പെരുമ്പാവൂരില്‍ KSRTC ബസില്‍നിന്ന് തെറിച്ചുവീണ് പ്ലസ് വണ്‍ വിദ്യാര്‍ഥിനിക്ക് ഗുരുതര പരിക്ക്


രാവിലെ 8.20ഓടെയാണ് അപകടമുണ്ടായത്

പരിക്കേറ്റ വിദ്യാർഥിനിയെ ആശുപത്രിയിൽ പ്രവേശിപ്പിച്ചപ്പോൾ | Photo: Screen Grab(Mathrubhumi News)

കൊച്ചി: പെരുമ്പാവൂരില്‍ കെ.എസ്.ആര്‍.ടി.സി. ബസില്‍നിന്ന് തെറിച്ചുവീണ് വിദ്യാര്‍ഥിനിക്ക് ഗുരുതര പരിക്ക്. ഒക്കല്‍ എസ്.എന്‍.എച്ച്.എസ്.എസ്. സ്‌കൂളിലെ പ്ലസ് വണ്‍ വിദ്യാര്‍ഥിനി ഫര്‍ഹ ഫാത്തിമയാണ് ബസിന്റെ മുന്‍വാതില്‍ തുറന്ന് റോഡില്‍ വീണത്. സ്‌കൂളിലേക്ക് പോകുംവഴി വെള്ളിയാഴ്ച രാവിലെ 8.20-ഓടെയാണ് അപകടമുണ്ടായത്.

മഞ്ഞപ്പെട്ടയില്‍ നിന്നാണ് ഫര്‍ഹ ബസില്‍ കയറിയത്. ബസ് മുന്നോട്ട് എടുത്തപ്പോള്‍ തെറിച്ചുവീഴുകയായിരുന്നു. ഉടന്‍ തന്നെ ചികിത്സലഭ്യമാക്കിയെങ്കിലും പരിക്ക് ഗുരുതരമായതിനാല്‍ കൊച്ചിയിലെ സ്വകാര്യ ആശുപത്രിയിലേക്ക് മാറ്റി. ഡ്രൈവറുടെ അനാസ്ഥയാണ് അപകടത്തിന് കാരണമായതെന്ന് കുട്ടിയുടെ കുടുംബം ആരോപിച്ചു.



സംഭവത്തില്‍ പോലീസ് അന്വേഷണം ആരംഭിച്ചു. തിരക്കേറിയ ബസിന്റെ ചവിട്ടുപടിയില്‍ നിന്നായിരുന്നു വിദ്യാര്‍ഥിനി യാത്ര ചെയ്തിരുന്നത്. വാതിലിന്റെ ലോക്ക് കൃത്യമായി വീഴാത്തതിനാല്‍ സുരക്ഷിതമായ രീതിയില്‍ അടച്ചിരുന്നില്ല. ബസ് മുന്നോട്ട് എടുത്തപ്പോള്‍ കുട്ടി തെറിച്ചുവീഴുകയായിരുന്നു. പെരുമ്പാവൂര്‍- ആലുവ റോഡില്‍ സ്‌കൂള്‍ സമയത്ത് ആവശ്യമായത്ര ബസ് സര്‍വീസുകള്‍ ഇല്ലെന്നും അതിനാലാണ് അപകടകരമായ രീതിയില്‍ വിദ്യാര്‍ഥികള്‍ക്ക് യാത്ര ചെയ്യേണ്ടിവരുന്നതെന്നും കുടുംബം ആരോപിച്ചു.

Content Highlights: perumbavoor aluva student fell out from ksrtc bus


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
photo: Getty Images

1 min

കളി കഴിഞ്ഞെന്നു കരുതി ചാനലില്‍ പരസ്യം വന്നു; തോറ്റതറിയാതെ ഫ്രഞ്ച് ആരാധകര്‍

Dec 1, 2022


03:44

രാത്രിയാണറിഞ്ഞത് സിന്തറ്റിക് ട്രാക്കാണെന്ന്, സ്പീഡ് കുറയുമെന്ന് പേടിച്ചാണ് ഷൂസിടാതെ ഓടിയത്

Nov 28, 2022


37:49

സ്വപ്നങ്ങൾ വേണ്ടെന്ന് വെച്ചാൽ എന്റെ കുട്ടി അതാണ് പഠിക്കുക, ഞാനത് ആ​ഗ്രഹിക്കുന്നില്ല - അഞ്ജലി മേനോൻ

Nov 29, 2022

Most Commented