മാര്‍ക്കിടല്ലേ, അഞ്ചിതമാണ് അഞ്ജിതമല്ല, SSLC paper valuation answer key

ജി. രാജേഷ്‌കുമാര്‍

18 July 2022, 06:59 AM IST

എല്‍.എസ്.എസ്. പരീക്ഷയുടെ മൂല്യനിര്‍ണയത്തിലാണ് സംഭവം. ശനിയാഴ്ചയാണ് മൂല്യനിര്‍ണയം നടന്നത്. നാലാം ക്ലാസിലെ കുട്ടികള്‍ക്ക് പഠിക്കാനുള്ള കൃഷ്ണഗാഥയില്‍നിന്നുള്ള വെണ്ണക്കണ്ണന്‍ എന്ന കവിതാഭാഗത്തിലാണ് അഞ്ചിതമെന്ന വാക്കുള്ളത്.

പ്രതീകാത്മക ചിത്രം | Mathrubhumi archives

തൃശ്ശൂര്‍: മനോഹരം എന്ന വാക്കിന്റെ പര്യായം അഞ്ചിതമോ അഞ്ജിതമോ? പരീക്ഷ നടത്തിയ വിദ്യാഭ്യാസ വകുപ്പിന് തന്നെ ശങ്ക. ഉത്തരസൂചികയില്‍ അഞ്ജിതം എന്ന് കാച്ചിവിട്ടു. ഉച്ചയായപ്പോള്‍ തിരുത്തെത്തി- അഞ്ജിതത്തിന് മാര്‍ക്കിടരുത്. അഞ്ചിതം എന്നെഴുതിയവര്‍ക്ക് കൊടുക്കാം. എല്‍.എസ്.എസ്. പരീക്ഷയുടെ മൂല്യനിര്‍ണയത്തിലാണ് സംഭവം. ശനിയാഴ്ചയാണ് മൂല്യനിര്‍ണയം നടന്നത്. നാലാം ക്ലാസിലെ കുട്ടികള്‍ക്ക് പഠിക്കാനുള്ള കൃഷ്ണഗാഥയില്‍നിന്നുള്ള വെണ്ണക്കണ്ണന്‍ എന്ന കവിതാഭാഗത്തിലാണ് അഞ്ചിതമെന്ന വാക്കുള്ളത്.

'പുഞ്ചിരിത്തൂമകൊണ്ടഞ്ചിതമാകയാല്‍

ചെഞ്ചെമ്മേ നിന്നു വിളങ്ങീതപ്പോള്‍'

എന്ന വരികള്‍ പഠിച്ച കുട്ടികള്‍ മനോഹരത്തിന്റെ തുല്യപദം അഞ്ചിതമെന്നേ എഴുതേണ്ടൂ.

ഉത്തരസൂചിക തയ്യാറാക്കിയത് ഡയറ്റിലെ ഒരു മലയാളം അധ്യാപകനാണ്. കൈകൊണ്ട് ഭംഗിയില്ലാത്ത അക്ഷരത്തിലെഴുതിയാണ് ഉത്തരസൂചിക പരീക്ഷാകേന്ദ്രങ്ങളിലേക്ക് ഇ-മെയില്‍ ചെയ്തുകൊടുത്തത്.

എല്ലാ എ.ഇ.ഒ.മാര്‍ക്കും ഉച്ചയോടെ അഞ്ചിതമാണ് ശരിയെന്ന് പറഞ്ഞുള്ള തിരുത്തും കിട്ടി. ചില ക്യാമ്പുകളില്‍ രണ്ടു വാക്കുകള്‍ക്കും ശരിയിട്ടു കൊടുത്തിട്ടുണ്ട്. ചിലയിടത്ത് ഉച്ചവരെ അഞ്ജിതവും ഉച്ചയ്ക്കുശേഷം അഞ്ചിതവുമായി.

ഉത്തരസൂചികയില്‍ ഒ.എന്‍.വി. കുറുപ്പിന്റെ അച്ഛന്റെ പേര് 'ഒ.എന്‍. കൃഷ്ണക്കുറിപ്പ്' എന്നും അമ്മയുടെ പേര് 'കെ. ലക്ഷമിക്കുട്ടിയമ്മ' എന്നുമാണ് എഴുതിയയച്ചിരിക്കുന്നത്.

Content Highlights: SSLC paper valuation answer key

ഇത് പരസ്യ ഫീച്ചറാണ്. മാതൃഭൂമി.കോം ഈ പരസ്യത്തിലെ അവകാശവാദങ്ങളെ ഏറ്റെടുക്കുന്നില്ല. പരസ്യത്തിൽ ഉന്നയിക്കുന്ന അവകാശവാദങ്ങൾക്ക് ഉപോദ്ബലകമായ വസ്തുതകൾ പരസ്യദാതാക്കളുമായി ബന്ധപ്പെട്ട് പരിശോധിച്ചു ബോധ്യപ്പെട്ട ശേഷം മാത്രം ഇടപാടുകൾ നടത്തുക. പരാതികൾ ഉണ്ടെങ്കിൽ ഇവിടെ രേഖപ്പെടുത്താവുന്നതാണ്. (feedback@mpp.co.in)