"അടിക്കടി വാര്‍ത്താ സമ്മേളനം വിളിച്ചിരുന്ന ബിജെപി പ്രസിഡന്റ് ഇപ്പോള്‍ മുഖ്യമന്ത്രിയുടെ കാല്‍ക്കല്‍"


വി.ഡി.സതീശൻ | ഫോട്ടോ: ഇ.എസ് അഖിൽ

തിരുവനന്തപുരം : നിയമവിരുദ്ധമായി പ്രവര്‍ത്തിച്ച സര്‍ക്കാരിനെതിരായ കനത്ത തിരിച്ചടിയാണ് ഹൈക്കോടതി ഇടക്കാല ഉത്തരവെന്ന് പ്രതിപക്ഷ നേതാവ് വി.ഡി സതീശന്‍. തിരുവനന്തപുരത്ത് വാര്‍ത്താ സമ്മേളനത്തില്‍ സംസാരിക്കുകയായിരുന്നു അദ്ദേഹം.

കേട്ടുകേള്‍വി പോലുമില്ലാത്ത വിചിത്ര വാദവുമായാണ് ജുഡീഷ്യല്‍ കമ്മീഷനെ സംസ്ഥാന സര്‍ക്കാര്‍ നിയമിച്ചത്. കേന്ദ്ര അന്വേഷണ ഏജന്‍സികള്‍ സംസ്ഥാനത്തെ രാഷ്ട്രീയ നേതാക്കള്‍ക്കെതിരേ ഗൂഡാലോചന നടത്തുന്നു എന്ന വിചിത്ര ആരോപണം ഉയര്‍ത്തി കേന്ദ്ര ഏജന്‍സികളുടെ അന്വേഷണം അട്ടിമറിക്കാനാണ് സംസ്ഥാന സര്‍ക്കാര്‍ ശ്രമിച്ചത്. അതിനുള്ള തിരിച്ചടിയാണ് ഉത്തരവെന്നും വി.ഡി സതീശന്‍ പറഞ്ഞു.

നിലവില്‍ നടന്നു കൊണ്ടിരിക്കുന്ന അന്വേഷണം അട്ടിമറിക്കാന്‍ മനപ്പൂര്‍വ്വമായാണ് ഇങ്ങനെ ഒരു ജൂഡീഷ്യല്‍ അന്വേഷണ കമ്മീഷനെ നിയമിച്ചത്. തിരഞ്ഞെടുപ്പ് വരെ സമയം നീട്ടികിട്ടുന്നതിന് വേണ്ടി കേന്ദ്ര അന്വേഷണം ഏജന്‍സികളുടെ അന്വേഷണം തടസ്സപ്പെടുത്താനുള്ള ശ്രമമാണ് നടന്നിരിക്കുന്നതെന്നും വിഡി സതീഷന്‍ പറഞ്ഞു.

തിരഞ്ഞെടുപ്പിന്റെ കൃത്യം ഒരുമാസം മുമ്പ് അന്വേഷണ ഏജന്‍സികളുടെ അന്വേഷണം നിലച്ചു. അന്വേഷണം നടത്തുന്ന എല്ലാ ഏജന്‍സികളും ഒരുമിച്ച് ഒരു സുപ്രഭാത്തതില്‍ അന്വേഷണം നിര്‍ത്തി. കുഴല്‍പ്പണ കേസും കേന്ദ്രഏജന്‍സികള്‍ കേരളത്തില്‍ അന്വേഷണം നടത്തുന്ന കേസുകളും തമ്മില്‍ ഒത്തുതീര്‍പ്പുണ്ടാവുമെന്നും വി.ഡി സതീശന്‍ ആരോപിച്ചു. ഏജൻസികളുടെ വിശ്വാസം നഷ്ടപ്പെട്ടിരിക്കുകയാണ് അതിനാല്‍ മുന്‍പ് നടത്തിയിരുന്ന അന്വേഷണം എങ്ങനെ പെട്ടെന്ന് നിലച്ചു എന്ന് അന്വേഷണ ഏജന്‍സികള്‍ വ്യക്തമാക്കണമെന്നും വിഡി സതീശന്‍ പറഞ്ഞു.

"കേന്ദ്രഏജന്‍സികള്‍ അടുത്തതായി ചോദ്യം ചെയ്യുന്നതാരെ എന്നും മുഖ്യമന്ത്രിയുടെ ഓഫീസിലെ സെക്രട്ടറിയെ ചോദ്യം ചെയ്യും എന്നെല്ലാം നേരത്തെ വാര്‍ത്താ സമ്മേളനം നടത്തി ബിജെപി പ്രസിഡന്റ് പ്രഖ്യാപനം നടത്തുന്ന പതിവുണ്ടായിരുന്നു. അതേ ബിജെപി പ്രസിഡന്റ് ഇപ്പോള്‍ പിണറായി വിജയന്റെ കാല്‍ക്കല്‍ വീണ് കിടക്കുകയാണ്. എന്നെ കുഴൽപ്പണകേസിൽ നിന്ന് രക്ഷിക്കണം എന്ന പറഞ്ഞു കൊണ്ട്. കേന്ദ്ര അന്വേഷണ ഏജന്‍സികളുടെ അന്വേഷണത്തെ കുറിച്ചുള്ള മുഴുവന്‍ വിവരവും പത്രസമ്മേളനം നടത്തി പറഞ്ഞിരുന്നതൊക്കെ സുരേന്ദ്രന്‍ സുപ്രഭാതത്തില്‍ നിര്‍ത്തി". ഇപ്പോൾ ആ ആളെ കാണാനില്ലെന്നും വിഡി സതീശന്‍ ആരോപിച്ചു.

"കൊടകര കേസിലെ സാമ്പത്തിക സ്രോതസ്സിനെ കുറിച്ച് അന്വേഷിക്കാന്‍ സംസ്ഥാന പോലീസിന് കഴിയില്ലെന്നും അതോടൊപ്പം ഇഡിയുടെയും ഇന്‍കംടാക്‌സിന്റെയും അന്വേഷണം നടത്തണമെന്നും ഞാന്‍ പറഞ്ഞപ്പോള്‍ ഞാന്‍ ബിജെപിയെ സഹായിക്കുന്നുവെന്നാണ് മുഖ്യമന്ത്രി ആരോപിച്ചത്. പിന്നീട് കുറ്റപത്രം സമര്‍പ്പിച്ച്‌പ്പോള്‍ ഇഡിയും ഇന്‍കംടാക്‌സും അന്വേഷിക്കണമെന്ന് സംസ്ഥാന പോലീസ് തന്നെ അതില്‍ എഴുതിവെച്ചു.സാമ്പത്തിക സ്രോതസ്സ് അന്വേഷിക്കേണ്ടത് കേന്ദ്ര ഏജന്‍സിയാണെന്നും കുറ്റപത്ത്രതില്‍ പറഞ്ഞു".

സ്വര്‍ണ്ണക്കടത്ത് അന്വേഷിക്കാന്‍ പ്രധാനമന്ത്രിക്ക് കത്തയച്ച മുഖ്യമന്ത്രി കൊടകര കേസന്വേഷിക്കാന്‍ കത്തെഴുതിയില്ല. ഇത് ബിജെപിയെ രക്ഷിക്കാനാണെന്ന് ഞങ്ങള്‍ സംശയിക്കുന്നുവെന്നും സതീശന്‍ വാര്‍ത്താ സമ്മേളനത്തില്‍ കുറ്റപ്പെടുത്തി.

content highlights: VD Satheeshan pressmeet on HC order

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Dalit Boy

1 min

അധ്യാപകന്റെ പാത്രത്തില്‍നിന്ന് വെള്ളംകുടിച്ചതിന് ക്രൂരമര്‍ദനം; 9 വയസ്സുള്ള ദളിത് ബാലന്‍ മരിച്ചു

Aug 14, 2022


IN DEPTH

11:43

ഷെയര്‍ മാര്‍ക്കറ്റിലെ വിജയമന്ത്രം; ഓഹരി രാജാവ് വിടപറയുമ്പോള്‍ | Rakesh Jhunjunwala

Aug 14, 2022


Jaleel-Surendran

1 min

ജലീലിന് ഇന്ത്യയില്‍ കഴിയാന്‍ അവകാശമില്ല, പാകിസ്താനിലേക്ക് പോകണം - കെ സുരേന്ദ്രന്‍

Aug 14, 2022

Most Commented