.jpg?$p=4b24f8d&f=16x10&w=852&q=0.8)
ലോറിയിൽനിന്ന് റോഡിലേക്ക് ചിതറിയ പാറമണലിൽ ബൈക്ക് തെന്നി പരിക്കേറ്റ് താമരശ്ശേരി താലൂക്കാശുപത്രിയിൽ ചികിത്സതേടിയവർ
താമരശ്ശേരി: പിറകിലെ വശം ശരിയായി അടയ്ക്കാതെ ദേശീയ, സംസ്ഥാന പാതകളിലൂടെ സര്‍വീസ് നടത്തിയ ടോറസ് ലോറിയില്‍നിന്ന് റോഡിലേക്കു ചിതറിയ പാറമണലില്‍ ബൈക്ക് തെന്നിവീണ് അച്ഛനും മകനും പരിക്ക്. ബൈക്ക് യാത്രക്കാരായ താമരശ്ശേരി കോരങ്ങാട് രാമേശ്വരംവീട്ടില്‍ ചന്ദ്രന്‍, മകന്‍ ശരത് ചന്ദ്രന്‍ എന്നിവര്‍ക്കാണ് താമരശ്ശേരി ചുങ്കം ജങ്ഷനു സമീപമുണ്ടായ അപകടത്തില്‍ പരിക്കേറ്റത്. ഇരുവരും താമരശ്ശേരി ഗവ. താലൂക്കാശുപത്രിയില്‍ ചികിത്സതേടി. മറ്റ് വാഹനങ്ങളും മണലില്‍ തെന്നിയെങ്കിലും ഭാഗ്യംകൊണ്ടാണ് യാത്രികരെല്ലാം പരിക്കേല്‍ക്കാതെ രക്ഷപ്പെട്ടത്.
വെള്ളിയാഴ്ച രാവിലെ പത്തരയോടെയാണ് പുല്ലാഞ്ഞിമേട് ഭാഗത്തുനിന്ന് ചുങ്കം വഴി കോരങ്ങാട് ഭാഗത്തേക്ക് പാറമണലുമായി ലോറി കടന്നുപോയത്. പിറകുവശത്തുനിന്ന് ചോര്‍ന്ന പാറമണല്‍ ദേശീയപാതയിലും സംസ്ഥാനപാതയിലും ചിതറിക്കിടന്നതാണ് അപകടഭീഷണിയുയര്‍ത്തിയത്. വെള്ളംസഹിതം ചിതറിക്കിടന്ന പാറമണലിലെ ജലാംശം വറ്റിയതോടെ റോഡിലാകെ പൊടിപടലമുയരുകയും ചെയ്തു. തുടര്‍ന്ന് ലോറി കോരങ്ങാട് റോഡരികില്‍ അല്പനേരം നിര്‍ത്തിയിടുകയായിരുന്നു
Content Highlights: Torrus Lorry Accident
Also Watch
RELATED STORIES
.jpg?$p=c0d0d29&f=1x1&w=100&q=0.8)
IN CASE YOU MISSED IT
.jpg?$p=aa62323&f=1x1&w=100&q=0.8)
.jpg?$p=96f2105&q=0.8&f=16x11&w=104)
.jpg?$p=aa62323&q=0.8&f=16x11&w=104)
.jpg?$p=a80322e&q=0.8&f=16x11&w=104)
.jpg?$p=998287b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..