പോലീസ് സ്‌റ്റേഷന്‍ പൂര്‍ണമായും തകര്‍ത്തു; റോഡില്‍ കല്ലും ബിയര്‍ കുപ്പികളും, KSRTC ബസുകളും തകര്‍ത്തു


നിലവില്‍ പ്രദേശത്ത് സംഘര്‍ഷത്തിന് അയവുണ്ട്

1. അടിച്ചുതകർത്ത പോലീസ് സ്‌റ്റേഷൻ 2. പോലീസ് വാഹനം തകർത്ത നിലയിൽ. ഫോട്ടോ - മാതൃഭൂമി

തിരുവനന്തപുരം: വിഴിഞ്ഞത്ത് ഞായറാഴ്ച രാത്രിയുണ്ടായ സംഘര്‍ഷത്തില്‍ പ്രതിഷേധക്കാര്‍ പോലീസ് സ്‌റ്റേഷന്‍ പൂര്‍ണ്ണമായും അടിച്ചുതകര്‍ത്തു. മുല്ലൂരിലെ സംഘര്‍ഷത്തില്‍ ഒരാളെ കസ്റ്റഡിയില്‍ എടുത്തതില്‍ പ്രതിഷേധിച്ചാണ് ആയിരത്തോളം വരുന്ന പ്രതിഷേധക്കാര്‍ സംഘടിച്ചെത്തി കഴിഞ്ഞ രാത്രി സംഘര്‍ഷമുണ്ടാക്കിയത്. പോലീസ് സ്‌റ്റേഷന്റെ മുന്‍വശം പൂര്‍ണ്ണമായും അടിച്ചുതകര്‍ത്ത നിലയിലാണ്. കല്ലും കമ്പും ഉപയോഗിച്ചാണ് പ്രതിഷേധക്കാര്‍ പോലീസ് സ്‌റ്റേഷന്‍ ആക്രമിച്ചത്. പോലീസ് സ്‌റ്റേഷനിലെ ഹെല്‍പ് ഡെസ്‌ക് അടക്കമാണ് പ്രതിഷേധക്കാര്‍ അടിച്ചുതകര്‍ത്തത്.

പോലീസ് സ്‌റ്റേഷന്റെ ചില്ലുകള്‍ തകര്‍ത്തു. പരിക്കേറ്റ പോലീസുകാര്‍ക്ക് ആശുപത്രിയില്‍ പോകാന്‍ പോലും സാധിച്ചിരുന്നില്ല. പോലീസ് വാഹനങ്ങളും അടിച്ചുതകര്‍ത്ത നിലയിലായിരുന്നു. വിഴിഞ്ഞം, ഫോര്‍ട്ട് പോലീസിന്റെ ജീപ്പുകള്‍ രണ്ടും അടിച്ചുതകര്‍ത്തിരുന്നു. പുറത്തുണ്ടായിരുന്ന ഒരു പോലീസ് ജീപ്പും വാനും പ്രതിഷേധക്കാര്‍ അടിച്ചുതകര്‍ത്തു.സ്‌റ്റേഷനിലെ ചെടിച്ചട്ടികള്‍ ഉള്‍പ്പെടെ ഉപയോഗിച്ചായിരുന്നു വാഹനം തകര്‍ത്തത്. വലിയ കല്ലുകള്‍ ഉപയോഗിച്ചായിരുന്നു ചില്ലുകള്‍ തകര്‍ത്തത്. പോലീസ് സ്‌റ്റേഷനിലെ സി.സി.ടി.വിയും പ്രതിഷേധക്കാര്‍ അടിച്ചുതകര്‍ത്തു.

നിലവില്‍ പ്രദേശത്ത് സംഘര്‍ഷത്തിന് അയവുണ്ട്. കഴിഞ്ഞ രാത്രിസംഘര്‍ഷമുണ്ടായെങ്കിലും രാവിലെയോടെ പ്രതിഷേധക്കാരെ ഇവിടങ്ങളില്‍ എത്തിച്ചേര്‍ന്നിട്ടില്ല. കനത്ത പോലീസ് സുരക്ഷ പ്രദേശങ്ങളില്‍ ഏര്‍പ്പെടുത്തിയിട്ടുണ്ട്. വള്ളങ്ങള്‍ കുറുകെയിട്ട് ചിലയിടങ്ങളിള്‍ ഗതാഗതം തടസ്സപ്പെടുത്തിയ നിലയിലാണ്. റോഡിനുകുറുകെയിട്ട വള്ളത്തിന് ഇരുവശത്തുമായി പോലീസും പ്രതിഷേധക്കാരും മുഖാമുഖം നിലയുറപ്പിക്കുകയായിരുന്നു. രണ്ടുവള്ളങ്ങളുപയോഗിച്ചാണ് ഗതാഗതം തടസ്സപ്പെടുത്തിയത്. വിഴിഞ്ഞം പോലീസ് സ്‌റ്റേഷന് അടുത്തായുള്ള കെ.എസ്.ആര്‍.ടി.സി. സ്റ്റാന്‍ഡില്‍ നിര്‍ത്തിയിട്ടിരുന്ന രണ്ടു ബസുകള്‍ക്ക് നേരയും പ്രതിഷേധക്കാര്‍ ആക്രമം അഴിച്ചുവിട്ടു. ബസിന്റെ ചില്ലുകള്‍ അടിച്ചുതകര്‍ത്തു. സര്‍ക്കാരിനും അദാനിക്കും പോലീസിനുമെതിരായ മുദ്രാവാക്യങ്ങളായിരുന്നു പ്രതിഷേധക്കാര്‍ ഉയര്‍ത്തിയിരുന്നത്.

പോലീസിന്റേതടക്കം നിരവധി വാഹനങ്ങളാണ് വിഴിഞ്ഞത്ത് ഇന്നലെ പ്രതിഷേധക്കാര്‍ തകര്‍ത്തത്. റോഡില്‍ വടികളും ബിയര്‍ കുപ്പികളും ഉള്‍പ്പെടെയുണ്ട്. ബസുകള്‍ സര്‍വീസ് നടത്തുന്നില്ലെന്നും കടകള്‍ തുറന്നിട്ടില്ലെന്നും നാട്ടുകാര്‍ പറഞ്ഞു. കടതുറക്കാനെത്തിയ ജീവനക്കാര്‍ സ്ഥിതിഗതികള്‍ മനസ്സിലാക്കിയ ശേഷം തുറക്കാമെന്ന നിലപാടാണ് നിലവില്‍ എടുത്തിരിക്കുന്നത്.

Content Highlights: current situation at vizhinjam


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Transcouples

06:33

സിയക്ക് വേണ്ടി സഹദ് ഗർഭം ധരിച്ചു; കാത്തിരിപ്പിനൊടുവിൽ അവര്‍ അച്ഛനും അമ്മയുമായി

Feb 4, 2023


chintha jerome

1 min

ഒന്നേമുക്കാൽ വർഷം റിസോർട്ടിൽ താമസം, 38 ലക്ഷം രൂപ വാടക; ചിന്തയ്ക്കെതിരേ പരാതിയുമായി യൂത്ത് കോൺഗ്രസ്

Feb 7, 2023


Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023

Most Commented