ഒരേ ജയിലിൽ തടവുകാരായി ലോറൻസും പരമേശ്വരനും


ഭാരതീയ വിചാരകേന്ദ്രം ഡയറക്ടർ പി. പരമേശ്വരന് സി.പി.എം. നേതാവ് എം.എം. ലോറൻസ് അന്തിമോപചാരമർപ്പിക്കുന്നു

കൊച്ചി: ജയിലിലെ സഹവാസിയായിരുന്ന പരമേശ്വർജിയെ അവസാനമായി ഒരുവട്ടം കാണാൻ മുതിർന്ന സി.പി.എം. നേതാവ് എം.എം. ലോറൻസ് എത്തി. രണ്ടു രാഷ്ട്രീയതലങ്ങളിൽ നിൽക്കുന്ന രണ്ടുപേർ ഒരേ തടവറയിലെ സഹവാസികളായി മാറിയത് അടിയന്തരാവസ്ഥക്കാലത്താണ്. ഇരുവരും തിരുവനന്തപുരം, വിയ്യൂർ സെൻട്രൽ ജയിലുകളിലാണ് ഒരുമിച്ചു കഴിഞ്ഞത്.

പരമേശ്വർജിയുമായുള്ള ജയിൽവാസം തികച്ചും വ്യത്യസ്തമായിരുന്നുവെന്ന് ലോറൻസ് പറഞ്ഞു. ജയിലിൽ പ്രത്യേകിച്ച് ജോലികളൊന്നുമുണ്ടായിരുന്നില്ല. അതിനാൽത്തന്നെ ധാരാളം ചർച്ചകൾ അദ്ദേഹത്തോടൊപ്പം നടത്താൻ കഴിഞ്ഞുവെന്ന് ലോറൻസ് പറഞ്ഞു. പരമേശ്വർജിയുടെയും കമ്യൂണിസ്റ്റുകാരനായ തന്റെയും സിദ്ധാന്തങ്ങൾ തമ്മിൽ വൈരുധ്യം ഉണ്ടെന്നിരിക്കെയാണ് ചർച്ചകൾ ധാരാളം നടന്നത്. തമ്പാൻ തോമസ്, ആലുങ്കൽ ദേവസി എന്നിവരും ജയിലിൽ ഒരുമിച്ചുണ്ടായിരുന്നുവെന്ന് ലോറൻസ് പറഞ്ഞു.

സൗമ്യമായ സംസാരവും പെരുമാറ്റവും ലാളിത്യത്തോടെയുള്ള ജീവിതവുമായിരുന്നു പരമേശ്വർജിയുടേത്. പരേമേശ്വർജിയോടൊപ്പം ബാല്യകാലത്ത് മുഹമ്മയിൽ ഒന്നിച്ച് കളിച്ചുവളർന്ന സഖാവ് കുമാരൻ അദ്ദേഹത്തിന്റെ ജീവിതത്തെക്കുറിച്ച് കുറെയേറെ കാര്യങ്ങൾ പറഞ്ഞിട്ടുണ്ട്. തികച്ചും വ്യത്യസ്തനായിരുന്നു അദ്ദേഹമെന്ന് ഇതിലൂടെ മനസ്സിലാക്കാനായെന്നും ലോറൻസ് പറഞ്ഞു.

ആദർശപരമായോ ആശയപരമായോ യോജിപ്പില്ലെങ്കിലും മനുഷ്യനന്മ മുൻനിർത്തിയാണ് അദ്ദേഹം പ്രവർത്തിച്ചിരുന്നത് എന്നത് വിസ്മരിക്കാനാവില്ലെന്ന് എം.എം. ലോറൻസ് കൂട്ടിച്ചേർത്തു.


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT

'ഷർട്ട് വാങ്ങാൻ 1500 രൂപ കൊടുത്തു, ലോണടയ്ക്കാൻ 1000 തിരികെ തന്നു'

Oct 6, 2022


06:50

വിമാനലോകത്തിലെ ഭീമന്‍, എയര്‍ബസ് A 380 സീരീസിന്  മരണമണി മുഴങ്ങുന്നു

Oct 6, 2022


38:00

അച്ഛന്റെ സിനിമയ്ക്കല്ല, അന്നും പോയിരുന്നത് ലാലേട്ടന്റെയും മമ്മൂക്കയുടെയും സിനിമ കാണാൻ | Binu Pappu

Oct 7, 2022

Most Commented