നിയന്ത്രണംവിട്ട ബൈക്ക് ബസിലിടിച്ചു, യുവാക്കള്‍ക്ക് ദാരുണാന്ത്യം


എസ്.ഷഹൻഷാ, സുധീർ

കൊല്ലം: നിയന്ത്രണംവിട്ട ബൈക്ക് കെ.എസ്.ആര്‍.ടി.സി. ബസ്സിലിടിച്ച് രണ്ടു യുവാക്കള്‍ മരിച്ചു.പന്മന പുത്തന്‍ചന്ത ചെപ്പള്ളില്‍ കിഴക്കതില്‍ ഷെരീഫാബീവിയുടെയും ഷാജഹാന്റെയും മകന്‍ എസ്.ഷഹന്‍ഷാ (19), വടക്കുംതല പറമ്പിമുക്ക് കോയിക്കലയ്യത്ത് വീട്ടില്‍ ബഷീറിന്റെയും റംലയുടെയും മകന്‍ സുധീര്‍ (20) എന്നിവരാണ് മരിച്ചത്.

ശനിയാഴ്ച ഉച്ചയ്ക്ക് പന്ത്രണ്ടേമുക്കാലോടെ രാമന്‍കുളങ്ങര മേടയില്‍മുക്കിനു സമീപത്തായിരുന്നു അപകടം.സുധീറാണ് ബൈക്ക് ഓടിച്ചിരുന്നത്. കൊല്ലം ഭാഗത്തേക്ക് പോകുകയായിരുന്ന ഇവര്‍ സഞ്ചരിച്ച ബൈക്ക് മേടയില്‍മുക്കിനുസമീപം വാഹനങ്ങള്‍ കുരുക്കില്‍പ്പെട്ടതോടെ മറികടക്കാന്‍ ശ്രമിക്കവേയാണ് നിയന്ത്രണംവിട്ട് എതിര്‍ദിശയില്‍ വന്ന കെ.എസ്.ആര്‍.ടി.സി. വേണാട് ബസ്സുമായി ഇടിച്ചത്.

ഇടിക്കുന്നതിനുമുമ്പുതന്നെ നിയന്ത്രണംവിട്ട ബൈക്കില്‍നിന്ന് പിന്നിലിരുന്ന ഷഹന്‍ഷാ റോഡിലേക്ക് തെറിച്ചുവീണിരുന്നു.തൊട്ടുപിന്നിലുണ്ടായിരുന്ന കാറിനു മുന്നിലേക്കാണ് ഇരുവരും വീണത്.

ബസ്സിന്റെ വലതുഭാഗത്തെ ഹെഡ്‌ലൈറ്റിന്റെ ഭാഗത്തേക്ക് ഇടിച്ചുകയറിയ ബൈക്ക് ഇടിയുടെ ആഘാതത്തില്‍ അല്പദൂരം പിന്നിലേക്ക് നിരങ്ങിനീങ്ങി. രണ്ടുപേരും ഹെല്‍മെറ്റ് ധരിച്ചിരുന്നെങ്കിലും വീഴ്ചയുടെ ആഘാതത്തില്‍ തകര്‍ന്നുപോയി. ബൈക്കിന്റെ മുന്‍ഭാഗവും പൂര്‍ണമായും തകര്‍ന്നു.

റോഡിലേക്കുവീണ ഇരുവരെയും സ്ഥലത്തുണ്ടായിരുന്നവര്‍ ഉടന്‍ ജില്ലാ ആശുപത്രിയിലേക്ക് മാറ്റിയെങ്കിലും മരിച്ചു. അപകടത്തെത്തുടര്‍ന്ന് ഏറെനേരം ഗതാഗതം തടസ്സപ്പെട്ടു.ചിന്നക്കടയില്‍ ക്വയിലോണ്‍ മൊബൈല്‍സ് എന്ന സ്ഥാപനത്തില്‍ മൊബൈല്‍ ടെക്‌നീഷ്യന്‍ കോഴ്‌സ് പഠിച്ചുവരികയായിരുന്നു ഇരുവരും. ഷെറീനയാണ് ഷഹന്‍ഷായുടെ സഹോദരി. സുനീറാണ് സുധീറിന്റെ സഹോദരന്‍.

ഷഹന്‍ഷായുടെ മൃതദേഹം കൊട്ടുകാട് ജുമാമസ്ജിദില്‍ കബറടക്കി. സുധീറിന്റെ കബറടക്കം ഞായറാഴ്ച വടക്കുംതല ജുമാമസ്ജിദ് കബര്‍സ്ഥാനില്‍ നടക്കും.

Content Highlights: accident, death

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022


manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


Modi, Shah

9 min

മോദി 2024-ൽ വീണ്ടും ബി.ജെ.പിയെ നയിക്കുമ്പോൾ | വഴിപോക്കൻ

Aug 6, 2022

Most Commented