പൗരത്വ നിയമ ഭേദഗതി; ആശങ്ക അകറ്റണമെന്ന് കേന്ദ്രമന്ത്രിയോട് ആര്‍ച്ച് ബിഷപ്പ് സൂസപാക്യം


മുസ്ലീം അസോസിയേഷനുകളും കേന്ദ്ര സഹമന്ത്രിയോട് എതിര്‍പ്പ് അറിയിച്ചിട്ടുണ്ട്.

-

തിരുവനന്തപുരം: പൗരത്വ നിയമ ഭേദഗതിയില്‍ കേന്ദ്ര സഹമന്ത്രിയെ ആശങ്കയറിയിച്ച് ആര്‍ച്ച് ബിഷപ്പ് ഡോ. സൂസപാക്യം. നിയമ ഭേദഗതി സംബന്ധിച്ച പ്രചാരണത്തിന്റെ ഭാഗമായി ബിഷപ്‌സ് ഹൗസിലെത്തിയ കേന്ദ്ര സഹമന്ത്രി കിരണ്‍ റിജ്ജുവിനോടാണ് സൂസപാക്യം എതിര്‍പ്പ് അറിയിച്ചത്.

കേന്ദ്ര സര്‍ക്കാര്‍ മുസ്ലീം സമുദായത്തെ വിശ്വാസത്തിലെടുക്കണമെന്ന് ആര്‍ച്ച് ബിഷപ്പ് കേന്ദ്ര സഹമന്ത്രിയോട് ആവശ്യപ്പെട്ടു. മുസ്ലീം സമുദായത്തിന്റെ ആശങ്കകള്‍ ചര്‍ച്ച ചെയ്ത് പരിഹരിക്കണമെന്നും അദ്ദേഹം മന്ത്രിയെ അറിയിച്ചു. അതേസമയം മുസ്ലീം സമുദായത്തെ ലക്ഷ്യമിടുന്നതായുള്ള പ്രചാരണം തെറ്റാണെന്നും അയല്‍ രാജ്യങ്ങളില്‍ മതത്തിന്റ പേരില്‍ പീഡിപ്പിക്കപ്പെട്ടവര്‍ക്ക് വേണ്ടിയാണ് നിയമമെന്നും കിരണ്‍ റിജ്ജു മറുപടി നല്‍കി.

പൗരത്വ നിയമ ഭേദഗതിയില്‍ മുസ്ലീം അസോസിയേഷനുകളും കേന്ദ്ര സഹമന്ത്രിയോട് എതിര്‍പ്പ് അറിയിച്ചിട്ടുണ്ട്.

പൗരത്വ നിയമ ഭേദഗതിക്കെതിരേ പ്രതിഷേധങ്ങള്‍ തണുപ്പിക്കാന്‍ രാജ്യവ്യാപകമായി ബിജെപി പ്രചാരണ പരിപാടികള്‍ നടത്തുന്നതിന്റെ ഭാഗമായാണ് കേന്ദ്ര സഹമന്ത്രി കിരണ്‍ റിജ്ജു സംസ്ഥാനത്തെത്തിയത്. തലസ്ഥാനത്ത് സാഹിത്യകാരന്‍ ജോര്‍ജ്ജ് ഓണക്കൂറിന്റെ ഭവന സന്ദര്‍ശനത്തോടെയാണ് കിരണ്‍ റിജ്ജു ച്രചാരണ പരിപാടികള്‍ക്ക്‌ തുടക്കമിട്ടത്. അതേസമയം മുസ്ലീങ്ങളെ മാത്രം ഒഴിവാക്കിയത് രാജ്യത്തിന്റെ ജനാധിപത്യ സ്വഭാവത്തിന് എതിരാണെന്ന് മന്ത്രിയെ അറിയിച്ച ഓണക്കൂര്‍ നിയമത്തോട് ശക്തമായ വിയോജിപ്പ് രേഖപ്പെടുത്തുകയും ചെയ്തിരുന്നു.

Content Highlights; soosa pakiam expressed opinion in citizenship amendment act to kiren rijiju

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Dharmajan Bolgatty

1 min

ധര്‍മജന്റെ ഉടമസ്ഥതയിലുള്ള സ്ഥാപനത്തില്‍നിന്ന് 200 കിലോ പഴകിയ മത്സ്യം പിടിച്ചെടുത്തു 

May 27, 2022


PC George

5 min

ഉയരേണ്ടത് ഇതാണ്: ഞങ്ങളിലില്ല മതരക്തം, ഞങ്ങളിലുള്ളത് മാനവരക്തം | പ്രതിഭാഷണം

May 27, 2022


tp ramees

1 min

അബുദാബിയിലുണ്ടായ വാഹനാപകടത്തിൽ മലയാളിയുവാവ് മരിച്ചു

May 27, 2022

Most Commented