-
വാഷിങ്ടണ്‍ ഡി.സി: യു.എസ്. ഫുഡ് ആന്റ് ഡ്രഗ് അഡ്മിനിസ്ട്രേഷന്‍ തലവനായി ഡോ.റോബര്‍ട്ട് കാലിഫിനെ പ്രസിഡന്റ് ബൈഡന്‍ നോമിനേറ്റ് ചെയ്തു.
നവംബര്‍ 12 നാണ് വൈറ്റ് ഹൗസില്‍ നിന്ന് ഇതു സംബന്ധിച്ച് ഔദ്യോഗിക പ്രഖ്യാപനമുണ്ടായത്.
ബൈഡന്‍ അധികാരത്തില്‍ വന്നതിനുശേഷം എഫ്.ഡി.എ.ക്ക് ആദ്യമായാണ് പുതിയൊരു തലവനെ ലഭിക്കുന്നത്. ഇതുവരെ ഡോ.ജാനറ്റ് വുഡ് കോക്കായിരുന്നു എഫ്.ഡി.എ. ആക്ടിംഗ് കമ്മീഷണറായി പ്രവര്‍ത്തിച്ചിരുന്ന ഡോ.ജാനറ്റ് സ്തുത്യര്‍ഹ സേവനം അനുഷ്ഠിച്ചുവെങ്കിലും ഒപ്പിയോഡ് കൈകാര്യം ചെയ്തതില്‍ പ്രതിപക്ഷത്തിന്റെ ശക്തമായ എതിര്‍പ്പു നേരിടേണ്ടിവന്നിരുന്നു.
ഡ്യൂക്ക് യൂണിവേഴ്സിറ്റി സ്‌കൂള്‍ മെഡിസിന്‍ കാര്‍ഡിയോളജിസ്റ്റായി പ്രവര്‍ത്തിച്ചുവന്നിരുന്ന ഡോ.കാലിഫ് ഗൂഗിള്‍ പാരന്റ് 'ആല്‍ഫബൈറ്റ്സ്' ലൈഫ് സയന്‍സ് ഓര്‍ഗനൈസേഷന്റെ സീനിയര്‍ അഡൈ്വസര്‍ കൂടിയാണ്. ഒബാമ ഭരണത്തില്‍ എഫ്.ഡി.എ. കമ്മീഷണറായും ഇദ്ദേഹം പ്രവര്‍ത്തിച്ചിരുന്നു.
നവംബര്‍ 15 ന് ശേഷം ഡോ.ജാനറ്റിന് ആക്ടിംഗ് സ്ഥാനത്തു തുടരുന്നതിന് നിയമതടസ്സമുള്ളതിനാലാണ് ഡോ.കാലിഫിനെ നോമിനേറ്റ് ചെയ്തിരിക്കുന്നതെന്നും യു.എസ്.സെനറ്റില്‍ ഇരുപാര്‍ട്ടികളും ഇദ്ദേഹത്തെ അംഗീകരിക്കുമെന്നാണ് വിശ്വസിക്കുന്നതെന്നും ബൈഡന്‍ പറഞ്ഞു. പാന്‍ഡമിക്കിന്റെ ഭീതി പൂര്‍ണമായും വിട്ടുമാറിയിട്ടില്ലാത്ത സ്ഥിതിക്ക് എഫ്.ഡി.എ.ക്ക് പൂര്‍ണ സമയ ചീഫ് ആവശ്യമാണെന്നും ബൈഡന്‍ കൂട്ടിചേര്‍ത്തു.
വാര്‍ത്തയും ഫോട്ടോയും : പി.പി.ചെറിയാന്‍
.jpg?$p=19511ff&f=1x1&w=100&q=0.8)
%20(1).jpg?$p=fcbcad3&f=1x1&w=100&q=0.8)
.jpg?$p=4f96ebc&f=1x1&w=100&q=0.8)
.jpg?$p=bec7056&q=0.8&f=16x11&w=104)
.jpg?$p=fad68fb&q=0.8&f=16x11&w=104)
.jpg?$p=d83648f&q=0.8&f=16x11&w=104)
.jpg?$p=48405e6&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..