.jpg?$p=fc07f96&f=16x10&w=852&q=0.8)
കെ സുരേന്ദ്രൻ, വീണ എസ് നായർ
തിരുവനന്തപുരം: സി.പി.എം. വനിതാ നേതാക്കള്‍ക്കെതിരേയുള്ള ബി.ജെ.പി. സംസ്ഥാന അധ്യക്ഷന്റെ പരാമര്‍ശത്തിനെതിരെ യൂത്ത് കോണ്‍ഗ്രസ് സംസ്ഥാന സെക്രട്ടറി അഡ്വ. വീണ എസ്. നായര്‍ മുഖ്യമന്ത്രിക്ക് പരാതി നല്‍കി. സി.പി.എമ്മിന്റെ വനിതാ നേതാക്കളെല്ലാം തിന്നുകൊഴുത്ത് പൂതനയെ പോലെയായി എന്ന സുരേന്ദ്രന്റെ പരാമര്‍ശത്തിനെതിരെയാണ് പരാതി. വിഷയത്തില്‍ സി.പി.എം. നേതാക്കള്‍ കേസ് നല്‍കാന്‍ തയ്യാറാകാതിരുന്ന സാഹചര്യത്തിലാണ് കോണ്‍ഗ്രസ് നേതാവ് പരാതി നല്‍കിയത്.
സുരേന്ദ്രന്റെ പ്രസ്താവന സ്തീത്വത്തെ അപമാനിക്കുന്നതാണെന്ന് പരാതിയില്‍ വീണ ചൂണ്ടിക്കാട്ടി. മുഖ്യമന്ത്രിക്ക് നല്‍കിയ പരാതിയുടെ പകര്‍പ്പ് ഡി.ജി.പിക്കും വനിതാ കമ്മീഷനും നല്‍കിയിട്ടുണ്ട്. ഈ പരാതിയില്‍ അന്വേഷണം നടത്തി യുക്തമായ നടപടി സ്വീകരിക്കാനായി ഡി.ജി.പി. ഹൈടെക് സെല്ലിനെ ചുമതലപ്പെടുത്തി. എന്നാല്‍ വിഷയത്തില്‍ ഇതുവരെ കേസ് എടുത്തിട്ടില്ലെന്ന് വീണ ആരോപിക്കുന്നു.
ഞായറാഴ്ച തൃശൂരില്‍ മഹിളാ മോര്‍ച്ച സംഘടിപ്പിച്ച പരിപാടിയിലായിരുന്നു സുരേന്ദ്രന്റെ വിവാദ പരാമര്‍ശം. അതേസമയം, മുഖ്യമന്ത്രി ഉള്‍പ്പെടെയുള്ള സി.പി.എം. നേതാക്കള്‍ പ്രതികരിക്കാതിരുന്നതിനെ പ്രതിപക്ഷ നേതാവ് വി.ഡി. സതീശന്‍ വിമര്‍ശിച്ചിരുന്നു. സുരേന്ദ്രനെതിരേ സി.പി.എം. നേതാക്കള്‍ പരാതി നല്‍കിയില്ലെങ്കില്‍ പ്രതിപക്ഷം പോലീസില്‍ പരാതി നല്‍കുമെന്നും സതീശന്‍ പറഞ്ഞിരുന്നു.
Content Highlights: youth congress file complaint against k surendran
Also Watch
RELATED STORIES
_(1).jpg?$p=a676861&f=1x1&w=100&q=0.8)
.jpg?$p=2922c1a&f=1x1&w=100&q=0.8)
IN CASE YOU MISSED IT
.jpg?$p=eacdd91&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..