29 September 2021, 07:55 PM IST

1 min read

Read later

ക്രൈം ബ്രാഞ്ച് ഡി.വൈ.എസ്‌.പി. റെക്സ് ബോബി അർവിന്റെ നേതൃത്വത്തിലുള്ള സംഘം മോൺസൻ്റെ ചേർത്തല വല്ലയിൽ മാവുങ്കലുള്ള വീട്ടിൽ പരിശോധനയ്ക്ക് ശേഷം പുറത്തിറങ്ങുന്നു | ഫോട്ടോ: വി.പി. ഉല്ലാസ്‌ മാതൃഭൂമി

കൊച്ചി/ചേര്‍ത്തല: മോണ്‍സന്‍ മാവുങ്കലിന്റെ ചേര്‍ത്തലയിലെ വീട്ടില്‍ ക്രൈംബ്രാഞ്ച് സംഘം റെയ്ഡ് നടത്തി. കൊച്ചിയില്‍ നിന്നെത്തിയ സംഘമാണ് റെയ്ഡ് നടത്തിയത്. ഇതിനിടെ മോണ്‍സന്‍ മാവുങ്കിലിന്റെ കൊച്ചിയിലെ വീട്ടില്‍ നിന്ന് കണ്ടെടുത്ത രണ്ട് ആന കൊമ്പുകളും വ്യജമാണെന്ന സംശയം ബലപ്പെട്ടു. ഇത് പരിശോധനക്കയച്ചിരിക്കുകയാണ്.

ഒട്ടകത്തിന്റെ എല്ല് പോളിഷ് ചെയ്താണ് ആനക്കൊമ്പിന്റെ രൂപമുണ്ടാക്കിയതെന്നാണ് മോണ്‍സണിന്റെ മൊഴി. വനംവകുപ്പാണ് ആനക്കൊമ്പ് പിടിച്ചെടുത്തത്. വീടിനുള്ളില്‍ ശംഖുകളും പിടിച്ചെടുത്തിട്ടുണ്ട്. കോടനാട് നിന്നെത്തിയ വനംവകുപ്പ് സംഘമാണ് ഇത് പിടിച്ചെടുത്തത്. രാജീവ് ഗാന്ധി ഇന്‍സ്റ്റിറ്റ്യൂട്ടിലേക്കയച്ച് ഇവയുടെ പരിശോധന നടത്തും.

മോട്ടോര്‍ വെഹിക്കിള്‍ ഡിപ്പാർട്ട്മെന്‍റും ഇന്ന് മോണ്‍സന്റെ വീട്ടില്‍ റെയ്ഡ് നടത്തി. വീട്ടിലുള്ള ആഡംബര കാറുകളെല്ലാം അന്യസംസ്ഥാനങ്ങളില്‍ രജിസ്റ്റര്‍ ചെയ്തിട്ടുള്ളവയാണ്. ഇവയെല്ലാം ഇങ്ങോട്ട് കൊണ്ടുവന്നതടക്കം മോട്ടോര്‍ വെഹിക്കിള്‍ ഡിപ്പാര്‍ട്ട്‌മെന്റ് അന്വേഷിക്കുന്നുണ്ട്.