സ്വകാര്യ ലാബുകളില്‍ 'ആന്റിജന്‍ കൊള്ള', 800 രൂപ മുതല്‍ 950 രൂപ വരെ; പലയിടത്തും തോന്നിയ നിരക്ക്


അഫീഫ് മുസ്തഫ

മലപ്പുറം ജില്ലയിലെ ഒരു സ്വകാര്യ ലാബിൽനിന്ന് ലഭിച്ച ബിൽ.

മലപ്പുറം: കോവിഡ് പരിശോധനയുടെ പേരിൽ സ്വകാര്യ ലാബുകാരുടെ കൊള്ള. കോവിഡ് ആന്റിജൻ പരിശോധനയ്ക്ക് സർക്കാർ നിശ്ചയിച്ച നിരക്കിനെക്കാൾ കൂടുതൽ ഈടാക്കിയാണ് സ്വകാര്യ ലാബുകൾ ജനങ്ങളെ പിഴിയുന്നത്. സർക്കാർ ഉത്തരവ് പ്രകാരം കോവിഡ് ആന്റിജൻ പരിശോധനയ്ക്ക് 625 രൂപയാണ് നിരക്ക്. എന്നാൽ പല സ്വകാര്യ ലാബുകളിലും 800 മുതൽ 950 രൂപ വരെ ഈടാക്കുന്നതായാണ് പരാതി.

മലപ്പുറം ജില്ലയിലെ ഒരു സ്വകാര്യ ലാബിൽ 800 രൂപയാണ് കോവിഡ് ആന്റിജൻ പരിശോധനയുടെ നിരക്ക്. 625 രൂപ ആന്റിജൻ പരിശോധനയ്ക്കും 175 രൂപ ആന്റിജൻ കൺസ്യൂമബിൾസ് എന്ന പേരിലുമാണ് ഈടാക്കുന്നത്. ഇതേ ലാബിന് മീറ്ററുകൾക്കപ്പുറത്തെ സ്വകാര്യ ലാബിൽ 950 രൂപയാണ് ആന്റിജൻ പരിശോധനയുടെ നിരക്ക്.

ആന്റിജൻ പരിശോധനയ്ക്ക് 625 രൂപയാണ് സർക്കാർ നിശ്ചയിച്ച നിരക്കെന്നും ഇതിൽ കൂടുതൽ ഈടാക്കാൻ അനുവാദമില്ലെന്നുമാണ് ആരോഗ്യവകുപ്പ് ഉദ്യോഗസ്ഥരുടെ പ്രതികരണം.

മാസങ്ങൾക്ക് മുമ്പാണ് സംസ്ഥാനത്തെ സ്വകാര്യ ലാബുകൾക്ക് വിവിധ കോവിഡ് പരിശോധന നടത്താൻ സംസ്ഥാന സർക്കാർ അനുമതി നൽകിയത്. കോവിഡ് പരിശോധന നടത്താൻ അനുമതി നൽകിയ ലാബുകളുടെ പേര് വിവരങ്ങളും പരിശോധനകളുടെ നിരക്കും സർക്കാർ പുറത്തുവിട്ടിരുന്നു.

ആർ.ടി- പി.സി.ആർ. പരിശോധനയ്ക്ക് 2750 രൂപയാണ് സർക്കാർ നിശ്ചയിച്ചിരിക്കുന്ന നിരക്ക്. സിബിനാറ്റിന് 3000 രൂപയും ട്രൂനാറ്റിന് ആദ്യഘട്ടത്തിൽ 1500-ഉം രണ്ടാംഘട്ടം ആവശ്യമാണെങ്കിൽ വീണ്ടും 1500-ഉം അടയ്ക്കണം. ഏറ്റവും വേഗത്തിൽ ഫലമറിയാവുന്ന സാധാരണക്കാർ ഏറെ ആശ്രയിക്കുന്ന കോവിഡ് പരിശോധനയാണ് ആന്റിജൻ. സംസ്ഥാനത്തെ നൂറിലേറെ ലാബുകളിലാണ് ആന്റിജൻ പരിശോധന നടത്താൻ സംസ്ഥാന സർക്കാർ അനുമതി നൽകിയിട്ടുള്ളത്. ഇതിനിടെയാണ് സർക്കാർ നിശ്ചയിച്ച നിരക്കിനെക്കാൾ കൂടുതൽ ഈടാക്കി സ്വകാര്യ ലാബുകൾ ജനങ്ങളെ പിഴിയുന്നത്.

Content Highlights:private labs charging high amount for covid antigen test in malappuram

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
supreme court

1 min

ഗുജറാത്ത് കലാപം: എ.സി. മുറിയിലിരിക്കുന്നവര്‍ക്ക് യാഥാര്‍ഥ്യമറിയില്ല - സുപ്രീംകോടതി

Jun 25, 2022


vijay babu

3 min

സമ്മതപ്രകാരമുള്ള ബന്ധത്തെ ബലാത്സംഗമായി മാറ്റുന്നതിനെതിരേ ജാഗ്രത വേണം -ഹൈക്കോടതി

Jun 23, 2022


Droupadi Murmu

5 min

ദ്രൗപദി മുർമുവിനെ സര്‍വ്വസമ്മതയായ സ്ഥാനാര്‍ഥിയായി നിര്‍ത്തണം; സിന്‍ഹയെ പിന്‍വലിക്കണം | പ്രതിഭാഷണം

Jun 23, 2022

Most Commented