തൃക്കാക്കരയിൽ തെരുവുനായ്ക്കളെ കഴുത്തിൽ കുരുക്കിട്ട് കൊന്നു; വിഷം കുത്തിവച്ചു


കെ.എൽ 40 രജിസ്‌ട്രേഷൻ വാനിലെത്തിയ മൂന്നംഗ സംഘം കമ്പികൊണ്ട് കുരുക്കുണ്ടാക്കി നായ്ക്കളെ പിടിച്ച് വിഷം കുത്തിവച്ച് കൊലപ്പെടുത്തി

പതീകാത്മക ചിത്രം

കൊച്ചി: കാക്കനാട്ട് തെരുവുനായ്ക്കളെ കമ്പിയില്‍ കുരുക്കി കൊല്ലുന്നതിന്റെ ഞെട്ടിക്കുന്ന ദൃശ്യങ്ങൾ പുറത്ത്. നായ്ക്കൾക്ക് വിഷം കുത്തിവച്ചതായും പരാതിയുണ്ട്. വ്യാഴാഴ്ച രാവിലെ തൃക്കാക്കര, കാക്കനാട് ഗ്രീൻഗാർഡൻ റോഡിലാണ് സംഭവം.

കെ.എൽ 40 രജിസ്‌ട്രേഷൻ വാനിലെത്തിയ മൂന്നംഗ സംഘം കമ്പികൊണ്ട് നായ്ക്കളെ കഴുത്തിൽ കുരുക്കി വിഷം കുത്തിവച്ച് കൊലപ്പെടുത്തി വാനിലേക്ക് വലിച്ചെറിയുന്നതിന്റെ ഞെട്ടിക്കുന്ന ദൃശ്യങ്ങളാണ് തൊട്ടടുത്ത വീട്ടിനു മുന്നിൽ സ്ഥാപിച്ച സി.സി.ടി.വി ക്യാമറയിൽ പതിഞ്ഞത്.

നാട്ടുകാർ ചോദ്യം ചെയ്തപ്പോൾ നഗരസഭയുടെ നിർദ്ദേശപ്രകാരമാണ് നടപടി എന്നാണ് നായ്പിടിത്തക്കാർ നൽകിയ വിശദീകരണം. എന്നാൽ നായപിടിത്തത്തിന് ആരെയും നിയോഗിച്ചിട്ടില്ലെന്നാണ് നഗരസഭയുടെ പ്രതികരണം.

സംഭവത്തിൽ മൃഗസ്‌നേഹികളുടെ സംഘടനയായ എസ്.പി.സി.എ നൽകിയ പരാതിയിൽ ഇൻഫോപാർക്ക് പോലീസ് കേസെടുത്തു. നായപിടിത്തക്കാരിൽ നിന്ന് സിറിഞ്ചുകളും വിഷപദാർഥങ്ങളും പിടികൂടി. പോലീസ് ഇവരെ കസ്റ്റഡിയിലെടുത്ത് ചോദ്യം ചെയ്തു വരികയാണ്.

കൊലപ്പെടുത്തിയ നായ്ക്കളെ തൃക്കാക്കര നഗരസഭയോട് ചേർന്നുള്ള പുരയിടത്തിൽ കുഴിച്ചിട്ടതായി ഇവർ സമ്മതിച്ചു. ഇവയെ പുറത്തെടുത്ത് പോസ്റ്റുമോർട്ടം നടത്തണമെന്ന് മൃഗസ്‌നേഹികൾ ആവശ്യപ്പെട്ടു.

സംഭവം നഗരസഭയുടെ അറിവോടെ അല്ലെന്നും നായപിടിത്തക്കാർക്കെതിരെ നഗരസഭ പരാതി നൽകുമെന്നും തൃക്കാക്കര സഗരസഭ ചെയർ പേഴ്‌സൺ അജിത തങ്കപ്പൻ മാതൃഭൂമിയോട് പറഞ്ഞു.

നായ്ക്കളോടുളള ക്രൂരതയ്‌ക്കെതിരെ ദിവസങ്ങൾക്കുമുമ്പ് ഹൈക്കോടതി രൂക്ഷ വിമർശനം ഉന്നയിച്ചിരുന്നു. നായ്ക്കളുടെ വന്ധ്യംകരണം പോലും ശാസ്ത്രീയമായി വേണമെന്ന് ഹൈക്കോടതി അഭിപ്രായപ്പെട്ടിരുന്നു.

Content Highlights: Cruelty towards Street dogs

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)

Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
K Surendran

2 min

'ദിലീപിന് സിനിമയിലഭിനയിക്കാം; ശ്രീറാമിന് കളക്ടറാകാന്‍ പാടില്ലേ?'; അതെന്ത് ന്യായമെന്ന് സുരേന്ദ്രന്‍

Aug 7, 2022


manoram

3 min

ഭാര്യയുടെ മൃതദേഹം ചുടുകട്ടകെട്ടി കിണറ്റില്‍; ഹൃദയംപൊട്ടി ദിനരാജ്, അന്യസംസ്ഥാന തൊഴിലാളിയെ കാണാനില്ല

Aug 8, 2022


10:51

പട്ടാളമില്ലെങ്കിലും സേഫായ രാജ്യം, ഉയര്‍ന്ന ശമ്പളം, വിശേഷദിനം ഓഗസ്റ്റ് 15 | Liechtenstein

Jul 25, 2022

Most Commented