-
ഹൂസ്റ്റണ്‍: ഇന്ത്യന്‍ ക്രിസ്ത്യന്‍ എക്യൂമെനിക്കല്‍ കമ്മ്യൂണിറ്റി ഓഫ് ഹൂസ്റ്റണിന്റെ (ഐസിഇസിഎച്ച്) ക്രിസ്തുമസ് ആഘോഷം 2021 ഡിസംബര്‍ 25 ശനിയാഴ്ച വൈകീട്ട് 5 മണിക്ക് ഹ്യൂസ്റ്റണ്‍ സെന്റ് തോമസ് ഇന്ത്യന്‍ ഓര്‍ത്തഡോക്‌സ് കത്തീഡ്രല്‍ ഓഡിറ്റോറിയത്തില്‍ വച്ചു നടത്തപ്പെടും. ഹൂസ്റ്റണിലെ 19 എപ്പിസ്‌കോപ്പല്‍ ദേവാലയങ്ങളുടെ കൂട്ടായ്മയായ ഐ സി ഇ സി എച്ചിന്റെ 40-മത് (റൂബി ഇയര്‍) ക്രിസ്മസ് ആഘോഷമാണ് ഈ വര്‍ഷം നടത്തപ്പെടുന്നത്.
ഐ സി ഇ സി എച്ചിന്റെ പ്രസിഡന്റ് ഫാ.ഐസക് ബി പ്രകാശ് അധ്യക്ഷത വഹിക്കുന്ന യോഗത്തില്‍ ഹ്യൂസ്റ്റണ്‍ സെന്റ് ജോസഫ് സീറോ മലബാര്‍ കത്തോലിക്ക ഫൊറാന ദേവാലയത്തിലെ വികാരി ഫാ.ജോണിക്കുട്ടി ജോര്‍ജ് പുളിശ്ശേരി ക്രിസ്മസ് ദൂത് നല്‍കുന്നതായിരിക്കും. ഈ വര്‍ഷം ലഭിക്കുന്ന സ്‌തോത്രകാഴ്ച ഹ്യൂസ്റ്റണ്‍ സെന്റ് മേരീസ് മലങ്കര സിറിയക് ഓര്‍ത്തഡോക്‌സ് ദേവാലയത്തിന്റെ ആഭിമുഖ്യത്തിലുള്ള ചാരിറ്റി പ്രോജക്ടിന് നല്‍കുമെന്ന് ഭാരവാഹികള്‍ അറിയിച്ചു.
കഴിഞ്ഞ വര്‍ഷം ഹ്യൂസ്റ്റണില്‍ നിന്നും സ്ഥലം മാറി പോയ വൈദികരുടെ സേവനങ്ങളെ ഓര്‍ക്കുന്നതും പുതുതായി ഹ്യൂസ്റ്റനില്‍ എത്തിയിട്ടുള്ള വൈദികര്‍ക്ക് യോഗത്തില്‍ സ്വീകരണം നല്കുന്നതിനോടൊപ്പം 2022-ലേക്ക് തിരഞ്ഞെടുക്കപ്പെട്ട ഐ.സി.ഇ.സി.എച്ചിന്റെ എല്ലാ ഭാരവാഹികളെയും നിലവിലുള്ള പ്രസിഡന്റ് വേദിയില്‍ പരിചയപ്പെടുത്തുന്നതുമായിരിക്കും ക്രിസ്മസ് സെലിബ്രേഷന്റെ ഭാഗമായി വിവിധ ദേവാലയങ്ങളുടെ നേതൃത്വത്തില്‍ അവതരിപ്പിക്കുന്ന ക്രിസ്മസ് കലാപരിപാടികള്‍ ഉണ്ടായിരിക്കുന്നതാണ്.
സബാന്‍ സാമിന്റെ നേതൃത്വത്തിലുള്ള എക്യൂമെനിക്കല്‍ ക്വയര്‍ ക്രിസ്മസ് ഗാനങ്ങള്‍ ആലപിക്കുന്നത്തിനുള്ള പ്രാക്ടീസ് നടത്തിവരുന്നതായി ക്വയര്‍ കോഓര്‍ഡിനേറ്റര്‍ ഡോ.അന്നാ ഫിലിപ്പ് അറിയിച്ചു. ഐ സി ഇ സി എച്ചിന്റെ വൈസ് പ്രസിഡന്റ് ഫാ.ജോണ്‍സന്‍ പുഞ്ചക്കോണം പ്രോഗ്രാമില്‍ എം സി ആയിരിക്കും.
കോവിഡ് കാലത്തേ വെര്‍ച്യുല്‍ / സൂം യോഗങ്ങള്‍ക്കു ശേഷം ലൈവ് ആയി നടക്കുന്ന എക്യൂമെനിക്കല്‍ ക്രിസ്മസ് സെലിബ്രേഷനില്‍ പങ്കെടുക്കുവാന്‍ വിശ്വാസികള്‍ ആവേശപൂര്‍വം തയ്യാറായി കഴിഞ്ഞതായി ഐസിഇസിഎച്ച് സെക്രട്ടറി എബി കെ മാത്യു അറിയിച്ചു.
പ്രോഗ്രാമിന്റെ വിജയത്തിനായി ഐ സി ഇ സി എച്ച് പ്രസിഡന്റ്, സെക്രട്ടറി എന്നിവരോടൊപ്പം ഫാ.എബ്രഹാം സക്കറിയ (ജെക്കു അച്ചന്‍), പ്രോഗ്രാം കോര്‍ഡിനേറ്റര്‍ ഷാജി പുളിമൂട്ടില്‍, ട്രഷറര്‍ രാജന്‍ അങ്ങാടിയില്‍, ജോണ്‍സന്‍ കല്ലുംമൂട്ടില്‍, നൈനാന്‍ വീട്ടിനാല്‍ എന്നിവര്‍ പ്രവര്‍ത്തിച്ചു വരുന്നു.
വാര്‍ത്തയും ഫോട്ടോയും : ജീമോന്‍ റാന്നി
Also Watch
RELATED STORIES
.jpg?$p=a80322e&f=1x1&w=100&q=0.8)
.jpg?$p=430c1f1&f=1x1&w=100&q=0.8)
IN CASE YOU MISSED IT
Premium
.jpg?$p=aa62323&f=1x1&w=100&q=0.8)
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..