File Photo | Mathrubhumi
തൃശ്ശൂര്‍: തൃശ്ശൂരില്‍ നടക്കുന്ന അഖിലേന്ത്യാ കിസാന്‍സഭയുടെ ദേശീയ സമ്മേളനത്തില്‍ പങ്കെടുക്കാനെത്തിയ രണ്ട് വിദേശപ്രതിനിധികളെ വിമാനത്താവളത്തില്‍ മടക്കിയയച്ചു.
ഫ്രാന്‍സില്‍നിന്ന് എത്തിയ ട്രേഡ് യൂണിയന്‍ ഇന്റര്‍നാഷണല്‍ അഗ്രിക്കള്‍ച്ചറിന്റെ സ്ത്രീ പ്രതിനിധികളായ ക്രിസ്ത്യന്‍ അലിയാമി, മരിയാ ഡ റോച്ച എന്നിവരെയാണ് കൊച്ചി വിമാനത്താവളത്തില്‍ തടഞ്ഞ് അതേ വിമാനത്തില്‍ മടക്കിയയച്ചത്.
ദോഹയില്‍നിന്ന് കൊച്ചിയിലേക്കുള്ള വിമാനത്തിലാണ് ഇവര്‍ വന്നിറങ്ങിയത്. ടൂറിസ്റ്റ് വിസയിലെത്തിയ ഇവര്‍ എമിഗ്രേഷന്‍ വകുപ്പിന് നല്‍കിയ യാത്രാരേഖയില്‍ അഖിലേന്ത്യാ കിസാന്‍സഭാ സമ്മേളനത്തിന് പോകുകയാണെന്ന് കാണിച്ചിരുന്നു. ടൂറിസ്റ്റ് വിസയിലെത്തിയാല്‍ മുന്‍കൂര്‍ അനുമതിയില്ലാത്ത രാഷ്ട്രീയപരിപാടികളില്‍ പങ്കെടുക്കാന്‍ അനുവദിക്കില്ലെന്ന കാരണത്താലാണ് നടപടി.
ഫ്രാന്‍സില്‍നിന്നെത്തുന്ന പ്രതിനിധികളെ സ്വീകരിക്കാന്‍ വിമാനത്താവളത്തില്‍ സംഘാടകര്‍ കാത്തുനിന്നിരുന്നു.ചൊവ്വാഴ്ച പുലര്‍ച്ചെ 2.15-ന് വിമാനത്തിലെത്തിയ ഇവര്‍ പുറത്തേക്കു വരാത്തത് സംബന്ധിച്ച് അന്വേഷിച്ചപ്പോഴാണ് മടക്കിയയച്ച കാര്യമറിഞ്ഞത്. വിദേശപ്രതിനിധികളെ മടക്കിയയച്ച സംഭവത്തില്‍ അഖിലേന്ത്യാ കിസാന്‍സഭയുടെ ദേശീയസമ്മേളനം പ്രതിഷേധം അറിയിച്ചു.
Content Highlights: two foreign delegates who came to attend kisan sabha conference sent back from kochi airport
Also Watch
RELATED STORIES
IN CASE YOU MISSED IT
.jpg?$p=fdeeabd&f=1x1&w=100&q=0.8)
.jpg?$p=8b03612&q=0.8&f=16x11&w=104)
.jpg?$p=2341806&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..