തെന്മലയില്‍ റോഡരികിലൂടെ നടന്ന മൂന്ന് കുട്ടികള്‍ മിനിലോറി ഇടിച്ച് മരിച്ചു


തെന്മല (കൊല്ലം): റോഡരികിലൂടെ നടന്നുപോയ കുട്ടികളുടെ ഇടയിലേക്ക് മിനിലോറി പാഞ്ഞുകയറി സഹോദരിമാരടക്കം മൂന്നു കുട്ടികള്‍ മരിച്ചു. ഉറുകുന്ന് ഡിസന്‍ ഭവനില്‍ കുഞ്ഞുമോന്‍-സുജ ദമ്പതിമാരുടെ മകള്‍ കെസിയ (16), ഉറുകുന്ന് നേതാജി പുത്തന്‍വീട്ടില്‍ അലക്‌സിന്റെയും (സന്തോഷ്) സിന്ധുവിന്റെയും മക്കളായ ശാലിനിമോള്‍ (14), ശ്രുതിമോള്‍ (11) എന്നിവരാണ് മരിച്ചത്. തെന്മല പഞ്ചായത്തിലെ ബി.ജെ.പി. സ്ഥാനാര്‍ഥിയാണ് അലക്‌സ്.

കൊല്ലം-തിരുമംഗലം ദേശീയപാതയില്‍ ഉറുകുന്നില്‍ ബുധനാഴ്ച വൈകീട്ട് നാലിനായിരുന്നു നാടിനെ നടുക്കിയ ദുരന്തം. ഉറുകുന്ന് റൂറല്‍ ബാങ്ക് കവലയില്‍നിന്ന് പാല്‍ വാങ്ങിയശേഷം മൂന്നുകുട്ടികളും മറ്റൊരുകടയിലേക്ക് പോകുകയായിരുന്നു. ചരക്കിറക്കിയശേഷം തമിഴ്‌നാട്ടിലേക്ക് മടങ്ങുകയായിരുന്ന മിനിലോറി ഇവരുടെ മുകളിലേക്കു പാഞ്ഞുകയറി. ഇടിയുടെ ആഘാതത്തില്‍ മൂവരും തെറിച്ചുവീണു.

ഓടിക്കൂടിയ നാട്ടുകാര്‍ കുട്ടികളെ ഉടന്‍ ആശുപത്രിയിലെത്തിച്ചു. കെസിയയും ശ്രുതിമോളും പുനലൂര്‍ താലൂക്ക് ആശുപത്രിയിലേക്കുള്ള വഴിമധ്യേയും ശാലിനിമോള്‍ തിരുവനന്തപുരം മെഡിക്കല്‍ കോളേജ് ആശുപത്രിയിലും മരിച്ചു.

കുട്ടികളെ ഇടിച്ച മിനിലോറി റോഡില്‍നിന്നു കുഴിയിലേക്കുവീണു. അമിതവേഗമാണ് അപകടകാരണമെന്ന് പോലീസ് പറഞ്ഞു. ഡ്രൈവര്‍ കന്യാകുമാരി ചുങ്കന്‍കടയില്‍ സ്വദേശി വെങ്കിടേശിനെ പോലീസ് കസ്റ്റഡിയിലെടുത്തു.

ഒറ്റക്കല്‍ ഹയര്‍ സെക്കന്‍ഡറി സ്‌കൂളിലെ പ്‌ളസ്ടു വിദ്യാര്‍ഥിനിയാണ് കെസിയ. ശാലിനി ഇടമണ്‍ വി.എച്ച്.എസില്‍ ഒന്‍പതാം ക്‌ളാസിലും ശ്രുതി ഒറ്റക്കല്‍ വെല്‍ഫെയര്‍ യു.പി. സ്കൂളില്‍ ആറാം ക്‌ളാസിലും പഠിക്കുന്നു.

Content Highlights: Three children crushed to death by speeding truck

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Modi, Shah

9 min

മോദി 2024-ൽ വീണ്ടും ബി.ജെ.പിയെ നയിക്കുമ്പോൾ | വഴിപോക്കൻ

Aug 6, 2022


08:52

ഒറ്റ രാത്രിയില്‍ രജീഷിന് നഷ്ടം 40 ലക്ഷം; ഒലിച്ചുപോയത് നാലേക്കര്‍ പൈനാപ്പിള്‍ തോട്ടം

Aug 5, 2022


04:08

എന്താണ് ലോൺ ബോൾസ്? കോമണ്‍വെല്‍ത്ത് ഗെയിംസില്‍ ഇന്ത്യ സ്വര്‍ണമണിഞ്ഞ ലോണ്‍ ബോള്‍സിനെ കുറിച്ച് അറിയാം..

Aug 6, 2022

Most Commented