ഉമ്മൻചാണ്ടി, വിഎസ് അച്യുതാനന്ദൻ
തിരുവനന്തപുരം: സോളാര് വിഷയത്തില് അപകീര്ത്തിപരമായ പരാമര്ശം നടത്തിയതിന്റെ പേരില് 10.10 ലക്ഷം രൂപ മുന് മുഖ്യമന്ത്രി ഉമ്മന്ചാണ്ടിക്ക് നഷ്ടപരിഹാരം നല്കണമെന്ന കോടതി വിധിക്കെതിരേ മുന് മുഖ്യമന്ത്രി വി.എസ് അച്യുതാനന്ദന് കോടതിയെ സമീപിച്ചു. തിരുവനന്തപുരം ജില്ലാ കോടതിയിലാണ് അദ്ദേഹം അപ്പീല് ഫയല് ചെയ്തത്.
സോളാര് ഇടപാടില് ഉമ്മന്ചാണ്ടി അഴിമതി നടത്തിയെന്ന വിഎസ്സിന്റെ പരാമര്ശത്തിനെതിരെയുള്ള ഹര്ജിയില് ഉമ്മന്ചാണ്ടി അനുകൂല വിധി നേടുകയായിരുന്നു. വിഎസ് ഉമ്മന്ചാണ്ടിക്ക് 10,10,000 രൂപ നഷ്ടപരിഹാരം നല്കണമെന്ന് തിരുവനന്തപുരം പ്രിന്സിപ്പല് സബ് കോടതി ഉത്തരവിട്ടു.
2013 ഓഗസ്റ്റില് സ്വകാര്യ ടി.വി ചാനലിന് നല്കിയ അഭിമുഖത്തിലാണ് ഉമ്മന്ചാണ്ടിക്കെതിരെ വി.എസ് അഴിമതി ആരോപണം ഉന്നയിച്ചത്. അന്ന് മുഖ്യമന്ത്രിയായിരുന്ന ഉമ്മന് ചാണ്ടി ഒരു കമ്പനി ഉണ്ടാക്കി അഴിമതി നടത്തിയെന്നായിരുന്നു ആരോപണം. ഇതിനെതിരെയാണ് ഉമ്മന് ചാണ്ടി മാനനഷ്ടക്കേസ് ഫയല് ചെയ്തത്.
Content Highlights: VS Achuthandan files appeal against court order on defamation case
വാര്ത്തകളോടു പ്രതികരിക്കുന്നവര് അശ്ലീലവും അസഭ്യവും നിയമവിരുദ്ധവും അപകീര്ത്തികരവും സ്പര്ധ വളര്ത്തുന്നതുമായ പരാമര്ശങ്ങള് ഒഴിവാക്കുക. വ്യക്തിപരമായ അധിക്ഷേപങ്ങള് പാടില്ല. ഇത്തരം അഭിപ്രായങ്ങള് സൈബര് നിയമപ്രകാരം ശിക്ഷാര്ഹമാണ്. വായനക്കാരുടെ അഭിപ്രായങ്ങള് വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..