വനത്തില്‍ അതിക്രമിച്ചുകയറി കാട്ടാനയെ ചിത്രീകരിച്ച സംഭവം; വ്‌ളോഗര്‍ അമലയെ ചോദ്യംചെയ്തു, amala anu, trespassed into forest

02 August 2022, 07:03 AM IST

എട്ടുമാസംമുമ്പ് അമല അനുവും സംഘവും മാമ്പഴത്തറ വനത്തില്‍ ഹെലിക്യാം ഉപയോഗിച്ച് കാട്ടാനയെ ചിത്രീകരിക്കുകയും പ്രകോപിപ്പിക്കുകയും ചെയ്‌തെന്നാണ് കേസ്

വനംവകുപ്പ് നേരത്തെ കസ്റ്റഡിയിലെടുത്ത അമലയുടെ കാർ, അമല അനു. photo: mathrubhumi news, amalaanusvlog/screen grab

തെന്മല: മാമ്പഴത്തറ റിസര്‍വ് വനത്തില്‍ അതിക്രമിച്ചുകയറി ഹെലിക്യാം ഉള്‍പ്പെടെ ഉപയോഗിച്ച് കാട്ടാനയെ ചിത്രീകരിച്ചെന്ന കേസില്‍ വ്ളോഗര്‍ അന്വേഷണ ഉദ്യോഗസ്ഥനുമുമ്പാകെ ഹാജരായി. തിങ്കളാഴ്ച രാവിലെ പത്തനാപുരം റേഞ്ച് ഓഫീസര്‍ ദിലീഫിന്റെ മുമ്പാകെ ഹാജരായ കിളിമാനൂര്‍ സ്വദേശിനിയായ വ്ളോഗര്‍ അമല അനുവിനെ രണ്ടുമണിക്കൂറോളം ചോദ്യംചെയ്തു. വ്യാഴാഴ്ച വീണ്ടും ഹാജരാകാന്‍ നോട്ടീസ് നല്‍കി.

വ്ളോഗര്‍ക്ക് ഹൈക്കോടതി ഇടക്കാല മുന്‍കൂര്‍ ജാമ്യം അനുവദിച്ചിരുന്നു. എട്ടുമാസംമുമ്പ് അമല അനുവും സംഘവും മാമ്പഴത്തറ വനത്തില്‍ ഹെലിക്യാം ഉപയോഗിച്ച് കാട്ടാനയെ ചിത്രീകരിക്കുകയും പ്രകോപിപ്പിക്കുകയും ചെയ്‌തെന്നാണ് കേസ്. യൂട്യൂബില്‍ വീഡിയോ അപ്ലോഡ് ചെയ്തതോടെ വനംവകുപ്പ് കഴിഞ്ഞമാസം എട്ടിനാണ് കേസെടുത്തത്.

Content Highlights: vlogger amala anu who trespassed into forest appeared before investigating officer

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)