പ്രതീകാത്മകചിത്രം | Photo: UNI
അടിമാലി: യുവാവ് സ്വന്തം വീടിന് തീവെച്ചു. കത്തുന്ന ദൃശ്യങ്ങള് ഇന്സ്റ്റഗ്രാമില് ലൈവിട്ടു. പത്താംമൈലിലാണ് സംഭവം. വീട് ഭാഗികമായി കത്തിനശിച്ചു. യുവാവിന് മാനസികാസ്വാസ്ഥ്യമുണ്ടെന്ന് വീട്ടുകാര് പറഞ്ഞതായി പോലീസ് അറിയിച്ചു. അതിനാല് കേസെടുത്തിട്ടില്ല.
ചൊവ്വാഴ്ച പുലര്ച്ചെ ആറുമണിയോടെയാണ് സംഭവം. പത്തൊന്പതുകാരനായ യുവാവ് ഡീസല് ഒഴിച്ച് വീടിന് തീവെയ്ക്കുകയായിരുന്നു. അച്ഛനും അമ്മയും വെള്ളമൊഴിച്ച് കെടുത്താന് ശ്രമിച്ചു. നാട്ടുകാരും അഗ്നിരക്ഷാസേനയുമെത്തി. അരമണിക്കൂര് പരിശ്രമിച്ചാണ് തീയണച്ചത്.
അയല്വാസിയുടെ വീടിന്റെ സമീപത്തും ഇയാള് ഡീസല് ഒഴിച്ചു. എന്നാല്, ഇത് അയല്വാസി കാണുകയും വെള്ളം ഒഴിച്ച് അപകടം ഒഴിവാക്കുകയും ചെയ്തു. യുവാവിനെ ഇനിയും കണ്ടെത്തിയിട്ടില്ല. അടിമാലി അഗ്നിരക്ഷാനിലയം ഓഫീസര് പ്രഘോഷ്, ഫയര് ഓഫീസര്മാരായ അഭിഷേക്, ജെയിംസ്, ജില്സണ്, രാഹുല് രാജ്, സനീഷ്, രാഗേഷ് എന്നിവര് രക്ഷാപ്രവര്ത്തനത്തിന് നേതൃത്വം നല്കി.
Content Highlights: young man set his own house on fire after posting it live on instagram
Also Watch
Share this Article
Related Topics
RELATED STORIES
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..