കല്പറ്റ: എഫ്.സി.സി. സന്ന്യാസ സഭയില്‍നിന്ന് പുറത്താക്കിയ നടപടിക്കെതിരെ സിസ്റ്റര്‍ ലൂസി കളപ്പുര നല്‍കിയ അപ്പീല്‍ വത്തിക്കാന് തള്ളി. എഫ്.സി.സി. സന്ന്യാസ സഭയുടെ തീരുമാനം അംഗീകരിക്കുന്നതായി ചൂണ്ടിക്കാണിച്ചാണ് വത്തിക്കാന് സിസ്റ്റര്‍ ലൂസിയുടെ അപ്പീല്‍ തള്ളിയത്.
നേരത്തെ സിസ്റ്റര്‍ ലൂസിക്കെതിരെ സന്ന്യാസ സഭ ആരോപിച്ച എല്ലാകാര്യങ്ങളും വത്തിക്കാനും ശരിവെച്ചെന്നാണ് ലത്തീന്‍ ഭാഷയിലുള്ള കത്തില്‍ സൂചിപ്പിച്ചിട്ടുള്ളതെന്നാണ് വിവരം.
സിസ്റ്റര്‍ ലൂസി കളപ്പുര സഭാചട്ടങ്ങള്‍ക്ക് വിരുദ്ധമായി പ്രവര്‍ത്തിച്ചെന്നാണ് വത്തിക്കാന്റെ നിലപാട്. നേരത്തെ സന്ന്യാസ സഭ നല്‍കിയ നോട്ടീസിലും ഇക്കാര്യം വ്യക്തമാക്കിയിരുന്നു.
മുന്നറിയിപ്പുകള്‍ നല്‍കിയിട്ടും സഭയുടെ നിയമങ്ങള്‍ പാലിക്കാത്തവിധമുള്ള ജീവിതശൈലി തുടരുന്നുവെന്ന് ചൂണ്ടിക്കാണിച്ചാണ് എഫ്.സി.സി. സന്ന്യാസ സഭയില്‍നിന്ന് സിസ്റ്റര്‍ ലൂസി കളപ്പുരയെ പുറത്താക്കിയത്. ഇതിനെതിരെയാണ് സിസ്റ്റര്‍ ലൂസി കളപ്പുര വത്തിക്കാന് അപ്പീല്‍ സമര്‍പ്പിച്ചത്.
Content Highlights: vatican rejected sister lucy kalappura's appeal
