അമിതകൂലി നല്‍കിയില്ല; വ്യാപാര സ്ഥാപനത്തിലെ തൊഴിലാളികള്‍ക്ക് ഐഎന്‍ടിയുസിയുടെ മര്‍ദനം 


സംഭവത്തിന്റെ സിസിടിവി ദൃശ്യത്തിൽ നിന്ന്

അടിമാലി: ഇടുക്കി അടിമാലിയില്‍ അമിതകൂലി നല്‍കാത്തതിന് വ്യാപാരസ്ഥാപനത്തിലെ തൊഴിലാളികള്‍ക്ക് മര്‍ദനം. ജോയി എന്റര്‍പ്രൈസസ് എന്ന വ്യാപാര സ്ഥാപനത്തിലെ തൊഴിലാളികള്‍ക്കാണ് ഐ.എന്‍.ടി.യു.സി. യൂണിയനിലെ ചുമട്ടു തൊഴിലാളികളുടെ മര്‍ദനമേറ്റത്. കഴിഞ്ഞ വെള്ളിയാഴ്ചയായിരുന്നു സംഭവം.

സ്ഥാപനത്തിന്റെ നിര്‍മാണ ആവശ്യങ്ങള്‍ക്കായി എത്തിച്ച ഗ്ലാസുകള്‍ ഇറക്കുന്നതിനേച്ചൊല്ലിയായിരുന്നു തര്‍ക്കം. ഗ്ലാസ് ഇറക്കുന്നതിനായി ഐ.എന്‍.ടി.യു.സി യൂണിയനില്‍പ്പെട്ട തൊഴിലാളികള്‍ എത്തിയിരുന്നു. ഇവര്‍ അമിതകൂലി ആവശ്യപ്പെട്ടുവെന്നാണ് പരാതി. അഞ്ച് ഗ്ലാസുകള്‍ ഇറക്കാന്‍ 5,000 രൂപയാണ് തൊഴിലാളികള്‍ ആവശ്യപ്പെട്ടത്. എന്നാല്‍ ഇത് നല്‍കാന്‍ കഴിയില്ലെന്നും പരമാവധി 1,500 രൂപയേ നല്‍കാന്‍ സാധിക്കൂ എന്നും വ്യാപാരി അറിയിച്ചു.

ചുമട്ട് തൊഴിലാളികള്‍ ഇതിന് വഴങ്ങാന്‍ തയ്യാറായില്ല. തുടര്‍ന്ന് തൊഴിലാളികള്‍ മടങ്ങിയതോടെ വ്യാപാരി സ്വന്തം തൊഴിലാളികളെ ഉപയോഗിച്ച് ഗ്ലാസുകള്‍ ഇറക്കുകയായിരുന്നു. രണ്ട് ഗ്ലാസ് ഇറക്കിയതോടെ ഐ.എന്‍.ടി.യു.സി തൊഴിലാളികള്‍ മടങ്ങിയെത്തുകയും ഇതര സംസസ്ഥാനക്കാരായ തൊഴിലാളികളെ മര്‍ദിക്കുകയായിരുന്നു. ഇത് തടയാന്‍ ശ്രമിച്ച വ്യാപാരിയുടെ ഭാര്യ ഉള്‍പ്പെടെയുള്ള സ്ത്രീകളെ ഇവര്‍ അസഭ്യം പറഞ്ഞതായും പരാതിയുണ്ട്.

തുടര്‍ന്ന് വ്യാപാരി പോലീസില്‍ പരാതി നല്‍കി. ആറ് പേരാണ് സംഘത്തിലുണ്ടായിരുന്നത്. ഇവരെ അറസ്റ്റ് ചെയ്ത് സ്റ്റേഷന്‍ ജാമ്യത്തില്‍ വിട്ടു. ഇവര്‍ക്കെതിരേ നിസാര വകുപ്പുകളാണ് ചുമത്തിയിരുക്കുന്നതെന്നാണ് ആരോപണം.

Content Highlights: Other state employees of business firms are beaten up by INTUC workers for not paying excessive wage


Also Watch

Add Comment
Related Topics

Get daily updates from Mathrubhumi.com

Youtube
Telegram

വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..



 

IN CASE YOU MISSED IT
wedding

2 min

വധു ഒഴികെ ആരും ക്യാമറ കണ്ടില്ല; ആ ക്ലിക്കിന് കിട്ടിയത് രണ്ടു ലക്ഷം രൂപ സമ്മാനം

Sep 25, 2022


Police

1 min

വീട്ടിൽനിന്ന്‌ രഹസ്യ ഗോവണി, ബംഗ്ലാവില്‍ ആര്‍ഭാടജീവിതം; മുപ്പതിലധികം കവർച്ചക്കേസുകളിലെ പ്രതി കുടുങ്ങി

Sep 25, 2022


രണ്ടരവർഷത്തെ കാത്തിരിപ്പ്; പിണക്കം മറന്ന് മടങ്ങിയെത്തിയ ഓമനപ്പൂച്ചയെ വാരിപ്പുണർന്ന് ഉടമകൾ

Sep 25, 2022

Most Commented