ബുധനാഴ്ചമുതല്‍ മഴ വീണ്ടും കനക്കും; ശബരിമലയില്‍ ഭക്തര്‍ക്ക് പ്രവേശനം നല്‍കാനാവില്ല- മന്ത്രി കെ രാജന്‍


സമൂഹ മാധ്യമങ്ങളിൽ വരുന്ന തെറ്റിദ്ധാരണാജനകമായ പ്രസ്താവനകൾ അപകടകരമായ നിലയിലേക്ക് പോകുന്നുവെന്നും ഇത്തരത്തിലുള്ള പ്രചാരണങ്ങൾ ഒഴിവാക്കണമെന്നും മന്ത്രി ആവശ്യപ്പെട്ടു.

റവന്യൂമന്ത്രി കെ രാജൻ | Screengrab

പത്തനംതിട്ട: സംസ്ഥാനത്ത് മഴ വീണ്ടും കനക്കുമെന്ന് റവന്യു മന്ത്രി കെ. രാജൻ. 20 മുതൽ 24 വരെ മഴ വീണ്ടും കനക്കുമെന്നാണ് കാലാവസ്ഥാ വകുപ്പിന്റെ മുന്നറിയിപ്പ്. കക്കി ഡാം തുറന്നതുകൊണ്ട് ഭയപ്പെടേണ്ട സാഹചര്യമില്ലെന്നും ആളുകളെ മാറ്റിപാർപ്പിക്കാനുള്ള ക്രമീകരണങ്ങൾ നടത്തിവരികയാണെന്നും അദ്ദേഹം കൂട്ടിച്ചേർത്തു.

കക്കി ഡാം തുറന്ന സാഹചര്യത്തിൽ ശബരിമലയിൽ തുലാമാസ പൂജകൾക്ക് ഭക്തരെ പ്രവേശിപ്പിക്കാന്‍ സാധിക്കില്ലെന്നും മന്ത്രി പറഞ്ഞു. നിലയ്ക്കലിൽ തമ്പടിച്ചിരിക്കുന്ന അയ്യപ്പന്മാർ മടങ്ങണമെന്നും അദ്ദേഹം നിർദ്ദേശിച്ചു.

കഴിഞ്ഞ തവണ പുറത്തുവിട്ടതിന്റെ 10 ശതമാനം മാത്രമാണ് ഇപ്പോൾ ഡാമിൽ നിന്ന് ജലം പുറത്തേക്ക് വിട്ടു കൊണ്ടിരിക്കുന്നത്. അതേസമയം, സമൂഹ മാധ്യമങ്ങളിൽ വരുന്ന തെറ്റിദ്ധാരണാജനകമായ പ്രസ്താവനകൾ അപകടകരമായ നിലയിലേക്ക് പോകുന്നുവെന്നും ഇത്തരത്തിലുള്ള പ്രചാരണങ്ങൾ ഒഴിവാക്കണമെന്നും മന്ത്രി ആവശ്യപ്പെട്ടു.

രക്ഷാപ്രവർത്തനങ്ങൾക്കായി പത്തനംതിട്ടയിൽ ഒരു എൻഡിആർഎഫ് ടീമിനെ വിന്യസിപ്പിച്ചിട്ടുണ്ട്. മൂന്ന് തോണികളും എയർലിഫ്റ്റും രക്ഷാപ്രവർത്തനത്തിനായി സജ്ജമായിട്ടുണ്ടെന്നും ആശങ്കപ്പെടാനുള്ള സാഹചര്യം ഇല്ലെന്നും മന്ത്രി പറഞ്ഞു.

ജില്ലയിൽ 83 ദുരിതാശ്വാസ ക്യാമ്പുകളിലായി രണ്ടായിരത്തിലേറെ പേരെയാണ് മാറ്റി പാർപ്പിച്ചിരിക്കുന്നത്. ജില്ലയിൽ ചുമതലയുള്ള, ജില്ലയ്ക്ക് പുറത്ത് താമസിക്കുന്ന മുഴുവനാളുകളും അടിയന്തരമായി നാളെത്തന്നെ ജില്ലയിലെത്തി റിപ്പോർട്ട് ചെയ്യണമെന്ന് അറിയിച്ചിട്ടുണ്ട്. ഓരോ താലൂക്ക് കേന്ദ്രങ്ങളിലും ഓരോ ഡെപ്യൂട്ടി കളക്ടർമാർക്ക് പ്രത്യേകമായി ചുമതല നൽകിയിട്ടുണ്ട്. ഇവരുടെ നേതൃത്വത്തിൽ ഇതുമായി ബന്ധപ്പെട്ട് വരുന്ന ഉദ്യോഗസ്ഥരെ നിയന്ത്രിക്കാനും പ്രവർത്തനങ്ങളെ ഏകോപിപ്പിക്കാനും ആലോചിച്ചതായി മന്ത്രി അറിയിച്ചു.

Content highlights: Rain continues till 24 - kakki dam opened


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


v muraleedharan

1 min

കേരളം കത്തുമ്പോള്‍ പിണറായി ചെണ്ടകൊട്ടി രസിച്ചു, ഒരുമഹാന്‍ കണ്ടെയ്‌നറില്‍ കിടന്നുറങ്ങി- വി മുരളീധരന്‍

Sep 24, 2022

Most Commented