ഗവര്‍ണര്‍ സംസ്ഥാനത്തിന്റെ രാജാവല്ല; ബില്ലുകള്‍ പോക്കറ്റില്‍വച്ച്‌ നടക്കാനാവില്ല - തോമസ് ഐസക്ക്


ആരിഫ് മുഹമ്മദ് ഖാൻ, തോമസ് ഐസക് |ഫോട്ടോ:മാതൃഭൂമി

തിരുവനന്തപുരം: ഗവര്‍ണര്‍ സംസ്ഥാനത്തിന്റെ രാജാവൊന്നുമല്ലെന്നും ബില്ലുകള്‍ ഒപ്പിടാതെ പോക്കറ്റില്‍ വെച്ച് നടക്കാനൊന്നും അദ്ദേഹത്തിന് കഴിയില്ലെന്നും മുന്‍ ധനമന്ത്രി തോമസ് ഐസക്ക്. ഒപ്പിടാന്‍ താല്‍പര്യമില്ലെങ്കില്‍ അദ്ദേഹത്തിന് അത് അസംബ്ലിയിലേക്ക് തിരിച്ചയക്കാം. രണ്ടാമതും അയച്ചാല്‍ ഒപ്പിട്ടേ പറ്റൂ. അല്ലെങ്കില്‍ രാഷ്ട്രപതിക്കയക്കാം അതിനപ്പുറം ഗവര്‍ണര്‍ക്ക് ഒന്നും ചെയ്യാനാവില്ലെന്നും തോമസ് ഐസക്ക് പറഞ്ഞു.

ഗവര്‍ണര്‍ അദ്ദേഹത്തിന്റെ സ്ഥാനം മനസ്സിലാക്കണം. ജനങ്ങളാല്‍ തിരഞ്ഞെടുക്കപ്പെട്ട ഒരു സര്‍ക്കാരുണ്ട് കേരളത്തില്‍. ആ സര്‍ക്കാര്‍ എടുക്കുന്ന തീരുമാനത്തിന് അനുസരിച്ച് തന്റെ കടമകള്‍ പൂര്‍ത്തിയാക്കാം. അത്രമാത്രമാണ് അദ്ദേഹത്തിന്റെ അധികാരം. എന്തെങ്കിലും സംശയമുണ്ടെങ്കില്‍ ഭരണഘടന എടുത്ത് വായിച്ച് നോക്കാമെന്നും തോമസ് ഐസക്ക് പറഞ്ഞു. കാണാത്ത ബില്ലില്‍ ഒപ്പിടില്ലെന്ന് മുന്‍കൂട്ടി പ്രഖ്യാപിക്കുകയാണ്. അത് മുന്‍വിധിയോടെയുള്ള നടപടിയാണ്. മട്ടും ഭാവവും കണ്ടാല്‍ രാജ്യത്തിന്റെ രാജാവാണെന്ന പ്രതീതിയാണ് അദ്ദേഹം സൃഷ്ടിക്കുന്നതന്നും തോമസ് ഐസക്ക് പറഞ്ഞു.

സര്‍വകലാശാലകളില്‍ ഗവര്‍ണറിലൂടെ ബി.ജെ.പി ഇടപെടാന്‍ ശ്രമിക്കുകയാണ്. കണ്ണൂര്‍ വി.സി നിയമനം ശരിയായ രീതിയിലാണെന്ന് ഹൈക്കോടതി പോലും അംഗീകരിച്ചതാണ്. പിന്നെ ഇദ്ദേഹത്തിന് എന്താണ് പ്രശ്‌നമെന്നും തോമസ് ഐസക്ക് ചോദിച്ചു.

Content Highlights: Thomas issac against governer


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

05:02

ഭാര്യയുമായി പിണങ്ങി താമസിച്ച 65-കാരന്‍ മരിച്ചു; തെളിഞ്ഞത് ദാരുണമായ കൊലപാതകം

Sep 28, 2022


22:40

ഐഎഎഎസ്സിനായി 25-ാം വയസ്സിലാണ് ഞാൻ കൈയ്യക്ഷരം നന്നാക്കാൻ പോയത്: കളക്ടർ കൃഷ്ണ തേജ | Interview Part 1

Sep 28, 2022


12:13

സിജുവിന് ഇനി കുടവയറുള്ള വേഷം കിട്ടട്ടെ- അജു വർഗീസ് | Saturday Night Team Talkies

Sep 29, 2022

Most Commented