സില്‍വര്‍ലൈന്‍ കേസ്: പിന്‍വലിച്ചാല്‍ ജനം ആശ്വസിച്ചേനെ, അങ്ങനെ ഉത്തരവിട്ടാല്‍ അപ്പീല്‍പോകും- കോടതി


കെ റെയിൽ സർവേക്കല്ലുമായി പോലീസുകാർ (ഫയൽ ചിത്രം)

കൊച്ചി: സില്‍വര്‍ലൈന്‍ പദ്ധതിക്കായുള്ള സര്‍വേ തടസ്സപ്പെടുത്തിയവര്‍ക്കെതിരേ എടുത്ത കേസുകള്‍ പിന്‍വലിക്കാനാകില്ലെന്ന് സര്‍ക്കാര്‍ ഹൈക്കോടതിയില്‍ അറിയിച്ചു. ജനങ്ങളെ ഭയപ്പെടുത്തി എങ്ങനെ മുന്നോട്ടുപോകാനാകുമെന്നായിരുന്നു ഹൈക്കോടതിയുടെ പ്രതികരണം. പ്രതിഷേധിച്ചവരുടെ പേരിലുള്ള കേസ് പിന്‍വലിക്കാനാകുമോ എന്ന് അറിയിക്കാന്‍ കോടതി നേരത്തേ നിര്‍ദേശിച്ചിരുന്നു. സര്‍വേനടപടി ചോദ്യംചെയ്ത് കോട്ടയം സ്വദേശി മുരളീകൃഷ്ണനും മറ്റും നല്‍കിയ ഹര്‍ജിയിലാണ് ഇത്.

കേസ് പിന്‍വലിച്ചാല്‍ ജനങ്ങള്‍ക്ക് അല്‍പം സമാധാനമാകുമായിരുന്നെന്ന് ജസ്റ്റിസ് ദേവന്‍ രാമചന്ദ്രന്‍ അഭിപ്രായപ്പെട്ടു. പക്ഷേ, അത് ചെയ്യില്ല. പിന്‍വലിക്കാന്‍ ഉത്തരവിട്ടാല്‍ അപ്പീല്‍പോകും. ചില കേസുകള്‍ പിന്‍വലിക്കാന്‍ സുപ്രീംകോടതിയില്‍വരെ പോയിട്ടുള്ളപ്പോഴാണ് ഇതുവരെ അംഗീകാരംകിട്ടാത്ത പദ്ധതിക്കെതിരേ പ്രതിഷേധിച്ചവരുടെ പേരിലുള്ള കേസ് പിന്‍വലിക്കില്ലെന്ന നിലപാട് സ്വീകരിക്കുന്നതെന്നും വാക്കാല്‍ അഭിപ്രായപ്പെട്ടു.



പദ്ധതിയുടെ വിശദപദ്ധതിരേഖയ്ക്ക് അനുമതി നല്‍കിയിട്ടില്ലെന്ന് കേന്ദ്രസര്‍ക്കാര്‍ അറിയിച്ച സാഹചര്യത്തില്‍ സര്‍വേയോ മറ്റ് നടപടികളോ സാധ്യമല്ലെന്ന് കോടതി വിലയിരുത്തി. ശരാശരിബുദ്ധിയുള്ള ആരും ഹൈസ്പീഡ് റെയില്‍ പദ്ധതിയെ എതിര്‍ക്കില്ല. പക്ഷേ, അതിനൊക്കെയുള്ള നടപടിക്രമങ്ങള്‍ പാലിക്കണം. സര്‍വേ നടപടികള്‍ തുടങ്ങിയാല്‍ വീണ്ടും കോടതിയെ സമീപിക്കാമെന്നും ഹര്‍ജി തീര്‍പ്പാക്കിയുള്ള ഉത്തരവ് വ്യക്തമാക്കുന്നു.

Content Highlights: Silverline protests cases Kerala High Court


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
death

1 min

രാത്രി കാമുകിയെ കാണാന്‍ എത്തിയതിന് നാട്ടുകാര്‍ മര്‍ദിച്ചു; കോളേജ് വിദ്യാര്‍ഥി ജീവനൊടുക്കി

Nov 29, 2022


03:49

ശ്രീഹള്ളി പോകുന്ന വഴിയിലെ ചായക്കടയും ഹിറ്റായ ​ചായക്കടക്കാരനും; വീണ്ടുമെത്തുന്നു പൊള്ളാച്ചി രാജ

Nov 27, 2022


photo: twitter/Wandering Van

1 min

'ഇത് ശരിക്കും റൊണാള്‍ഡോ, മറ്റേത് ആരാധകന്‍'; വൈറലായി വീഡിയോ

Nov 28, 2022

Most Commented