കൂട്ടിക്കല്‍: പ്രതിപക്ഷ നേതാവ് വി.ഡി. സതീശന്‍ ഉരുള്‍പൊട്ടല്‍ ഉണ്ടായ കൂട്ടിക്കല്‍ സന്ദര്‍ശിച്ചു. ശനിയാഴ്ച കാലത്ത് പത്ത് മണിക്ക് ഉരുള്‍പൊട്ടല്‍ ഉണ്ടായി. ദുഷ്‌കരമായ സാഹചര്യത്തിലാണ് തിരച്ചിലുകള്‍ നടക്കുന്നതെങ്കിലും ഇന്നലെ പ്രദേശത്ത് രക്ഷാപ്രവര്‍ത്തനങ്ങള്‍ ഒന്നും നടക്കാത്തത് ഒരു പ്രശ്നമാണ്. ഇന്ന് രാവിലെ മുതലാണ് തിരച്ചില്‍ ആരംഭിച്ചതെന്നും പ്രതിപക്ഷ നേതാവ് പറഞ്ഞു.

ഇന്നലെ പകല്‍ എന്തുകൊണ്ടാണ് രക്ഷാപ്രവര്‍ത്തനങ്ങള്‍ നടക്കാത്തത് എന്നതിനെപ്പറ്റി ബന്ധപ്പെട്ടവര്‍ പറയുമെന്നാണ് പ്രതീക്ഷയെന്ന് വി.ഡി സതീശന്‍ പറഞ്ഞു. മുന്‍ പഞ്ചായത്തംഗം മാത്രമാണ് സംഭവസ്ഥലത്ത് ഒരു ജെസിബിയുമായി എത്തിയതെന്നും പോലീസും താലൂക്കിലെ അധികാരികളും ഇന്നലെ കൂട്ടിക്കലില്‍ എത്താതിരുന്നത് എന്നതിന് വ്യക്തമായ വിശദീകരണം അധികാരികള്‍ നല്‍കണമെന്നും പ്രതിപക്ഷനേതാവ് വിഡി സതീശന്‍ ആവശ്യപ്പെട്ടു. 

തുടര്‍ച്ചയായിട്ടുണ്ടാകുന്ന മലയിടിച്ചിലുകള്‍ ഗൗരവമായി കാണേണ്ടതാണെന്നും അദ്ദേഹം കൂട്ടിച്ചേര്‍ത്തു.

Content Highlights: VD Satheeshan visits landslide struck and rain affected areas in Kottayam