പി.ടി.7 | Photo: Special Arrangement
പാലക്കാട്: ഏറെനാളായി പാലക്കാട് ധോണി പ്രദേശത്തിന്റെ ഉറക്കംകെടുത്തിയ കാട്ടാന 'പാലക്കാടന്‍ ടസ്‌കര്‍ ഏഴാമന്‍' എന്ന പി.ടി.7. ഇനി 'ധോണി' എന്ന പേരില്‍ അറിയപ്പെടും. വനംമന്ത്രി എ.കെ. ശശീന്ദ്രനാണ് ഇക്കാര്യം അറിയിച്ചത്. പ്രദേശത്തെ എല്ലാ ഇടവഴികളും അറിയുന്ന പ്രിയ്യപ്പെട്ട സുഹൃത്താണ് പി.ടി.7. മേലില്‍ ധോണി എന്ന പേരില്‍ പി.ടി.7. അറിയപ്പെടുമെന്ന് അദ്ദേഹം പറഞ്ഞു.
മൂന്ന് കുങ്കിയാനകളായിരുന്നു പി.ടി.7-നെ തളയ്ക്കാനായി കൊണ്ടുവന്നിരുന്നത്. സുരേന്ദ്രന്‍, വിക്രമന്‍, ഭരതന്‍ എന്നീ പേരുകളിലുള്ള കുങ്കിയാനകളെ നേരത്തെ വിവിധ സ്ഥലങ്ങളില്‍ നിന്ന് വനം വകുപ്പ് പിടികൂടിയതാണ്. പിന്നീട് ഇവയ്ക്ക് പേരുകള്‍ നല്‍കി കുങ്കിയാനകളാക്കി മാറ്റുകയായിരുന്നു.
കടുത്ത പരിശ്രമത്തിനൊടുവിലാണ് പിടികൂടിയ പി.ടി.7നെ ധോണി ഫോറസ്റ്റ് സ്‌റ്റേഷനില്‍ എത്തിച്ചത്. പി.ടി.7-നെ കുങ്കിയാനയാക്കാനുള്ള പരിശീലനം നല്‍കാനാണ് തീരുമാനം. യൂക്യാലിപ്റ്റസ് മരങ്ങള്‍ കൊണ്ടുനിര്‍മ്മിച്ച കൂട്ടിലാക്കുന്ന പി.ടി.7-നെ മൂന്ന് മാസത്തേക്ക് കൂട്ടില്‍ നിന്ന് പുറത്തിറക്കില്ല. അക്രമസ്വഭാവം പ്രകടിപ്പിക്കുന്നില്ല എന്നുറപ്പാക്കിയ ശേഷമാകും പുറത്തിറക്കുക.
അതേസമയം, പി.ടി.7-നെ പിടികൂടുന്ന ദൗത്യം വിജയപ്പിച്ച സംഘത്തെ സര്‍ക്കാര്‍ ആദരിച്ചു. ജില്ലയില്‍ നിന്നുള്ള മന്ത്രി എം.ബി. രാജേഷ് സംഘാംഗങ്ങളെ പൊന്നാടയണിയിച്ചു. 75 പേരായിരുന്നു സംഘത്തില്‍ ഉണ്ടായിരുന്നത്.
Content Highlights: palakadan tusker 7 pt 7 renamed as dhoni
Also Watch
RELATED STORIES
%20(1).jpg?$p=d7d1192&f=1x1&w=100&q=0.8)
.jpg?$p=c0d0d29&f=1x1&w=100&q=0.8)
.jpg?$p=09e9aed&f=1x1&w=100&q=0.8)
IN CASE YOU MISSED IT
.jpg?$p=0b4f5b8&f=1x1&w=100&q=0.8)
.jpg?$p=a80322e&f=1x1&w=100&q=0.8)
.jpg?$p=298ab5c&q=0.8&f=16x11&w=104)
.jpg?$p=79c0b37&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..