-
വടകര: തിരുനെൽവേലി-ദാദർ തീവണ്ടിയിൽനിന്ന് തെറിച്ചുവീണ് വിദ്യാർഥിക്ക് പരിക്ക്. കണ്ണൂർ പട്ടാനൂർ കോവൂരിലെ ശ്രീരാഗത്തിൽ കെ.വി. അനുരാഗിനാണ് (19) തലയ്ക്ക് പരിക്കേറ്റത്. കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു. ബുധനാഴ്ച രാത്രി എട്ടുമണിയോടെയാണ് സംഭവം.
മൂന്ന് സുഹൃത്തുക്കൾക്കൊപ്പം ഏറണാകുളത്ത് നേവിയുടെ പരീക്ഷയ്ക്ക് പോയി തിരിച്ചു വരികയായിരുന്നു അനുരാഗ്. കുഞ്ഞിപ്പള്ളിക്കു സമീപമാണ് പുറത്തേക്ക് തെറിച്ചുവീണത്. സുഹൃത്തുക്കൾ സംഭവം സഹയാത്രികരെ അറിയിച്ചു. തുടർന്ന് വടകര റെയിൽവേ സ്റ്റേഷനിൽ വിവരമെത്തി. നാദാപുരം റോഡിനും മാഹിക്കും ഇടയിൽ എവിടെയോ ആണ് സംഭവമെന്നു മാത്രമേ അറിയാമായിരുന്നുള്ളൂ. ഇതോടെ
പിന്നാലെവന്ന കോയമ്പത്തൂർ-കണ്ണൂർ പാസഞ്ചറിന് ട്രാക്ക് പരിശോധിച്ചുകൊണ്ട് മെല്ലെ പോകാൻ വടകര സ്റ്റേഷൻ സൂപ്രണ്ട് നിർദേശം നൽകി. ഇതുപ്രകാരം മെല്ലെപോയ ഈ വണ്ടിയിലെ ലോക്കോപൈലറ്റാണ് കുഞ്ഞിപ്പള്ളിക്കു സമീപം ട്രാക്കിനരികിൽ കിടക്കുന്ന അനുരാഗിനെ കണ്ടത്. യാത്രക്കാരും മറ്റും ചേർന്ന് ഇതേ വണ്ടിയിൽ മാഹിവരെ അനുരാഗിനെ കൊണ്ടുപോയി. ഇവിടെനിന്ന് ആംബുലൻസിൽ കോഴിക്കോട്ടെത്തിച്ചു . തലയ്ക്കാണ് പരിക്ക്.
Also Watch
RELATED STORIES
IN CASE YOU MISSED IT
Premium
.jpg?$p=8b898d1&q=0.8&f=16x11&w=104)
.jpg?$p=2922c1a&q=0.8&f=16x11&w=104)
.jpg?$p=1711a33&q=0.8&f=16x11&w=104)
.jpg?$p=0bcfa9b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..