ദുര്‍മന്ത്രവാദം തടയാന്‍ നിയമം കൊണ്ടുവരുമെന്ന് സര്‍ക്കാര്‍ ഹൈക്കോടതിയില്‍


സ്വന്തം ലേഖിക

പ്രതീകാത്മക ചിത്രം | Photo-PTI

കൊച്ചി: ദുര്‍മന്ത്രവാദം തടയാന്‍ നിയമം കൊണ്ടുവരുമെന്ന് സംസ്ഥാന സര്‍ക്കാര്‍ ഹൈക്കോടതിയില്‍. നിയമനിര്‍മാണം നടത്തുന്നതിനുള്ള പ്രാരംഭ നടപടിയിലാണ് സര്‍ക്കാര്‍. ഇതിനായുള്ള ഉചിതമായ നടപടി സ്വീകരിച്ചിട്ടുണ്ടെന്നും സര്‍ക്കാര്‍ ഹൈക്കോടതിയില്‍ വ്യക്തമാക്കി.

ഇലന്തൂര്‍ നരബലിയുടെ പശ്ചാത്തലത്തില്‍ ദുര്‍മന്ത്രവാദം തടയാന്‍ നിയമം കൊണ്ടുവരണമെന്ന ആവശ്യവുമായി യുക്തിവാദി സംഘം പൊതുതാത്പര്യ ഹര്‍ജിയുമായി ഹൈക്കോടതിയെ സമീപിക്കുകയായിരുന്നു. ഈ ഹര്‍ജി പരിഗണിക്കുന്നതിനിടെയാണ് ദുരാചാരങ്ങള്‍ക്കെതിരേ നിയമനിര്‍മാണം നടത്താനുള്ള തയാറെടുപ്പിലാണ് സര്‍ക്കാരെന്ന് കോടതിയെ അറിയിച്ചത്.

നിയമനിര്‍മാണം നടത്തുന്നതിനുള്ള പ്രാരംഭ നടപടിയിലാണ് സര്‍ക്കാര്‍. സര്‍ക്കാര്‍ ഇതിനായുള്ള ഉചിതമായ നടപടി സ്വീകരിച്ചിട്ടുണ്ട്. രണ്ടാഴ്ചക്കുള്ളില്‍ പുതിയ നിയമ നിര്‍മാണം സംബന്ധിച്ച കൂടുതല്‍ വിവരങ്ങള്‍ കോടതിയെ അറിയിക്കുന്നതിനായി സാവകാശം നല്‍കിയിട്ടുണ്ട്. ഹൈക്കോടതി ഡിവിഷന്‍ ബെഞ്ചാണ് പൊതുതാത്പര്യ ഹര്‍ജി പരിഗണിച്ചത്.

മന്ത്രവാദമടക്കമുള്ളവ തടയണമെന്നാണ് യുക്തിവാദി സംഘത്തിന്റെ പ്രധാന ആവശ്യം. സംസ്ഥാന സര്‍ക്കാരും കേന്ദ്രസര്‍ക്കാരും ദുരാചാരങ്ങള്‍ക്കെതിരേ നിയമനിര്‍മാണം നടത്തുന്നില്ല. അതിനാല്‍ ഇക്കാര്യത്തില്‍ കോടതിയുടെ ഇടപെടല്‍ ഉണ്ടാകണമെന്ന് വ്യക്തമാക്കിയാണ് യുക്തിവാദി സംഘം ഹൈക്കോടതിയെ സമീപിച്ചത്.കേരളത്തിനകത്തും പുറത്തും നടന്നിട്ടുള്ള നരബലികളുടെ കണക്കുകള്‍ സഹിതമാണ് ഹര്‍ജി സമര്‍പ്പിച്ചിരിക്കുന്നത്. ഈ ഹര്‍ജി പരിഗണിക്കുമ്പോഴാണ് ദുര്‍മന്ത്രവാദം തടയാന്‍ നിയമം കൊണ്ടുവരുമെന്ന് സംസ്ഥാന സര്‍ക്കാര്‍ ഹൈക്കോടതിയെ അറിയിച്ചത്.

Content Highlights: rules to prevent black magic is under consideration, explains kerala government in high court


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Gujarat

1 min

ഏഴാം തവണയും ഗുജറാത്ത്‌ പിടിച്ച് ബിജെപി: 152 സീറ്റില്‍ വ്യക്തമായ ലീഡ്‌

Dec 8, 2022


ജിനേഷ്‌

2 min

പീഡനക്കേസില്‍ പിടിയിലായ DYFI നേതാവിന്റെ ഫോണില്‍ 30 ഓളം സ്ത്രീകളുമായുള്ള വീഡിയോകള്‍,ലഹരിക്കൈമാറ്റം

Dec 7, 2022


10:28

EXPLAINED | വിഴിഞ്ഞം സമരം ഒത്തുതീർപ്പിനു പിന്നിലെന്ത്? വാഗ്ദാനങ്ങൾ എന്തൊക്കെ?

Dec 7, 2022

Most Commented