ഉത്തരാഖണ്ഡില്‍ വിനോദായാത്ര സംഘത്തിന്റെ കാര്‍ നദിയില്‍ ഒലിച്ചുപോയി; 9 മരണം ഒരാളെ രക്ഷപ്പെടുത്തി, heavyrain,Utharakhand,Accident

08 July 2022, 11:23 AM IST

പഞ്ചാബില്‍ നിന്നുള്ള യാത്രാ സംഘമാണ് വാഹനത്തിലുണ്ടായിരുന്നത്.

അപകടത്തിന്റെ ദൃശ്യം.ചിത്രം:എ.എൻ.ഐ

നൈനിറ്റാള്‍: കനത്ത മഴയില്‍ വിനോദയാത്രാ സംഘം സഞ്ചരിച്ച കാര്‍ അപകടത്തില്‍ പെട്ട് ഒലിച്ചുപോയതിനെ തുടര്‍ന്ന് ഉത്തരാഖണ്ഡില്‍ ഒമ്പത് പേര്‍ മരിച്ചു. ഒരു പെണ്‍കുട്ടിയെ രക്ഷപ്പെടുത്തിയിട്ടുണ്ട്. മരിച്ചവരില്‍ അഞ്ചുപേരുടെ മൃതദേഹം പുറത്തെടുത്തിട്ടുണ്ട്. നാല് പേരുടെ മൃതദേഹം ഇപ്പോഴും കുടുങ്ങിക്കിടക്കുകയാണെന്ന് എ.എന്‍.ഐ വാര്‍ത്താ ഏജന്‍സി റിപ്പോര്‍ട്ട് ചെയ്യുന്നു.

പഞ്ചാബില്‍ നിന്നുള്ള യാത്രാ സംഘമാണ് വാഹനത്തിലുണ്ടായിരുന്നത്. രാമനഗറിലെ ദെര്‍ല നദയിലേക്ക് ഇവര്‍ സഞ്ചരിച്ച കാര്‍ നിയന്ത്രണം വിട്ട് വീഴുകയായിരുന്നു. ഇന്ന് രാവിലെ 5.45 ഓടെയാണ് സംഭവം.

വിനോദയാത്രയ്‌ക്കെത്തി പഞ്ചാബിലേക്ക് മടങ്ങുന്നതിനിടെയാണ് അപകടമുണ്ടായത്. ഇവര്‍ പഞ്ചാബിലെ പാട്യാല സ്വദേശികളാണ്. രക്ഷപ്പെട്ടത് 22 വയസ്സുകാരി നാസിയ എന്ന പെണ്‍കുട്ടിയാണെന്ന് തിരിച്ചറിഞ്ഞിട്ടുണ്ട്.

Content Highlights: Uttarakhand 9 died 1 girl rescued alive and about 5 trapped after a car washed away in Dhela river

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)