ആര്‍.സി.സിയില്‍ ലിഫ്റ്റില്‍ നിന്ന് വീണ് ചികിത്സയിലായിരുന്ന യുവതി മരിച്ചു


നജീറ

തിരുവനന്തപുരം: റീജനല്‍ കാന്‍സര്‍ സെന്ററില്‍(ആര്‍.സി.സി.) ലിഫ്റ്റില്‍നിന്ന് വീണ് ചികിത്സയിലായിരുന്ന യുവതി മരിച്ചു. പത്തനാപുരം സ്വദേശി നജീറ(21) ആണ് മരിച്ചത്. മെയ് 15-നാണ് അപകടമുണ്ടായത്. ആര്‍.സി.സിയുടെ അനാസ്ഥയാണ് അപകടത്തിന് കാരണമെന്ന് യുവതിയുടെ കുടുംബം പരാതിപ്പെട്ടു.

അറ്റകുറ്റപ്പണികള്‍ക്കായി തുറന്നിട്ടിരുന്ന ലിഫ്റ്റിലേക്ക് കയറിയ യുവതി കാല്‍ വഴുതി രണ്ടു നില താഴ്ചയിലേക്ക് വീഴുകയായിരുന്നു. ഗുരുതരമായി പരിക്കേറ്റ യുവതി തിരുവന്തപുരം മെഡിക്കല്‍ കോളേജ് ആശുപത്രിയിലെ തീവ്രപരിചരണ വിഭാഗത്തില്‍ ചികിത്സയിലായിരുന്നു.



ആര്‍.സി.സിയില്‍ ചികിത്സയില്‍ കഴിയുന്ന മാതാവിനെ കാണാനായി എത്തിയപ്പോഴാണ് നജീറയ്ക്ക് അപകടം സംഭവിച്ചത്. ആര്‍.സി.സിയുടെ താഴത്തെനിലയില്‍ അറ്റകുറ്റപ്പണി നടക്കുകയായിരുന്ന ലിഫ്റ്റിന്റെ മുകള്‍ഭാഗത്ത് പലകകള്‍ നിരത്തി കുഴി താത്കാലികമായി അടച്ചിരുന്നു. എന്നാല്‍, പണി നടക്കുകയാണെന്നറിയാതെ യുവതി ലിഫ്റ്റില്‍ കയറി. ഉടന്‍ തന്നെ പലകകള്‍ ഇളകി ഇവര്‍ താഴേക്ക് വീഴുകയായിരുന്നു. നട്ടെല്ലിനും കാലിനുമാണ് ഗുരുതരമായി പരിക്കേറ്റത്.

അശ്രദ്ധമായി ലിഫ്റ്റ് തുറന്നിട്ട ജീവനക്കാരനെ പ്രാഥമിക അന്വേഷണം നടത്തി സസ്പെന്‍ഡ് ചെയ്തിരുന്നു. നജീറയുടെ കുടുംബത്തിന് ആര്‍.സി.സി. നഷ്ടപരിഹാരം നല്‍കണമെന്ന് വനിത കമ്മീഷന്‍ ഉത്തരവിട്ടു. സംഭവത്തില്‍ റിപ്പോര്‍ട്ട് തേടിയിട്ടുമുണ്ട്.

Content Highlights: Twenty one year old died after falling from Thiruvananthapuram RCC's elevator


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022


brazil vs cameroon

2 min

ടിറ്റെയുടെ പരീക്ഷണം പാളി, ബ്രസീലിനെ അട്ടിമറിച്ച് കാമറൂണ്‍

Dec 3, 2022


Vizhinjam

7 min

വിഴിഞ്ഞത്തിന്റെ നിലവിളി | വഴിപോക്കൻ

Dec 2, 2022

Most Commented