തൃശൂര്‍ പൂരം വെടിക്കെട്ടിന് ഉപാധികളോടെ അനുമതി


പൂരം ആചാരപ്രകാരം നടക്കണമെന്ന് അഡ്വക്കേറ്റ് ജനറല്‍ കോടതിയില്‍ ആവശ്യപ്പെട്ടു.

കൊച്ചി: തൃശൂര്‍ പൂരം വെടിക്കെട്ടിന് ഹൈക്കോടതി ഉപാധികളോടെ അനുമതി നല്‍കി. നിരോധിത വെടിമരുന്നുകള്‍ പാടില്ല, 125 ഡെസിബലിന് മുകളിലുള്ള വെടിക്കെട്ട് അനുവദിക്കില്ല. ശബ്ദ നിയന്ത്രണം ഉറപ്പാക്കണം, ദൂരപരിധി പാലിക്കണം എന്നീ നിബന്ധനകളോടെയാണ് അനുമതി.

പൂരം തൃശൂരിന്റെ സാമൂഹിക ജിവിതത്തിന്റെ ഭാഗമാണെന്ന് നിരീക്ഷിച്ച കോടതി വെടിക്കെട്ടിന്റെ കാര്യത്തില്‍ 2007 ലെ സുപ്രീംകോടതി വിധി കര്‍ശനമായി പാലിക്കണമെന്നും ആവശ്യപ്പെട്ടു.

സംസ്ഥാനത്ത് വെടിക്കെട്ട് നിരോധിക്കണമെന്ന പൊതുതാല്‍പര്യ ഹര്‍ജിയുടെ ഭാഗമായാണ് ഹൈക്കോടതി ഇന്ന് ഇക്കാര്യം പരിശോധിച്ചത്.

രാത്രിയില്‍ ശബ്ദത്തോടെയുള്ള വെടിക്കെട്ട് നിരോധിച്ച ഇടക്കാല ഉത്തരവില്‍ പുതിയതായി ഒന്നുമില്ലെന്ന് പറഞ്ഞ ഹൈക്കോടതി നിയമത്തിലില്ലാത്ത ഒരു നിയന്ത്രണവും ഏര്‍പ്പെടുത്തിയിട്ടില്ലെന്നും നിലവിലുള്ള നിയമങ്ങള്‍ കര്‍ശനമായി പാലിക്കാന്‍ ആവശ്യപ്പെടുക മാത്രമാണ് ചെയ്തെന്നും ചൂണ്ടിക്കാട്ടി.

പൂരം ആചാരപ്രകാരം നടക്കണമെന്ന് അഡ്വക്കേറ്റ് ജനറല്‍ കോടതിയില്‍ ആവശ്യപ്പെട്ടു. ആന എഴുന്നള്ളിപ്പിന്റെ നിരോധനം സര്‍ക്കാര്‍ നീക്കിയിട്ടുണ്ട്. ചീഫ് വൈല്‍ഡ് ലൈഫ് വാര്‍ഡന്റെ സര്‍ക്കുലര്‍ ആശയക്കുഴപ്പമുണ്ടാക്കിയത് കൊണ്ടാണ് പിന്‍വലിച്ചതെന്നും എ.ജി അറിയിച്ചു. വെടിക്കെട്ടിനുള്ള വെടിമരുന്ന് പ്രത്യേക സ്‌ക്വാഡ് പരിശോധിക്കുമെന്നും പൂരത്തിന് ദുരന്ത നിവാരണ സേനയെ വിന്യസിക്കുമെന്നും മുന് കരുതലെന്ന നിലയില്‍ സ്വരാജ് ഗ്രൗണ്ടിലെ പമ്പുകള്‍ അടച്ചിടുമെന്നും സര്‍ക്കാര്‍ കോടതിയില്‍ അറിയിച്ചു.

പൂരം വെടിക്കെട്ടിന് സുപ്രീം കോടതി ഇളവ് അനുവദിച്ചിട്ടുണ്ടെന്ന് പാറമേക്കാവ് ദേവസ്വം കോടതിയെ അറിയിച്ചു. അതുകൊണ്ട് സുരക്ഷ കര്‍ശനമായി പാലിച്ച് ഇളവ് അനുദിക്കണം. കതിന, ഗുണ്ട്, അമിട്ട് നിരോധിച്ചിട്ടുണ്ടെന്നും ദേവസ്വം ബോര്‍ഡ് കോടതിയെ അറിയിച്ചു.

വെടിക്കെട്ടുമായി ബന്ധപ്പെട്ട് മലിനീകരണ നിയന്ത്രണ ബോര്‍ഡിനെ കോടതി രൂക്ഷമായി വിമര്‍ശിച്ചു. വെടിക്കെട്ടുണ്ടാക്കുന്ന ശബ്ദ മലിനീകരണം മാത്രമാണ് ബോര്‍ഡ് നോക്കുന്നത്. അതുമൂലം പരിസ്ഥിതിക്കുണ്ടാക്കുന്ന ആഘാതം ആരും ശ്രദ്ധിക്കുന്നില്ലെന്നും വെടിക്കെട്ടുമായി ബന്ധപ്പെട്ട് ശബ്ദ,വായു മലനീകരണത്തിന് പ്രത്യേക നയം വേണമെന്നും കോടതി ആവശ്യപ്പെട്ടു.

അതേസമയം വെടിക്കെട്ട് ആനകളെ ബാധിക്കുമെന്ന മൃഗസംരക്ഷണ ബോര്‍ഡിന്റെ വാദം കോടതി അംഗീകരിച്ചില്ല. അസുഖമുള്ള ആനയെ എഴുന്നള്ളിക്കരുതെന്ന് മാത്രമാണ് കോടതി ഇക്കാര്യത്തില്‍ നിര്‍ദേശിച്ചത്.

വെടിക്കെട്ട് നടത്തുന്നതിനും ആന എഴുന്നള്ളിപ്പിനും കടുത്ത നിയന്ത്രണം വന്ന സാഹചര്യത്തില്‍ കുടമാറ്റവും വെടിക്കെട്ടും മേളവും ഒഴിവാക്കി പേരിന് മാത്രം പൂരം നടത്തുമെന്ന് ദേവസ്വങ്ങള്‍ തീരുമാനിച്ചിരുന്നു. ഇതിന് പിന്നാലെ സര്‍ക്കാര്‍ ഇടപെട്ട് ആന എഴുന്നള്ളിപ്പിന്റെ നിയന്ത്രണം നീക്കിയിരുന്നു.

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
amazon

2 min

4799 രൂപയുടെ ഹാന്‍ഡ്ബാഗ് 1047 രൂപയ്ക്ക് വാങ്ങാം; ഹാന്‍ഡ്ബാഗുകള്‍ക്ക് ഗംഭീര ഓഫറുകള്‍

Aug 9, 2022


manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


swapna suresh

2 min

നിരോധിത സാറ്റലൈറ്റ് ഫോണുമായി കേരളത്തിലെത്തിയ യുഎഇ പൗരനെ രക്ഷിക്കാന്‍ മുഖ്യമന്ത്രി ഇടപെട്ടു- സ്വപ്‌ന 

Aug 8, 2022

Most Commented