വാചകമടിക്കാതെ കേന്ദ്രം കുറച്ചതുപോലെ ഇന്ധന നികുതി കുറയ്ക്കാന്‍ കേരളം തയ്യാറാകണം - ബി. ഗോപാലകൃഷ്ണന്‍


ബി. ഗോപാലകൃഷ്ണൻ | ഫോട്ടോ: മാതൃഭൂമി

തിരുവനന്തപുരം: വാചകമടിക്കാതെ കേന്ദ്രം കുറച്ചതുപോലെ ഇന്ധന നികുതി കുറയ്ക്കാന്‍ കേരളം തയ്യാറാകണമെന്ന് ബിജെപി സംസ്ഥാന വൈസ് പ്രസിഡന്റ് ബി ഗോപാലകൃഷ്ണന്‍. കര്‍ണ്ണാടക സര്‍ക്കാര്‍ ഏഴ് രൂപ കുറച്ച് കഴിഞ്ഞു. ഗോവ അടക്കം ബിജെപി ഭരിക്കുന്ന പല സംസ്ഥാനങ്ങള്‍ ഇതിന് മുന്‍പ് ഒരു വിഹിതം കുറച്ചിരുന്നു. 23 ശതമാനം ഡീസലിനും 30 ശതമാനം പെട്രോളിനും നികുതി കൈപ്പറ്റുന്ന കേരള സര്‍ക്കാര്‍ ഇത് വരെ നായാ പൈസ കുറച്ചിട്ടില്ലെന്നും ഗോപാലകൃഷ്ണന്‍ വിമര്‍ശിച്ചു.

ഇന്ധന വില കുത്തനെ ഉയരുമ്പോഴും നികുതി ഇനത്തില്‍ ഏറ്റവും കൂടുതല്‍ തുക തട്ടുന്നത് കേന്ദ്ര സര്‍ക്കാരാണോ കേരള സര്‍ക്കാരാണോ എന്ന ചോദ്യത്തിന് കൃത്യമായ ഉത്തരം ഇന്ന് വരെ കേരളത്തിലെ ധനമന്ത്രിമാര്‍ പറഞ്ഞിട്ടില്ല. പറയാന്‍ കഴിയില്ല, കാരണം സ്‌പെഷ്യല്‍ സെസ്സ് ഒഴിച്ച് കേന്ദ്ര സര്‍ക്കാര്‍ എടുക്കുന്ന നികുതിയുടെ വിഹിതവും സംസ്ഥാനത്തിന് കിട്ടുന്നുണ്ടെന്നും അദ്ദേഹം ചൂണ്ടിക്കാണിച്ചു.

2018ന് ശേഷം ക്രൂഡോയില്‍ വില ഏറ്റവും ഉയര്‍ന്ന ഇന്നത്തെ സാഹചര്യത്തില്‍ ജനങ്ങള്‍ക്ക് ആശ്വാസമായിട്ടാണ് 10 രൂപ ഡീസലിനും 5 രൂപ പെട്രോളിനും കുറച്ചത്. നികുതി ഇനത്തില്‍ കേന്ദ്രത്തിനേക്കാള്‍ കൂടുതല്‍ കിട്ടുന്ന കേരളം വാചകമടി നിര്‍ത്തി ഡിസലിനും പെട്രോളിനും നികുതി കുറക്കണം. കേന്ദ്രം എക്‌സൈസ് തീരുവ കുറച്ച് വില കുറക്കാന്‍ തയ്യാറായതു പോലെ കേരളവും തയ്യാറാകണം. കേന്ദ്രം മുഖം രക്ഷിക്കാന്‍ എടുത്തതാണ് നടപടി എന്ന് പറഞ്ഞ് പരിഹസിക്കുന്നതിന് പകരം നികുതി കുറച്ച് കേന്ദ്രം കാണിച്ച മാതൃക കാണിക്കാന്‍ ബാലഗോപാല്‍ തയ്യാറാകണം എന്നിട്ടാകാം കേന്ദ്രത്തിനെതിരെ പരിഹാസമെന്നും ഗോപാലകൃഷ്ണന്‍ വിമര്‍ശിച്ചു.

content highlights: petrol disel price hike, b gopalakrishnan critisize state government


Also Watch

Add Comment
Related Topics

Get daily updates from Mathrubhumi.com

Newsletter
Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
Malala Yousafzai

2 min

ഭര്‍ത്താവിന്റെ അഴുക്കുപിടിച്ച സോക്‌സുകള്‍ സോഫയില്‍; വേസ്റ്റ് ബിന്നിലേക്ക് വലിച്ചെറിഞ്ഞെന്ന് മലാല

Feb 5, 2023


nirmala sitharaman

1 min

പ്രത്യേക പരിഗണനയില്ല; അദാനിക്ക് കേരളത്തിലടക്കം പദ്ധതികള്‍ നല്‍കിയത് BJP ഇതര സര്‍ക്കാര്‍-ധനമന്ത്രി

Feb 6, 2023


.

1 min

ഇഡ്ഡലിയോട് ഈ കടുംകൈ വേണ്ടെന്ന് വിമര്‍ശനം; പാഴായി പരീക്ഷണം

Feb 5, 2023

Most Commented