ക്രൈസ്തവ സഭകളെ അനുനയിപ്പിക്കാന്‍ കോണ്‍ഗ്രസ് ദേശീയ നേതൃത്വം; സഭാ മേലധ്യക്ഷന്‍മാരുമായി കൂടിക്കാഴ്ച


ജോസി ബാബു

വരുന്ന നിയമസഭാ തിരഞ്ഞെടുപ്പിൽ എല്ലാ വിഭാഗങ്ങളുടെയും പിന്തുണ പ്രതീക്ഷിക്കുന്നതായി താരിഖ് അൻവർ പറഞ്ഞു.

താരിഖ് അൻവർ മാധ്യമങ്ങളോട് പ്രതികരിക്കുന്നു | photo: mathrubhumi news|screen grab

തിരുവനന്തപുരം: ക്രൈസ്തവ സഭകളെ അനുനയിപ്പിക്കാൻ നീക്കവുമായി കോൺഗ്രസ് ദേശീയ നേതൃത്വം. വിവിധ ക്രൈസ്തവ സഭാ അധ്യക്ഷൻമാരുമായി എഐസിസി ജനറൽ സെക്രട്ടറി താരിഖ് അൻവർ കൂടിക്കാഴ്ച നടത്തി. വരുന്ന നിയമസഭാ തിരഞ്ഞെടുപ്പിൽ എല്ലാ വിഭാഗങ്ങളുടെയും പിന്തുണ പ്രതീക്ഷിക്കുന്നതായി താരിഖ് അൻവർ പറഞ്ഞു.

തദ്ദേശ തിരഞ്ഞെടുപ്പിൽ നഷ്ടമായ ക്രൈസ്തവ വോട്ടുകൾ തിരിച്ചെത്തിക്കാൻ ലക്ഷ്യമിട്ടാണ് ക്രൈസ്തവ സഭാ അധ്യക്ഷൻമാരുമായി എഐസിസി സംഘം കൂടിക്കാഴ്ച നടത്തിയത്. മലങ്കര കത്തോലിക്ക സഭാ അധ്യക്ഷൻ കർദിനാൾ മാർ ബസേലിയോസ് ക്ലീമിസ് കാത്തോലിക്ക ബാവയുമായുള്ള കൂടിക്കാഴ്ച ഒരുമണിക്കൂറോളം നീണ്ടു. മാർത്തോമ സഭാ ബിഷപ്പിനെയും കോൺഗ്രസ് നേതാക്കൾ സന്ദർശിച്ചു.



സൗഹൃദ സന്ദർശനം മാത്രമാണെന്ന് താരിഖ് അൻവർ വ്യക്തമാക്കിയെങ്കിലും പൊതുരാഷ്ട്രീയ വിഷയങ്ങളും കൂടിക്കാഴ്ചയിൽ ചർച്ചയായെന്നാണ് വിവരം. എഐസിസി സെക്രട്ടറി ഇവാന്‍ ഡിസൂസ, ആന്റോ ആന്റണി എംപി തുടങ്ങിയവരും താരിഖ് അൻവറിനൊപ്പമുണ്ടായിരുന്നു.

യൂത്ത് കോൺഗ്രസ്, കെ.എസ്.യു അടക്കമുള്ള പോഷക സഘടനാ പ്രതിനിധികളുമായുള്ള എഐസിസി ചർച്ചകളും സമാന്തരമായി പുരോഗമിക്കുകയാണ്. 50 ശതമാനത്തോളം പ്രാതിനിധ്യം നിയമസഭാ തിരഞ്ഞെടുപ്പിൽ വേണമെന്നും സ്ഥിരം മുഖങ്ങൾ മാറിനിൽക്കണമെന്നുമാണ് യൂത്ത് കോൺഗ്രസ് നിലപാട്. മുല്ലപ്പള്ളി, ചെന്നിത്തല, ഉമ്മൻ ചാണ്ടി അടക്കമുള്ള നേതാക്കൾ ഒന്നിച്ച് യോഗം വിളിക്കണമെന്ന ആവശ്യം കെ.എസ്.യു മുന്നോട്ടുവെച്ചു. സിപിഎമ്മും ബിജെപിയും നൽകുന്നതിന് സമാനമായി വനിതകൾക്ക് പ്രതിനിധ്യം കോൺഗ്രസും നൽകണമെന്ന് മഹിളാ കോൺഗ്രസും എഐസിസിക്ക് മുന്നിൽ ആവശ്യം ഉന്നയിച്ചു.

സംസ്ഥാനത്തെ സംഘടനാ പ്രശ്നങ്ങൾ സംബന്ധിച്ച് എഐസിസി സംഘം ഉടൻ തന്നെ ഹൈക്കമാൻഡിന് റിപ്പോർട്ട് നൽകും.

content highlights:Tariq Anwar visit cardinal baselios cleemis.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Marriage

ഇരട്ടകള്‍ക്ക് വരന്‍ ഒന്ന്; ബാല്യകാല സുഹൃത്തിനെ വിവാഹംകഴിച്ച് IT എന്‍ജിനിയര്‍മാരായ യുവതികള്‍

Dec 4, 2022


Arif Muhammed Khan

1 min

143 ദിവസം സംസ്ഥാനത്തിനു പുറത്ത്, ചെലവാക്കിയത് 1 കോടിയിലധികം; മാര്‍ഗനിര്‍ദേശങ്ങള്‍ പാലിക്കാതെ ഗവര്‍ണർ

Dec 5, 2022


സരിത രവീന്ദ്രനാഥ്

2 min

ലെഗ്ഗിൻസ് ധരിച്ചതിന് ഹെഡ്മിസ്ട്രസില്‍ നിന്ന് ശകാരം; പരാതി നല്‍കി അധ്യാപിക

Dec 1, 2022

Most Commented