കൈക്കൂലി വാങ്ങുന്നവര്‍ക്കെതിരേ കര്‍ശന നടപടി സ്വീകരിക്കും:  മന്ത്രി കെ രാജന്‍ 


മന്ത്രി കെ രാജൻ

കൊച്ചി: കൈക്കൂലി വാങ്ങുന്നവർക്കും അഴിമതിക്ക് കൂട്ടു നിൽക്കുന്നവർക്കുമെതിരേ മുഖം നോക്കാതെ കർശന നടപടി സ്വീകരിക്കുമെന്ന് റവന്യു വകുപ്പ് മന്ത്രി കെ.രാജൻ. വിഷൻ ആൻഡ് മിഷൻ പദ്ധതിയുടെ ഭാഗമായി എറണാകുളം ജില്ലയിലെ എംഎൽഎ മാരുമായുള്ള കൂടിക്കാഴ്ച്ചയിലാണ് മന്ത്രി ഇക്കാര്യം പറഞ്ഞത്.

റവന്യു ഓഫീസുകളിൽ ജനങ്ങൾ സമീപിക്കുമ്പോൾ അവരോട് സൗഹാർദപരമായ നിലപാടാണ് ഉദ്യോഗസ്ഥർ സ്വീകരിക്കേണ്ടത്. ഓരോ ഫയലിനും വിലയിട്ട് കൈക്കൂലി വാങ്ങുന്ന ഉദ്യോഗസ്ഥരുണ്ടെങ്കിൽ അവർക്കെതിരെ നടപടിയുണ്ടാകുമെന്നും മന്ത്രി പറഞ്ഞു. റവന്യു വകുപ്പിനെ ജനകീയവും കാര്യക്ഷമമാക്കുക എന്ന ലക്ഷ്യത്തോടെയാണ് വിഷൻ ആൻഡ് മിഷൻ പദ്ധതി തയ്യാറാക്കിയിട്ടുള്ളത്.

കഴിഞ്ഞ ദിവസം ഫോർട്ട് കൊച്ചി ആർഡിഒ ഓഫീസിലെ ജീവനക്കാരെ കൈക്കൂലി വാങ്ങുന്നുവെന്ന പരാതിയുടെ അടിസ്ഥാനത്തിൽ കൂട്ട സ്ഥലം മാറ്റം നടത്തിയിരുന്നു. ഈ നടപടിയിൽ മന്ത്രി പി.രാജീവും പ്രതിപക്ഷ നേതാവും റവന്യു മന്ത്രിയെ യോഗത്തിൽ അഭിനന്ദിച്ചു.

എംഎൽഎ മാർ അവതരിപ്പിച്ചതും സമർപ്പിച്ചതുമായ അഭിപ്രായങ്ങളും നിർദ്ദേശങ്ങളും ലാന്റ് റവന്യു കമ്മീഷണറേറ്റിൽ ഒരു പ്രത്യേക ഡാഷ് ബോർഡ് ഓപ്പൺ ചെയ്ത് അതിൽ രേഖപ്പെടുത്തും. 140 എംഎൽഎ മാർക്കും ഡാഷ് ബോർഡിൽ പ്രവേശിക്കാനാകും. എംഎൽഎ മാർ ഉന്നയിച്ച കാര്യങ്ങളിൽ സ്വീകരിച്ചിട്ടുള്ള നടപടികളും ഡാഷ് ബോർഡിൽ കാണാൻ സാധിക്കുമെന്നും റവന്യു വകുപ്പ് മന്ത്രി യോഗത്തിൽ അറിയിച്ചു.

റവന്യു മന്ത്രി കെ.രാജനു പുറമേ, വ്യവസായ നിയമ വകുപ്പ് മന്ത്രി പി.രാജീവ്, പ്രതിപക്ഷ നേതാവ് വി.ഡി.സതീശൻ, എംഎൽഎ മാരായ പി.ടി.തോമസ്, കെ.ബാബു, റോജി എം ജോൺ, എൽദോസ് കുന്നപ്പള്ളിൽ, പി.വി.ശ്രീനിജൻ, കെ.എൻ.ഉണ്ണികൃഷ്ണൻ, കെ.ജെ.മാക്സി, ആന്റണി ജോൺ, ടി.ജെ.വിനോദ്, മാത്യു കുഴൽനാടൻ, അഡീഷണൽ ചീഫ് സെക്രട്ടറി ഡോ.എ.ജയതിലക്, ജില്ലാ കളക്ടർ, സബ്ബ് കളക്ടർ, ലാന്റ് റവന്യു ഡെപ്യൂട്ടി കമ്മീഷണർ, സർവ്വേ, ഹൗസിംഗ്, സംസ്ഥാന നിർമ്മിതി കേന്ദ്ര, ഐഎൽഡിഎം ഡയറക്ടർമാരും യോഗത്തിൽ പങ്കെടുത്തു.

Content Highlights:Strict action will be taken against those who take bribes says Minister K Rajan


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
kt jaleel, madani

3 min

മഅദനിയെക്കണ്ടു, കണ്ണുനിറഞ്ഞു; ഈ കൊല്ലാക്കൊല കൊടിയ അനീതിയെന്ന് കെ.ടി. ജലീല്‍ 

Jan 28, 2023


chintha jerome

2 min

വാഴക്കുലയില്‍ കുടുങ്ങിയ ചിന്ത; നന്ദി പിണറായിക്ക്, ഡോക്ടറേറ്റ് റദ്ദാക്കാന്‍ വകുപ്പുണ്ട്

Jan 30, 2023


chintha jerome

1 min

തെറ്റ് ചൂണ്ടിക്കാട്ടിയതിന് നന്ദി, കോപ്പിയടിച്ചതല്ല ആശയം ഉള്‍ക്കൊണ്ടു; വിശദീകരണവുമായി ചിന്ത ജെറോം

Jan 31, 2023

Most Commented