡ് 19942 രോഗികളായിരുന്നു. ഇന്ന് ന്യൂയോര്‍ക്കില്‍ 263500 രോഗികളാണ് പരിശോധനയ്ക്കയച്ചത്.
ന്യൂയോര്‍ക്കിലെ രോഗവ്യാപനം വീണ്ടും സ്‌കൂള്‍ അടക്കുന്നതിലേക്കും വ്യാപാര വ്യവസായ രംഗത്തെ വീണ്ടും തകര്‍ച്ചയിലേക്കും നയിക്കുമെന്നാണ് സൂചന.
ന്യൂയോര്‍ക്കില്‍ വെള്ളിയാഴ്ച മാത്രം 60 പേരാണി കോവിഡ് മൂലം മരണത്തിന് കീഴടങ്ങിയത്. 2021 മുതല്‍ ഇവിടെയുള്ള പ്രതിദിന മരണ നിരക്ക് 100 ആയിരുന്നു. 2020 ഏപ്രില്‍ മാസം ന്യൂയോര്‍ക്കിലെ ഏകദിന മരണത്തിന്റെ നിരക്ക് 800 ആയിരുന്നു.
വാര്‍ത്തയും ഫോട്ടോയും : പി.പി.ചെറിയാന്‍
.jpg?$p=f67c2a2&f=1x1&w=100&q=0.8)
.jpg?$p=f0b49be&q=0.8&f=16x11&w=104)
.jpg?$p=998287b&q=0.8&f=16x11&w=104)
.jpg?$p=e3bab8c&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..